„წალკის მუნიციპალიტეტის მოსახლეობის სოციალური უზრუნველყოფის მუნიციპალური პროგრამის დამტკიცების შესახებ“ წალკის მუნიციპალიტეტის საკრებულოს 2016 წლის 1 თებერვლის №4 დადგენილებით დამტკიცებულ „წალკის მუნიციპალიტეტის მოსახლეობის სოციალური უზრუნველყოფის მუნიციპალური პროგრამაში“ ცვლილების შეტანის შესახებ

1. მე-17 მუხლი ჩამოყალიბდეს შემდეგი რედაქციით:

„მუხლი 17. მუნიციპალიტეტში რეგისტრირებული მოქალაქეების სამედიცინო მომსახურების დაფინანსება, რომლებიც არ ფინანსდებიან ან ნაწილობრივ ფინანსდებიან სახელმწიფო პროგრამიდან/და სამედიცინო პოლისით

1. წალკის მუნიციპალიტეტში რეგისტრირებული მოქალაქეების,  არასრულწლოვანი ბავშვების, აგრეთვე იძულებით გადაადგილებული ოჯახების გადაუდებელი სამედიცინო მომსახურების  (ოპერაცია, ქიმიოთერაპია) დაფინანსება, რომლებიც არ ფინანსდებიან სახელმწიფო პროგრამით ან/და სამედიცინო პოლისით განისაზღვროს:

ა) 700 (შვიდასი)  ლარამდე – 100 %-ით;

ბ) 2000 (ორი ათასი) ლარამდე – 50 %-ით;

გ) 2000 (ორი ათასი) -ზე ზევით – 1500 ლარით;

2. წალკის მუნიციპალიტეტში რეგისტრირებული მძიმე დაავადებების მქონე მოქალაქეების, სამედიცინო მომსახურების (ოპერაცია, ქიმიოთერაპია) დაფინანსება, რომლებიც ნაწილობრივ ფინანსდებიან  სახელმწიფო პროგრამით ან/და სამედიცინო პოლისით, განისაზღვროს დარჩენილი თანხის 50%-ით, მაგრამ არაუმეტეს 1300 (ათას სამასი) ლარისა;

3. დახმარების მისაღებად სოციალური დახმარების გამცემ კომისიაში წარმოდგენილი უნდა იქნეს:

ა) წერილობითი განცხადება;

ბ) პირადობის მოწმობის ასლი;

გ) შესაბამისი სამედიცინო დაწესებულებიდან ფორმა №100 და ანგარიშფაქტურა (კალკულაცია);

დ) ცნობა ადმინისტრაციული ერთეულიდან ფაქტობრივი საცხოვრებელი ადგილის შესახებ;

ე) მომართვა ჯანდაცვის მომსახურების სააგენტოდან საყოველთაო დაზღვევის მიერ დაფინანსების ოდენობის შესახებ;“.