საქართველოს შრომის კანონთა კოდექსში ცვლილებისა და დამატებების შესახებ

  • Word
საქართველოს შრომის კანონთა კოდექსში ცვლილებისა და დამატებების შესახებ
დოკუმენტის ნომერი 201
დოკუმენტის მიმღები საქართველოს პარლამენტი
მიღების თარიღი 24/06/2004
დოკუმენტის ტიპი საქართველოს კანონი
გამოქვეყნების წყარო, თარიღი სსმ, 18, 09/07/2004
ძალის დაკარგვის თარიღი 03/07/2006
სარეგისტრაციო კოდი 270.000.000.05.001.001.503
  • Word
201
24/06/2004
სსმ, 18, 09/07/2004
270.000.000.05.001.001.503
საქართველოს შრომის კანონთა კოდექსში ცვლილებისა და დამატებების შესახებ
საქართველოს პარლამენტი

საქართველოს კანონი

საქართველოს შრომის კანონთა კოდექსში ცვლილებისა და დამატებების შეტანის შესახებ

მუხლი 1. საქართველოს შრომის კანონთა კოდექსში (საქართველოს სსრ უმაღლესი საბჭოს უწყებები, №6(389), ივნისი, 1973 წელი, მუხ. 118) შეტანილ იქნეს შემდეგი ცვლილება და დამატებები:

1. 422 მუხლის პირველი ნაწილი ჩამოყალიბდეს შემდეგი რედაქციით:

„1. მოსალოდნელი გათავისუფლების შესახებ მუშაკს პერსონალურად უნდა ეცნობოს ერთი თვით ადრე მაინც. აღნიშნული შეტყობინება მუშაკმა უნდა დაადასტუროს ხელმოწერით. იმ შემთხვევაში, როდესაც მუშაკი უარს აცხადებს ხელის მოწერაზე, გაფრთხილებაზე უფლებამოსილი პირი ვალდებულია შეადგინოს ოქმი, რომელშიც მითითებული იქნება, რომ მუშაკი გაფრთხილებულ იქნა მოსალოდნელი გათავისუფლების შესახებ და იგი უარს აცხადებს ხელის მოწერაზე. ამ შემთხვევაში ოქმში აგრეთვე მიეთითება მისი შედგენის თარიღი და მასზე ხელს აწერს მხოლოდ გაფრთხილებაზე უფლებამოსილი პირი.“.

2. 2421 მუხლს დაემატოს შემდეგი შინაარსის მე-5 და მე-6 ნაწილები:

„5. ამ კანონის 423 მუხლის პირველი ნაწილის „ა“ და „ბ“ ქვეპუნქტების მოქმედება შეჩერდეს 2005 წლის 1 იანვრამდე.

6. ამ მუხლის მე-5 ნაწილის მოქმედება არ ვრცელდება იმ პირების მიმართ, რომლებიც ამ კანონის ამოქმედებამდე გააფრთხილეს მოსალოდნელი გათავისუფლების შესახებ კანონმდებლობით დადგენილი წესის შესაბამისად.“.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი   მ. სააკაშვილი

თბილისი,

2004 წლის 24 ივნისი.

№201   რს.