ენერგეტიკის სექტორში განსახორციელებელი პროექტებისათვის დაფინანსების მოზიდვის შესახებ

საქართველოს მთავრობის

განკარგულება №778

2016 წლის 5 მაისი

ქ. თბილისი

ენერგეტიკის სექტორში განსახორციელებელი პროექტებისათვის დაფინანსების მოზიდვის შესახებ

1. მიღებულ იქნეს ცნობად საქართველოს ფინანსთა სამინისტროს ინფორმაცია შემდეგი პროექტების განხორციელების მიზნით დაფინანსების მოზიდვის თაობაზე:

ა) 500 კვ „ჯვარი-წყალტუბო“;

ბ) 500 კვ „წყალტუბო-ახალციხე“;

გ) „ჩრდილოეთის რგოლი-წყალტუბო“ (პირველი ფაზა);

დ) „გურიის გადაცემის ინფრასტრუქტურის გაძლიერება“.

2. საქართველოს ფინანსთა სამინისტრომ მიმართოს:

ა) რეკონსტრუქციისა და განვითარების საერთაშორისო ბანკს (IBRD) - 500 კვ „ჯვარი-წყალტუბო“ პროექტის დაფინანსების მიზნით;

ბ) გერმანიის რეკონსტრუქციის საკრედიტო ბანკს (KfW) შემდეგი პროექტების დაფინანსების მიზნით:

ბ.ა) 500 კვ „წყალტუბო-ახალციხე“;

ბ.ბ) „გურიის გადაცემის ინფრასტრუქტურის გაძლიერება“;

გ) ევროპის რეკონსტრუქციისა და განვითარების ბანკს (EBRD) და გერმანიის რეკონსტრუქციის საკრედიტო ბანკს (KfW) - „ჩრდილოეთის რგოლი-წყალტუბო“ (პირველი ფაზა) - პროექტის დაფინანსების მიზნით.

პრემიერ-მინისტრი  გიორგი კვირიკაშვილი