„საჯარო სამართლის იურიდიული პირის - ათასწლეულის გამოწვევის ფონდი - საქართველოს (MCA-Georgia) დებულების დამტკიცებისა და სამეთვალყურეო საბჭოს შექმნის შესახებ“ საქართველოს მთავრობის 2012 წლის 12 აპრილის №137 დადგენილებაში ცვლილების შეტანის თაობაზე

1. პირველი მუხლის:

ა)  მე-3 პუნქტი ჩამოყალიბდეს შემდეგი რედაქციით:

„3. „MCA-Georgia“ თავისი საქმიანობისას ხელმძღვანელობს საქართველოს კონსტიტუციით, საერთაშორისო ხელშეკრულებებით, საქართველოს კანონმდებლობით, საქართველოს მთავრობასა და ათასწლეულის გამოწვევის კორპორაციას შორის ხელმოწერილი კომპაქტით (მე-2 კომპაქტი), „MCA-Georgia“-ს რეგლამენტით, ამ დებულებითა და „MCA-Georgia“-ს აღმასრულებელი დირექტორის მიერ გამოცემული სამართლებრივი აქტებით.“;

ბ) მე-5 პუნქტი ამოღებულ იქნეს;

გ) მე-7 პუნქტი ჩამოყალიბდეს შემდეგი რედაქციით:

„7. „MCA-Georgia“-ს იურიდიული მისამართია: კოსტავას ქ. №5, 0108, თბილისი, საქართველო.“.

2. მე-2 მუხლის პირველი პუნქტის „ი“ ქვეპუნქტი ჩამოყალიბდეს შემდეგი რედაქციით:

„ი) მე-2 კომპაქტის შესაბამისად, საქართველოს მთავრობის მიერ დელეგირებული ან მე-2 კომპაქტით აღებული ვალდებულებების, „MCA-Georgia“-ს მიერ მიღებული შიდა აქტებითა (მათ შორის, „MCC“-სთან შეთანხმებით მიღებული რეგლამენტით) და ამ დებულებით გათვალისწინებული სხვა უფლებებისა და მოვალეობების განხორციელება.“.

3.  მე-4 მუხლის:

ა) მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:

„ა) ხმის უფლების მქონე 7 წევრისგან, რომელთაგან 5 მთავრობის წევრია, 2 - კერძო სექტორის და სამოქალაქო (არასამთავრობო) საზოგადოების წარმომადგენელი. მთავრობის წევრები საბჭოს წევრები არიან შესაბამის თანამდებობაზე ყოფნის ვადით, ხოლო კერძო სექტორის და სამოქალაქო (არასამთავრობო) საზოგადოების წარმომადგენლები შეირჩევიან 3 წლის ვადით;“;

ბ) 5¹ პუნქტი ჩამოყალიბდეს შემდეგი რედაქციით:

„5¹. საბჭოს სხდომას თავმჯდომარეობს საქართველოს პრემიერ-მინისტრი - საბჭოს თავმჯდომარე, ხოლო მისი არყოფნის შემთხვევაში,  საბჭოს დამსწრე წევრთაგან ხმათა უმრავლესობით სხდომის თავმჯდომარედ არჩეული პირი. საბჭო უფლებამოსილია, თუ სხდომას ესწრება არანაკლებ        4 წევრისა, რომელთაგან, სულ მცირე, 3 წევრი არის მთავრობის წევრი და სულ მცირე, ერთი წევრი - კერძო სექტორის ან სამოქალაქო (არასამთავრობო) საზოგადოების წარმომადგენელი.“.

4.  მე-4 მუხლის 5¹ პუნქტს დაემატოს შემდეგი შინაარსის 5² და 5³ პუნქტები:

„5². სამეთვალყურეო საბჭოს მიერ გადაუდებელი გადაწყვეტილებები შესაძლებელია მიღებულ იქნეს სხდომის ჩატარების გარეშე, სამეთვალყურეო საბჭოს წევრთა გამოკითხვის წესით, თუ:

 ა) გადაწყვეტილების წერილობითი პროექტი მიწოდებულია სამეთვალყურეო საბჭოს ყველა წევრისა და დამკვირვებლებისათვის;

ბ) არანაკლებ 5 წევრი, რომელთაგან არანაკლებ 4 უნდა იყოს მთავრობის წევრი და ერთი კერძო სექტორის/სამოქალაქო (არასამთავრობო) საზოგადოების წარმომადგენელი, წერილობით გამოხატავს თანხმობას გადაწყვეტილებაზე.

5³. სამეთვალყურეო საბჭოს წევრებს და დამკვირვებლებს შეუძლიათ, მონაწილეობა მიიღონ სამეთვალყურეო საბჭოს სხდომებში სატელეფონო კონფერენციის ან მსგავსი საკომუნიკაციო საშუალების მეშვეობით. ასეთი მონაწილეობა უთანაბრდება საბჭოს სხდომაზე პირის დასწრებას.“.

5. მე-4 მუხლის  მე-6 პუნქტი ჩამოყალიბდეს შემდეგი რედაქციით:

„6. სამეთვალყურეო საბჭოს რეგულარული სხდომები იმართება, სულ მცირე, კვარტალში ერთხელ. სამეთვალყურეო საბჭოს გადაწყვეტილებით და/ან „MCA-Georgia“-ს აღმასრულებელი დირექტორის მოწვევით, საბჭოს სხდომები გაიმართება,  აგრეთვე,  საჭიროებისამებრ.“.

6. მე-5 მუხლის მე-3 პუნქტი ჩამოყალიბდეს შემდეგი რედაქციით:

„3. მენეჯმენტის გუნდი:

ა) აღმასრულებელი დირექტორი;

ბ) ფინანსური დირექტორი;

გ) ზოგადი განათლების პროექტის დირექტორი;

დ) უმაღლესი განათლების პროექტის დირექტორი;

ე) ინფრასტრუქტურის მთავარი ინჟინერი;

ვ) შესყიდვების დირექტორი;

ზ) გარემოს დაცვისა და სოციალურ საკითხთა დირექტორი;

თ) ბიზნესთან, მთავრობასა და საზოგადოებასთან ურთიერთობების დირექტორი;

ი) იურიდიულ საკითხებში დირექტორი;

კ) მონიტორინგისა და შეფასების დირექტორი;

ლ) გენდერული და სოციალური შეფასების დირექტორი.“.