„საკონსულო მოსაკრებლის შესახებ" საქართველოს კანონში ცვლილებებისა და დამატებების შეტანის თაობაზე

საქართველოს კანონი

„საკონსულო მოსაკრებლის შესახებ“ საქართველოს კანონში ცვლილებებისა და დამატებების შეტანის თაობაზე

საქართველოს პარლამენტი ადგენს:

I. „საკონსულო მოსაკრებლის შესახებ“ საქართველოს 1997 წლის 27 ივნისის კანონში (პარლამენტის უწყებანი, 31 ივლისი, 1997, №33) შეტანილ იქნეს შემდეგი ცვლილებები და დამატებები:

1. პირველი მუხლის მე-2 პუნქტი ჩამოყალიბდეს შემდეგი რედაქციით:

„2. საკონსულო მოსაკრებელი არის საკონსულო დაწესებულებებისა და სამსახურების მიერ ამ კანონით განსაზღვრული საკონსულო მოქმედებების შესრულებისათვის დადგენილი თანხა, რომელიც ასახავს მოქმედების პოლიტიკურ მნიშვნელობასა და ეკონომიკურ ღირებულებას.“.

2. მე-2 მუხლის მე-2 პუნქტი ჩამოყალიბდეს შემდეგი რედაქციით:

„2. საკონსულო მოსაკრებლის გადახდა წარმოებს ამ კანონის, საქართველოს კანონმდებლობის, საქართველოს საერთაშორისო ხელშეკრულებათა და ნაცვალგების საფუძველზე.“.

3. მე-6 მუხლის:

1. ა) ქვეპუნქტს დაემატოს შემდეგი შინაარსის ა.დ) და ა.ე) ქვეპუნქტები:

„ა.დ) სხვა სახელმწიფოში დროებით ან მუდმივად მცხოვრებ საქართველოს მოქალაქეზე პირადობის მოწმობის გაცემა _ 1 ლარი და 50 თეთრი;

ა.ე) სხვა სახელმწიფოში დროებით ან მუდმივად მცხოვრები საქართველოს მოქალაქის რეგისტრაცია და შესაბამისი მოწმობის გაცემა _ 1 ლარი.“

2. ბ) ქვეპუნქტს დაემატოს შემდეგი შინაარსის ბ.ბ..) ქვეპუნქტი:

„ბ.ბ) ორჯერადი ვიზების გაცემა _ შესაბამისი ვადის ერთჯერადი ვიზისათვის დაწესებული მოსაკრებლის ორმაგი ოდენობა;“. შესაბამისად ბ.ბ), ბ.გ), ბ.დ), ბ.ე), ბ.ვ), ბ.ზ) და ბ.თ) ქვეპუნქტები ჩაითვალოს ბ.გ), ბ.დ), ბ.ე), ბ.ვ), ბ.ზ), ბ.თ) და ბ.ი) ქვეპუნქტებად.

3. ე) ქვეპუნქტის შემდეგ დაემატოს შემდეგი შინაარსის ვ) ქვეპუნქტი:

„ვ) სხვა ცნობების გაცემა _ 3 ლარი.“.

4. კანონის მე-7 მუხლის:

1. ა) ქვეპუნქტის ა.გ) ქვეპუნქტი ჩამოყალიბდეს შემდეგი რედაქციით:

„ა.გ) სხვა სახელმწიფოში საქართველოს მოქალაქის რეგისტრაცია და შესაბამისი მოწმობის გაცემა _ 5 აშშ დოლარი;“.

2. ბ) ქვეპუნქტს დაემატოს შემდეგი შინაარსის ბ.ბ) ქვეპუნქტი:

„ბ.ბ) ორჯერადი ვიზების გაცემა _ შესაბამისი ვადის ერთჯერადი ვიზისათვის დაწესებული მოსაკრებლის ორმაგი ოდენობა;“. შესაბამისად ბ.ბ), ბ.გ) და ბ.დ) ქვეპუნქტები ჩაითვალოს ბ.გ), ბ.დ) და ბ.ე) ქვეპუნქტებად.

3. ე.მ) ქვეპუნქტი ჩამოყალიბდეს შემდეგი რედაქციით:

„ე.მ) სხვა ცნობების გაცემა _ 10 აშშ დოლარი;“.

4. ვ) ქვეპუნქტს დაემატოს შემდეგი შინაარსის ვ.ჰ.გ) ქვეპუნქტი:

„ვ.ჰ.გ) დოკუმენტის ერთი ენიდან მეორე ენაზე თარგმნა _ 7 აშშ დოლარი თითოეული გვერდისათვის;“.

5. კანონს დაემატოს შემდეგი შინაარსის მე-8 მუხლი:

    „მუხლი 8

პირს, რომლისთვისაც საქართველოს საკონსულო დაწესებულება ასრულებს გარკვეულ საკონსულო მოქმედებას, შეუძლია მოსაკრებელი გადაიხადოს საქართველოს ნებისმიერ საკონსულო დაწესებულებაში“. შესაბამისად მე-8 მუხლი ჩაითვალოს მე-9 მუხლად.

II. ეს კანონი ამოქმედდეს გამოქვეყნებისთანავე.

საქართველოს პრეზიდენტი ედუარდ შევარდნაძე.

თბილისი,

1998 წლის 3 აპრილი.

№1332_IIს