„საქართველოს სასჯელაღსრულებისა და პრობაციის სამინისტროს პენიტენციური დეპარტამენტის უსაფრთხოების მთავარი სამმართველოს დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 10 სექტემბრის N125 ბრძანებაში ცვლილებების შეტანის შესახებ

1. მე-7 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) ელექტრონული საშუალებებით მეთვალყურეობისა და ტექნიკური უზრუნველყოფის სამმართველო;“.

2. მე-10 მუხლის პირველი პუნქტი ჩამოყალიბდეს შემდეგი რედაქციით:

„1. ელექტრონული საშუალებებით მეთვალყურეობისა და ტექნიკური უზრუნველყოფის სამმართველო:

ა) საქართველოს კანონმდებლობით დადგენილი წესით ახორციელებს სპეციალურ პენიტენციურ სამსახურში ელექტრონული საშუალებით მეთვალყურეობის, კონტროლის და ამ პროცესის შედეგად მიღებული ინფორმაციის ჩაწერის საერთო კოორდინაციას, ანალიზსა და ელექტრონული საშუალების ტექნიკურ უზრუნველყოფას;

ბ) უზრუნველყოფს ბრალდებულთა/მსჯავრდებულთა განთავსებისა და სამუშაო ადგილებში მათ ქცევაზე ვიზუალური და ელექტრონული მეთვალყურეობის განხორციელების კოორდინაციას, ანალიზს, შესაბამისი წინადადებების შემუშავებასა და დეპარტამენტის დირექტორის პირველი მოადგილისთვის წარდგენას;

გ) ზედამხედველობისა და კონტროლის საინჟინრო და ტექნიკური საშუალებების პერიოდული შემოწმება მათი გამართულ მდგომარეობაში შენარჩუნების მიზნით;

დ) კომპეტენციის ფარგლებში საგანგებო სიტუაციებში მოქმედების დროს, მონაწილეობს  დეპარტამენტის სამოქმედო გეგმების შემუშავებაში;

ე) უზრუნველყოფს სპეციალურ პენიტენციურ სამსახურში ტექნიკური საშუალებების პერიოდულ შემოწმებას მათი გამართულ მდგომარეობაში შენარჩუნების მიზნით;

ვ) კომპეტენციის ფარგლებში უზრუნველყოფს სამმართველოში შემოსული კორესპონდენციის განხილვას და მათზე შესაბამისი რეაგირების განხორციელებას;

ზ) კომპეტენციის ფარგლებში, მონაწილეობს შესაბამისი სამართლებრივი აქტების პროექტების მომზადებაში;

თ) ახორციელებს საქართველოს კანონმდებლობით განსაზღვრულ სხვა ფუნქციებს.“.