„საქართველოს სასჯელაღსრულებისა და პრობაციის სამინისტროს პენიტენციური დეპარტამენტის გარე დაცვისა და ბადრაგირების მთავარი სამმართველოს დებულების დამტკიცების შესახებ“ საქართველოს სასჯელაღსრულებისა და პრობაციის მინისტრის 2015 წლის 20 ოქტომბერი N142-ე ბრძანებაში ცვლილებების შეტანის შესახებ

1. მე-7 მუხლის მე-3 პუნქტის „გ“ ქვეპუნქტი ამოღებულ იქნეს.

2. მე-9 მუხლის მე-2 პუნქტი ჩამოყალიბდეს შემდეგი რედაქციით:

„2. საბადრაგო სამმართველოს შტაბი (განყოფილება):

ა) ორგანიზებას უწევს საბადრაგო სამმართველოს საქმიანობას;

ბ) ხელმძღვანელობს საბადრაგო სამმართველოს მოსამსახურეთა პროფესიულ (სპეციალურ) და ფიზიკურ მომზადებას, გადამზადებასა და კვალიფიკაციის ამაღლებას;

გ) შეიმუშავებს მეთოდურ სახელმძღვანელოებს და ინსტრუქტაჟს უტარებს საბადრაგო სამმართველოს მოსამსახურეებს;

დ) უზრუნველყოფს კორესპონდენციის მიღებას, აღრიცხვას, დამუშავებას, განაწილებას, დოკუმენტაციის დროულად შესრულების კონტროლს და  საბადრაგო სამმართველოში აღრიცხული კორესპონდენციის სტატისტიკის წარმოებას;

ე) უზრუნველყოფს საქმეთა ნაერთი ნომენკლატურის შედგენას;

ვ) კომპეტენციის ფარგლებში უზრუნველყოფს ნომენკლატურის შესაბამისად საქმეთა ფორმირებასა და არქივისათვის გადაცემას;

ზ) კომპეტენციის ფარგლებში ახორციელებს საიდუმლო საქმისწარმოებას;

თ) კომპეტენციის ფარგლებში ამზადებს საბადრაგო სამმართველოს საქმიანობასთან დაკავშირებულ დოკუმენტაციას, მათ შორის, ბრალდებულთა/მსჯავრდებულთა გაყვანა/გადაყვანასთან დაკავშირებულ ბრძანებებს;

ი) კომპეტენციის ფარგლებში პასუხისმგებელია საბადრაგო სამმართველოში წარმოებული ან/და შემოსული დოკუმენტაციის შენახვა-დაარქივებაზე;

კ) კონტროლს უწევს ბრალდებულთა/მსჯავრდებულთა სხვა ადგილებში ყოფნისას, კანონმდებლობით დადგენილი წესით, ამანათის მიღების პროცესს და საჭიროებიდან გამომდინარე ახდენს შესაბამის რეაგირებას;

ლ) უზრუნველყოფს ბრალდებულთა/მსჯავრდებულთა გაყვანა/გადაყვანის თაობაზე საბადრაგო სამმართველოში შემოსული შეტყობინებების დროულად გადაცემას სპეციალურ პენიტენციურ სამსახურში შემავალი შესაბამისი სტრუქტურული ქვედანაყოფებისათვის/ერთეულებისათვის;

მ) კომპეტენციის ფარგლებში მონაწილეობს შესაბამისი სამართლებრივი აქტების პროექტების მომზადებაში;

ნ) ახორციელებს საქართველოს კანონმდებლობით განსაზღვრულ სხვა ფუნქციებს.“.

3. მე-9 მუხლის მე-4 პუნქტი ამოღებულ იქნეს.