„ქ. თბილისში ლიტერატურისა და ხელოვნების კონკურსის - ,,თბილისი”- ს ჩატარების შესახებ“ ქალაქ თბილისის მუნიციპალიტეტის საკრებულოს 2015 წლის 8 მაისის N11-41 დადგენილებაში ცვლილების შეტანის თაობაზე

ა)  მე-2 პუნქტი ჩამოყალიბდეს შემდეგი რედაქციით:

„2.  კონკურსის ჩატარებამდე, ყოველწლიურად შედგეს შესაბამისი ჟიური 7 (შვიდი) წევრის შემადგენლობით. ჟიურის უფლებამოსილება შეუწყდება ლიტერატურისა და ხელოვნების კონკურსის ,,თბილისის” დაჯილდოების ცერემონიის შემდეგ.“.

ბ)  ამოღებულ იქნეს მე-3 პუნქტი;

გ) მე-7 პუნქტი ჩამოყალიბდეს შემდეგი რედაქციით:

„7.  კონკურსის ნომინაციებია:

· წლის საუკეთესო პროზაული ნაწარმოები;

· წლის საუკეთესო პოეტური ნაწარმოები;

· წლის საუკეთესო ესსე (სკოლის მოსწავლეთათვის);

· წლის საუკეთესო სიმღერა;

· წლის საუკეთესო ფერწერული ნაწარმოები;

· წლის საუკეთესო ქანდაკება;

· წლის საუკეთესო ფოტოხელოვნების ნაწარმოები;

· წლის საუკეთესო არქიტექტურული ნაწარმოები;

· ჟიურის სპეციალური პრიზი.“ ;

დ) მე-10 და მე-11 პუნქტები ჩამოყალიბდეს შემდეგი რედაქციით:

„10. ლიტერატურისა და ხელოვნების კონკურსის ,,თბილისი“ დაჯილდოების ცერემონია გაიმართოს ყოველი წლის ოქტომბრის თვეში, თბილისობის დღესასწაულის ფარგლებში.

11. ქ. თბილისის მუნიციპალიტეტის საკრებულოს აპარატის უფროსმა კონკურსის ჩატარებისათვის უზრუნველყოს კანონმდებლობის შესაბამისად  ყველა საჭირო ღონისძიების გატარება.