დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ფიზიკური პირის გოჩა ღვინეფაძის საქმიანობის ხელშესაწყობად რიგ ღონისძიებათა განხორციელების თაობაზე | |
|---|---|
| დოკუმენტის ნომერი | 855 |
| დოკუმენტის მიმღები | საქართველოს მთავრობა |
| მიღების თარიღი | 18/05/2016 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 30/05/2016 |
| სარეგისტრაციო კოდი | 000000000.00.003.021382 |
საქართველოს მთავრობის
განკარგულება №855
2016 წლის 18 მაისი
ქ. თბილისი
ფიზიკური პირის – გოჩა ღვინეფაძის საქმიანობის ხელშესაწყობად რიგ ღონისძიებათა განხორციელების თაობაზე
1. „სახელმწიფო ქონების შესახებ“ საქართველოს კანონის 491 მუხლის პირველი პუნქტის შესაბამისად, შეიცვალოს „ქ. სიღნაღში, კოსტავას ქუჩაზე მდებარე შენობა-ნაგებობის 460,08 კვ.მ (ყოფილი არქივის შენობა) და მასზე დამაგრებული 282,80 კვ.მ მიწის ფართობის აუქციონის (პირობებიანი) ფორმით პრივატიზების შესახებ“ საქართველოს ეკონომიკური განვითარების მინისტრის 2007 წლის 1 მარტის №1-1/389 ბრძანების მე-4 პუნქტით დადგენილი საპრივატიზებო პირობები (გარდა საპრივატიზებო თანხის გადახდის ვალდებულებისა) და განისაზღვროს შემდეგი სახით:
„ქ. სიღნაღში, კოსტავას ქუჩაზე მდებარე შენობა-ნაგებობის 460,08 კვ.მ (ყოფილი არქივის შენობა) და მასზე დამაგრებული 282,80 კვ.მ მიწის ფართობის აუქციონის (პირობებიანი) ფორმით პრივატიზების შესახებ“ საქართველოს ეკონომიკური განვითარების მინისტრის 2007 წლის 1 მარტის №1-1/389 ბრძანებით გათვალისწინებულ ქონებაზე ან/და მის ნაწილზე, პირადად ან და მესამე პირ(ებ)ის მეშვეობით, საკვები ობიექტის მოწყობა.“.
2. „სახელმწიფო ქონების შესახებ“ საქართველოს კანონის 491 მუხლის პირველი პუნქტის შესაბამისად, ფიზიკური პირი – გოჩა ღვინეფაძე (პ/ნ: 20001008983) გათავისუფლდეს საქართველოს ეკონომიკური განვითარების სამინისტროსა (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი – სახელმწიფო ქონების ეროვნული სააგენტო) და ფიზიკურ პირთა ჯგუფს – გოჩა ღვინეფაძესა და ვანო ცაბუტაშვილს შორის 2007 წლის 10 მაისს დადებული ნასყიდობის ხელშეკრულების თანახმად, ამ განკარგულების საფუძველზე, შესაბამისი ხელშეკრულების გაფორმებამდე, მასზე დაკისრებული ან/და დასაკისრებელი პირგასამტეხლოს გადახდისაგან.
3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.
პრემიერ-მინისტრი გიორგი კვირიკაშვილი
დოკუმენტის კომენტარები