დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე აუდიტის და საბაჟო დეპარტამენტებში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებაში ცვლილების შეტანის თაობაზე | |
---|---|
დოკუმენტის ნომერი | 7857 |
დოკუმენტის მიმღები | შემოსავლების სამსახური |
მიღების თარიღი | 24/03/2016 |
დოკუმენტის ტიპი | შემოსავლების სამსახურის ინდივიდუალურ-ადმინისტრაციული აქტი |
გამოქვეყნების წყარო, თარიღი | ვებგვერდი, 29/03/2016 |
ძალაში შესვლის თარიღი | 24/03/2016 |
სარეგისტრაციო კოდი | 000000000.00.00.016363 |
შემოსავლების სამსახურის უფროსის
ბრძანება №7857
2016 წლის 24 მარტი
ქ. თბილისი
„შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე აუდიტის და საბაჟო დეპარტამენტებში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლისა და „საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „უ“ ქვეპუნქტის საფუძველზე, ვბრძანებ:
1. „შემოსავლების სამსახურის დავების განხილვის საბჭოს შექმნის, მისი საქმიანობის წესის, ასევე აუდიტის და საბაჟო დეპარტამენტებში მედიაციის წესის დამტკიცების შესახებ“ შემოსავლების სამსახურის უფროსის 2013 წლის 8 ივლისის №31275 ბრძანებით დამტკიცებული:
ა) „შემოსავლების სამსახურის დავების განხილვის საბჭოს შემადგენლობა“ (დანართი №1) ჩამოყალიბდეს შემდეგი რედაქციით:
„დანართი №1
შემოსავლების სამსახურის დავების განხილვის საბჭოს შემადგენლობა
1 | გიორგი თაბუაშვილი | შემოსავლების სამსახურის უფროსი (საბჭოს თავმჯდომარე) |
2 | მამუკა ტერაშვილი | შემოსავლების სამსახურის უფროსის მოადგილის მოვალეობის შემსრულებელი (საბჭოს თავმჯდომარის მოადგილე) |
3 | რომან ბუღაძე | დავების დეპარტამენტის უფროსი (საბჭოს თავმჯდომარის მოადგილე) |
4 | შალვა კოპალეიშვილი | დავების დეპარტამენტის უფროსის პირველი მოადგილე |
5 | დავით ჯულაყიძე | დავების დეპარტამენტის უფროსის მოადგილე (საბჭოს მდივანი) |
6 | შოთა ვალიშვილი | აუდიტის დეპარტამენტის უფროსის მოადგილე |
7 | ლევან წითელაშვილი | იურიდიული დეპარტამენტის უფროსი |
8 | მერაბ არახამია | საბაჟო დეპარტამენტის უფროსის მოადგილე |
9 | მადინა მაყაშვილი | მომსახურების დეპარტამენტის უფროსის მოადგილე |
10 | გიორგი კანდელაკი | ადმინისტრირების დეპარტამენტის უფროსის მოადგილე |
“;
ბ) „შემოსავლების სამსახურის დავების განხილვის საბჭოს საქმიანობის წესის“ (დანართი №2):
ბ.ა) მე-2 მუხლის მე-5 პუნქტი ჩამოყალიბდეს შემდეგი რედაქციით:
„5. იმ შემთხვევაში, თუ მიზანშეწონილად ჩაითვლება საჩივრის საბჭოს სხდომაზე განხილვა, დასკვნის მიღების ან დასკვნის მისაღებად მითითებული ვადის გასვლის შემდეგ, დავების დეპარტამენტი უზრუნველყოფს საბჭოზე განსახილველად საკითხის მომზადებას, საბჭოს მომდევნო/უახლოესი სხდომის დღის წესრიგის პროექტის შედგენას და საბჭოს წევრებისათვის ელექტრონული ფოსტით გადაგზავნას. დღის წესრიგი თანხმდება საბჭოს თავმჯდომარესთან/ მოადგილეებთან. “;
ბ.ბ) მე-3 მუხლის:
ბ.ბ.ა) პირველი პუნქტი ჩამოყალიბდეს შემდეგი რედაქციით:
„1. საბჭოს სხდომას წარმართავს და ხელმძღვანელობს საბჭოს თავმჯდომარე/ერთ-ერთი მოადგილე. საბჭოს ჰყავს მდივანი, რომლის არყოფნის შემთხვევაშიც მის უფლებამოსილებას, საბჭოს გადაწყვეტილებით, ახორციელებს საბჭოს რომელიმე წევრი.“;
ბ.ბ.ბ) მე-3 პუნქტი ჩამოყალიბდეს შემდეგი რედაქციით:
„3. საბჭოს თავმჯდომარის/ერთ-ერთი მოადგილის ინიციატივით ან გადასახადის გადამხდელის თხოვნით, შესაძლებელია საკითხის განხილვა გადაიდოს სხვა დროისათვის.“;
ბ.ბ.გ) მე-10 პუნქტი ჩამოყალიბდეს შემდეგი რედაქციით:
„10. საბჭოს სხდომის მიმდინარეობის შესახებ დგება ოქმი, რომელიც ვიზირებული უნდა იყოს საბჭოს იმ წევრების მიერ, რომლებმაც მონაწილეობა მიიღეს საკითხის განხილვაში. სხდომის ოქმს ხელს აწერს საბჭოს თავმჯდომარე/ერთ-ერთი მოადგილე და მდივანი. სხდომის ოქმის ყველა გვერდი დამოწმებული უნდა იყოს ბეჭდით.“.
2. ეს ბრძანება ამოქმედდეს ხელმოწერისთანავე.
შემოსავლების სამსახურის უფროსი მ.შ. ირაკლი შარტავა
დოკუმენტის კომენტარები