,,ლენტეხის მუნიციპალიტეტის ტერიტორიაზე სახელმწიფო და მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ლენტეხის მუნიციპალიტეტის საკრებულოს 2016 წლის 24 თებერვლის N-07 დადგენილებაში ცვლილების შეტანის თაობაზე

„საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი ნაწილის „ე.გ.“ ქვეპუნქტის,  „სახელმწიფო ქონების შესახებ“ საქართველოს კანონის მე-19 მუხლის  მე-6 პუნქტის, „ნორმატიული   აქტების შესახებ“ საქართველოს კანონის 25-ე მუხლის  და „სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის განსაზღვრის წესის დამტკიცების შესახებ“ საქართველოს პრეზიდენტის 2013 წლის  8 ოქტომბრის №784 ბრძანებულების შესაბამისად, ლენტეხის მუნიციპალიტეტის საკრებულო  ადგენს:

                                                                                                                                                                                     ,,დანართი №1

,,ლენტეხის მუნიციპალიტეტში  სახელმწიფო და მუნიციპალიტეტის საკუთრებაში არსებული  არასასოფლო-სამეურნეო  დანიშნულების მიწის ნორმატიული ფასი“

მუხლი 1. ლენტეხის მუნიციპალიტეტში სახელმწიფო და ადგილობრივი თვითმმართველი ერთეულის საკუთრებაში არსებული არასასოფლო-სამეურნეო დანიშნულების   მიწის ნორმატიული ფასი გამოიანგარიშება  ფორმულით.

C N=IMG X  I TL  X C  X  K,  სადაც

 1)  CN  - არის 1 კვ/მ არასასოფლო-სამეურნეო დანიშნულების მიწის ნორმატიული ფასი;

2) I MG - არის  დაბა ლენტეხის მაკრო მდებარეობის ინდექსი, რომელიც უდრის 0, 28-ს;

3) I T L  -არის ლოკალური ინდექსი, რომელიც უდრის 1-ს;

4)  C- არის არასასოფლო-სამეურნეო დანიშნულების მიწის ერთ კვ/მ-ზე დადგენილი საბაზისო განაკვეთი და მისი მნიშვნელობა უდრის   0,24 ლარს;

5) K  - არის მიწის ნორმატიული ფასის მარეგულირებელი კოეფიციენტი და მისი მნიშვნელობა უდრის 50-ს.

მუხლი 2.  პირველი მუხლის  შესაბამისად  ლენტეხის მუნიციპალიტეტის ადმინისტრაციულ  ცენტრში  (დ.ლენტეხში)   მიწის   ნორმატიული ფასი  დადგინდეს  შემდეგი სახით:

მუხლი 3.  დაბა ლენტეხში მიწის ნორმატიული ფასი შეადგენს 3,36 ლარს.

მუხლი 4. ლენტეხის მუნიციპალიტეტის სოფლებში მიწის ნორმატიული ფასი დადგენილია დაბა ლენტეხისთვის დადგენილი ფასის 40%- ის ოდენობით და იგი შეადგენს 1,344 ლარს.

მუხლი 5. ლენტეხის მუნიციპალიტეტის დასახლებათა შორის არეალში მიწის ნორმატიული ფასი დადგინდეს დაბა ლენტეხისათვის დადგენილი ფასის 30%-ით და იგი შეადგენს 1,008 ლარს.

მუხლი 6. ,,ლენტეხის მუნიციპალიტეტის დასახლებათა შორის არეალებში გამავალი საერთაშორისო და შიდასახელმწიფოებრივი  მნიშვნელობის საავტომობილო გზების ნუსხის დამტკიცების შესახებ’’ საქართველოს მთავრობის 2014 წლის 18-ივნისის №407 დადგენილებით განსაზღვრული საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეული მხარეს) არსებული მიწის  ნორმატიული ფასი განისაზღვროს  დაბა ლენტეხისათვის დადგენილი ფასის 80% -ის ოდენობით  და იგი შეადგენს 2,7 ლარს.“.