„გამარტივებული შესყიდვის კრიტერიუმების განსაზღვრისა და გამარტივებული შესყიდვის ჩატარების წესის დამტკიცების თაობაზე“ სახელმწიფო შესყიდვების სააგენტოს თავმჯდომარის 2015 წლის 17 აგვისტოს №13 ბრძანებაში ცვლილების შეტანის შესახებ

1. ბრძანებით დამტკიცებულ წესის:

ა) მე-5 მუხლს დაემატოს 2¹ პუნქტი შემდეგი რედაქციით:

„2¹. მომართვა (მათ შორის, დაზუსტებული მომართვა), რომელიც სააგენტოს წარედგინება 18:00 საათის შემდეგ ან უქმე და დასვენების დღეებში, წარდგენილად ითვლება მომდევნო სამუშაო დღეს.“;

ბ) მე-7 მუხლის შემდეგ დაემატოს 7¹ მუხლი შემდეგი რედაქციით:

„მუხლი 7¹. ცვლილება გამარტივებული შესყიდვის შესახებ გადაწყვეტილებაში

1. ამ წესის მე-3 მუხლის პირველი პუნქტის „ა“–„დ“ ქვეპუნქტებით გათვალისწინებული საფუძვლებით გამარტივებული შესყიდვის განხორციელების შემდეგ, გამარტივებული შესყიდვის შესახებ სათანადო სამართლებრივ აქტში ცვლილების შეტანა უნდა შეთანხმდეს სააგენტოსთან ამ წესის მე-5 მუხლის მიხედვით.

2. სააგენტოსთან შეთანხმებას ექვემდებარება ისეთი ცვლილება, რომლის გამარტივებული შესყიდვის საფუძვლისთვის დადგენილ კრიტერიუმებთან შესაბამისობა უნდა შემოწმდეს ამ წესის დანართით განსაზღვრული კითხვარით.“.

2. ბრძანების დანართი შეიცვალოს ამ ბრძანებას თანდართული დანართით.