დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,საჩხერის მუნიციპალიტეტის დასახლების საერთო კრების დებულების დამტკიცების შესახებ“ საჩხერის მუნიციპალიტეტის საკრებულოს 2016 წლის 27 იანვრის #3 დადგენილებაში ცვლილების შეტანის თაობაზე. | |
|---|---|
| დოკუმენტის ნომერი | 16 |
| დოკუმენტის მიმღები | საჩხერის მუნიციპალიტეტი |
| მიღების თარიღი | 14/04/2016 |
| დოკუმენტის ტიპი | მუნიციპალიტეტის საკრებულოს დადგენილება |
| გამოქვეყნების წყარო, თარიღი | ვებგვერდი, 18/04/2016 |
| სარეგისტრაციო კოდი | 010250050.35.130.016191 |
|
,,საჩხერის მუნიციპალიტეტის დასახლების საერთო კრების დებულების დამტკიცების შესახებ“ საჩხერის მუნიციპალიტეტის საკრებულოს 2016 წლის 27 იანვრის №3 დადგენილებაში ცვლილების შეტანის თაობაზე.
|
,,ნორმატიული აქტების შესახებ“ საქართველოს კანონის მე-20 მუხლის მე-4 და მე-6 პუნქტების საფუძველზე, საჩხერის მუნიციპალიტეტის საკრებულო ადგენს:
|
| მუხლი 1 |
,,საჩხერის მუნიციპალიტეტის დასახლების საერთო კრების დებულების დამტკიცების შესახებ“ საჩხერის მუნიციპალიტეტის საკრებულოს 2016 წლის 27 იანვრის №3 დადგენილებაში (სსმ 03/02/2016; სარეგისტრაციო კოდი 010250050.35.130.016178) შეტანილ იქნეს ცვლილება, დადგენილებით დამტკიცებულ დებულებას დაემატოს შემდეგი შინაარსის V და VI თავები:
,,თავი V განსაკუთრებული დებულებები დასახლებისთვის, სადაც რეგისტრირებულია 2000-ზე მეტი ამომრჩეველი მუხლი 22. რეგულირების სფერო 1. ამ თავით გათვალისწინებული ნორმები ვრცელდება იმ დასახლებების საერთო კრებებზე, რომლებშიც რეგისტირებული ამომრჩევლების რაოდენობა შეადგენს 2000-ზე მეტ ამომრჩეველს. 2. ამ თავით განსაზღვრულ ნორმებს აქვს უპირატესი იურიდიული ძალა ამ დებულების პირველი-მე-3 თავით გათვალისწინებული ნორმების მიმართ. მუხლი 23. საერთო კრება 1. მუნიციპალიტეტი უფლებამოსილია დასახლებაში შექმნას ერთი ან რამდენიმე საერთო კრება: ა) ერთი საერთო კრების შექმნის შემთხვევაში მასზე გავრცელდეს 500-ზე მეტი და 2001-ზე ნაკლები რეგისტრირებული ამომრჩევლის დასახლების ტიპური დებულების მოთხოვნები; ბ) რამდენიმე საერთო კრების შექმნის შემთხვევაში მათზე გავრცელდეს 500-მდე და 500-ზე მეტი და 2001-ზე ნაკლები რეგისტრირებული ამომრჩევლის დასახლების ტიპური დებულების მოთხოვნები. თავი VI გარდამავალი და დასკვნითი დებულებები მუხლი 24. დასკვნითი დებულებები 1. დებულებაში ცვლილების და დამატების შეტანა ხორციელდება კანონით დადგენილი წესით. ცვლილება და დამატება დებულების განუყოფელი ნაწილია. 2. იმ საკითხების დარეგულირებისას, რომელიც არ არის მოწესრიგებული ამ დებულებით, გამოიყენება მოქმედი კანონმდებლობით გათვალისწინებული ნორმები.“
|
| მუხლი 2 |
დადგენილება ამოქმედდეს გამოქვეყნებისთანავე. |
|
დოკუმენტის კომენტარები