,,ქალაქ ზუგდიდის მუნიციპალიტის ადმინისტრაციულ საზღვრებში არსებულ ტერიტორიაზე ქალაქის ქუჩებში, სკვერებში, საზოგადოებრივი თავშეყრის სხვა ადგილებში წვრილფეხა ან/და მსხვილფეხა პირუტყვის კერძო საკუთრებაში არსებული ფართის გარეთ ყოლის აკრძალვის ღონისძიებების შესახებ“ ქალაქ ზუგდიდის მუნიციპალიტეტის საკრებულოს 2014 წლის 8 აგვისტოს №32 დადგენილებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის მე-20 მუხლის შესაბამისად, ქალაქ ზუგდიდის მუნიციპალიტეტის საკრებულო ადგენს:

,,ქალაქ ზუგდიდის მუნიციპალიტეტის ადმინისტრაციულ საზღვრებში არსებულ ტერიტორიაზე ქალაქის ქუჩებში, სკვერებში, საზოგადოებრივი თავშეყრის სხვა ადგილებში წვრილფეხა ან/და მსხვილფეხა პირუტყვის კერძო საკუთრებაში არსებული ფართის გარეთ ყოლის აკრძალვის ღონისძიებების შესახებ“ ქალაქ ზუგდიდის მუნიციპალიტეტის საკრებულოს 2014 წლის 8 აგვისტოს №32 დადგენილებაში (www.matsne.gov.ge, ს/კ: 0102500000.35.170.016032, 14/08/2014) შეტანილ იქნეს ცვლილება და დადგენილებით დამტკიცებული დანართი  ჩამოყალიბდეს თანდართული რედაქციით.

დადგენილება ამოქმედდეს გამოქვეყნებისთანავე.

ეს წესი არეგულირებს ქალაქ ზუგდიდის მუნიციპალიტის ადმინისტრაციულ საზღვრებში არსებულ ტერიტორიაზე ქალაქის ქუჩებიდან, სკვერებიდან, საზოგადოებრივი თავშეყრის სხვა ადგილებიდან დროებით სადგომზე გადაყვანილი წვრილფეხა ან/და მსხვილფეხა პირუტყვის ჯარიმის გადახდის ოდენობასა და წესს.

მოხეტიალე ან/და მეთვალყურეობის გარეშე მყოფი წვრილფეხა ან/და მსხვილფეხა პირუტყვი ექვემდებარება დაუყოვნებლივ დროებით სადგომზე გადაყვანას.

წვრილფეხა ან/და მსხვილფეხა პირუტყვის მეთვალყურეობის გარეშე ყოფნა ქალაქის ტერიტორიაზე გამოიწვევს პირუტყვის მესაკუთრის დაჯარიმებას 20 (ოცი) ლარის ოდენობით, ხოლო ბულვარში, პარკში ან სკვერში გამოიწვევს  მესაკუთრის დაჯარიმებას 50 ლარის ოდენობით.

თუ წვრილფეხა ან/და მსხვილფეხა პირუტყვი იმყოფება მეთვალყურეობის გარეშე, ადმინისტრაციული სამართალდარღვევის შესახებ ოქმის შედგენაზე უფლებამოსილი პირი პირუტყვს გადაიყვანს დროებით სადგომზე.

დროებით სადგომზე გადაყვანილი წვრილფეხა ან/და მსხვილფეხა პირუტყვის მესაკუთრე ვალდებულია კანონით დადგენილ ვადაში მიაკითხოს ქალაქ ზუგდიდის მუნიციპალიტეტის ზედამხედველობის სამსახურს და წარუდგინოს წვრილფეხა ან/და მსხვილფეხა პირუტყვის მესაკუთრეობის დამადასტურებელი დოკუმენტი. მესაკუთრეს პირუტყვი დაუბრუნდება ჯარიმის გადახდის ქვითრის წარმოდგენის შემდგომ.

ჯარიმის გადამხდელია ქალაქ ზუგდიდის მუნიციპალიტეტის ადმინისტრაციულ საზღვრებში არსებულ ტერიტორიიდან  დროებით სადგომზე გადაყვანილი წვრილფეხა ან/და მსხვილფეხა პირუტყვის მესაკუთრე.

ჯარიმის ქვითრის გამოწერა ხდება წვრილფეხა ან/და მსხვილფეხა პირუტყვის სულადობის მიხედვით. წვრილფეხა ან/და მსხვილფეხა პირუტყვის მესაკუთრე ვალდებულია დაკისრებული ჯარიმა გადაიხადოს 30 დღის ვადაში.

სამართალდარღვევისათვის გამოწერილი ჯარიმის გადახდის დამადასტურებელი ქვითრის წარმოდგენის შემდეგ ფორმდება მიღება-ჩაბარების აქტი ორ ეგზემპლიარად. ერთი პირი რჩება მერიის ზედამხედველობის სამსახურს, მეორე გადაეცემა წვრილფეხა ან/ და მსხვიფეხა პირუტყვის მესაკუთრეს.

ჯარიმის თანხა მთლიანად ჩაირიცხება ადგილობრივ ბიუჯეტში.

ჯარიმის თანხის გადახდაზე პასუხისმგებლობა ეკისრება ქალაქ ზუგდიდის მუნიციპალიტეტის მერიის ზედამხედველობის სამსახურს.

წვრილფეხა ან/და მსხვილფეხა პირუტყვის მესაკუთრე ვალდებულია:

ქალაქ ზუგდიდის მუნიციპალიტეტის მერიის ზედამხედველობის სამსახური ადმინისტრაციული სამართალდარღვევის ოქმის შედგენას აწარმოებს კანონმდებლობით დადგენილი წესის შესაბამისად.