გარდაბნის მუნიციპალიტეტის „დიალიზზე დამოკიდებული მოქალაქეების დახმარების პროგრამის“ დამტკიცების შესახებ

საქართველოს ორგანული კანონის ადგილობრივი თვითმმართველობის კოდექსის მე-16 მუხლის მე-4 პუნქტის, 24-ე მუხლის მე-2 პუნქტის, „ნორმატიული აქტების შესახებ“ საქართველოს კანონის 25-ე მუხლის პირველი ნაწილის „ბ“ პუნქტისა და გარდაბნის მუნიციპალიტეტის საკრებულოს რეგლამენტის მე-3 მუხლის მე-14 პუნქტის „ა“ ქვეპუნქტის თანახმად, გარდაბნის მუნიციპალიტეტის საკრებულო ადგენს:

დამტკიცდეს გარდაბნის მუნიციპალიტეტის „დიალიზზე დამოკიდებული მოქალაქეების დახმარების პროგრამა“ დანართის შესაბამისად.

ძალადაკარგულად გამოცხადდეს გარდაბნის მუნიციპალიტეტის საკრებულოს 2015 წლის 12 მარტის №22 დადგენილება გარდაბნის მუნიციპალიტეტის „დიალიზზე დამოკიდებული მოქალაქეების დახმარების პროგრამის დამტკიცების შესახებ“.

დადგენილება ამოქმედდეს გამოქვეყნებისთანავე და გავრცელდეს 2016 წლის 01 იანვრიდან წარმოშობილ სამართლებრივ ურთიერთობებზე.