სახელმწიფო საკუთრებაში არსებული ქონების შპს „სოკარ ჯორჯია პეტროლეუმისათვის“ იჯარის უფლებით გადაცემის თაობაზე თანხმობის მიცემის შესახებ

საქართველოს მთავრობის

განკარგულება №853

2016 წლის 18 მაისი

ქ. თბილისი

სახელმწიფო საკუთრებაში არსებული ქონების შპს „სოკარ ჯორჯია პეტროლეუმისათვის“ იჯარის უფლებით გადაცემის თაობაზე თანხმობის მიცემის შესახებ

1. „სახელმწიფო ქონების შესახებ“ საქართველოს კანონის 36-ე მუხლის მე-2 პუნქტის შესაბამისად, მიეცეს თანხმობა საქართველოს ეკონომიკისა და მდგრადი განვითარების სამინისტროს სისტემაში შემავალ საჯარო სამართლის იურიდიულ პირს – სახელმწიფო ქონების ეროვნულ სააგენტოს, რომ სახელმწიფო საკუთრებაში არსებული, ქ. თბილისში, გორგასლის ქუჩა №54-54ა-ში მდებარე 2470 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობა №1 (საერთო ფართით – 94.40 კვ.მ) და №2 (საერთო ფართით – 83.34 კვ.მ) (მიწის (უძრავი ქონების) საკადასტრო კოდი: №01.18.11.001.022), შესაბამისი ხელშეკრულების გაფორმებიდან 1 (ერთი) წლის ვადით, იჯარის უფლებით, ყოველთვიური საიჯარო ქირით - 5 000 (ხუთი ათასი) ლარად, გადასცეს შპს  „სოკარ ჯორჯია პეტროლეუმს“ (ს/კ: 202352514).

2. ამ განკარგულების საფუძველზე გასაფორმებელი ხელშეკრულებით განისაზღვროს, რომ თბილისი-რუსთავის ავტობანის მშენებლობის დაწყების თაობაზე საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტოს მიერ შპს „სოკარ ჯორჯია პეტროლეუმისათვის“ შეტყობინების გაგზავნა მიიჩნევა ამავე ხელშეკრულების ვადაზე ადრე შეწყვეტის საფუძვლად. შპს „სოკარ ჯორჯია პეტროლეუმი“ ვალდებულია, ამგვარი შეტყობინების მიღებიდან 2 (ორი) თვის ვადაში გამოათავისუფლოს ამ განკარგულების პირველი პუნქტით გათვალისწინებული უძრავი ქონება.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                                                 გიორგი კვირიკაშვილი