დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
საქართველოს რესპუბლიკის შრომის კანონთა კოდექსში ცვლილებების შეტანის შესახებ | |
---|---|
დოკუმენტის ნომერი | 164 |
დოკუმენტის მიმღები | საქართველოს რესპუბლიკის პარლამენტი |
მიღების თარიღი | 02/03/1993 |
დოკუმენტის ტიპი | საქართველოს რესპუბლიკის კანონი |
გამოქვეყნების წყარო, თარიღი | საქართველოს პარლამენტის უწყებები, 5, 31/03/1993 |
ძალის დაკარგვის თარიღი | 03/07/2006 |
სარეგისტრაციო კოდი | 270.000.000.05.001.000.062 |
საქართველოს რესპუბლიკის კანონი
საქართველოს რესპუბლიკის შრომის კანონთა კოდექსში ცვლილების შეტანის შესახებ
საქართველოს პარლამენტი ადგენს:
1. საქართველოს რესპუბლიკის შრომის კანონთა კოდექსის 64-ე მუხლის პირველი ნაწილი ჩამოყალიბდეს შემდეგი რედაქციით:
„ საწარმოები, დაწესებულებები, ორგანიზაციები არ მუშაობენ შემდეგ უქმე დღეებში:
1 იანვარს – ახალ წელს;
7 იანვარს – უფლისა ღვთისა და მაცხოვრისა ჩვენისა იესო ქრისტეს შობის დღე
19 იანვარს – ნათლისღებას – უფლისა ჩვენისა იესო ქრისტეს განცხადების დღეს;
3 მარტს – დედის დღეს;
უფლისა ღვთისა და მაცხოვრისა ჩვენისა იესო ქრისტეს ბრწყინვალე აღდგომის დღეს (თარიღი გარდამავალია);
მიცვალებულთა მოხსენიების დღეს (აღდგომის მეორე დღეს, თარიღი გარდამავალია);
26 მაისს – საქართველოს სახელმწიფოებრიობის აღდგენის დღეს;
28 აგვისტოს – ყოვლადწმინდა ღვთისმშობლის მიძინების დღეს (მარიამობას);
14 ოქტომბერს – მცხეთობის (სვეტიცხოვლის, კვართის დღესასწაულის) დღეს;
23 ნოემბერს – გიორგობის დღეს.“.
2. ეს კანონი ძალაშია მიღებისთანავე.
საქართველოს პარლამენტის თავმჯდომარე –
სახელმწიფოს მეთაური ე. შევარდნაძე.
საქართველოს პარლამენტის სპიკერი ვ. გოგუაძე.
თბილისი,
1993 წლის 2 მარტი.
№164
დოკუმენტის კომენტარები