„სამხედრო სადისციპლინო წესდების დამტკიცების შესახებ“ საქართველოს მთავრობის 2014 წლის 3 ნოემბრის №615 დადგენილებაში ცვლილების შეტანის თაობაზე

1.  დადგენილების მე-2 მუხლი ჩამოყალიბდეს შემდეგი რედაქციით:

„მუხლი 2.  ამ დადგენილების ამოქმედებიდან ერთ თვეში  საქართველოს შინაგან საქმეთა მინისტრმა უზრუნველყოს   შემდეგი ბრძანებების გამოცემა:

ა) სამხედრო სადისციპლინო წესდებით გათვალისწინებული ოქმებისა და დისციპლინური საქმისწარმოებისათვის სხვა საჭირო დოკუმენტების ნიმუშების დამტკიცების თაობაზე;

ბ) საქართველოს შინაგან საქმეთა სამინისტროს სისტემაში ადმინისტრაციული პატიმრობის ადგილების (ჰაუპტვახტის) ფუნქციონირების შესახებ ინსტრუქციის დამტკიცების თაობაზე.“.

2.  დადგენილებას დაემატოს შემდეგი შინაარსის 3¹ მუხლი:

„მუხლი 3¹.  სამხედრო სადისციპლინო წესდება ვრცელდება საქართველოს თავდაცვის სამინისტროს სისტემის სამხედრო მოსამსახურეებზე, საქართველოს თავდაცვის სამინისტროს სისტემის სამხედრო მოსამსახურეთა სამხედრო სადისციპლინო წესდებით გათვალისწინებული   წესით.“.

3. დადგენილებით დამტკიცებული წესდების:

ა) მე-4 მუხლის „ბ.ა“ ქვეპუნქტი ამოღებულ იქნეს;

ბ) მე-4 მუხლის „ლ“ ქვეპუნქტი ჩამოყალიბდეს შემდეგი რედაქციით:

„ლ) სამხედრო მოსამსახურე – საქართველოს მოქალაქე, საქართველოში სტატუსის მქონე მოქალაქეობის არმქონე პირი ან უცხო ქვეყნის მოქალაქე („სამხედრო ვალდებულებისა და სამხედრო სამსახურის შესახებ“ საქართველოს კანონის მე-5 მუხლით დადგენილ შემთხვევაში), რომელიც სამხედრო სამსახურს გადის სამხედრო უწყებებში, აგრეთვე სამხედრო სარეზერვო სამსახურში გაწვეული პირი სამხედრო სარეზერვო სამსახურის გავლისას;“;

გ) მე-7 მუხლის მე-3 პუნქტი ამოღებულ იქნეს;

დ)  43-ე მუხლის შენიშვნა ამოღებულ იქნეს;

ე) 221-ე მუხლის შენიშვნის პირველი პუნქტი ამოღებულ იქნეს;

ვ) 269-ე მუხლის პირველი პუნქტი ჩამოყალიბდეს შემდეგი რედაქციით:

„1. სამთავრობო დაწესებულების სამანდატო კომისიები იქმნება შესაბამისი სამთავრობო დაწესებულების ხელმძღვანელის ან მის მიერ უფლებამოსილი ორგანოს (თანამდებობის პირის) ინდივიდუალური ადმინისტრაციულ-სამართლებრივი აქტით.“;

ზ)  279-ე მუხლის პირველი პუნქტი ჩამოყალიბდეს შემდეგი რედაქციით:

„1. ღირსეული საქციელის ან დისციპლინური გადაცდომის ჩადენის შემთხვევაში,  შედგება ოქმი საამისოდ უფლებამოსილი მეთაურის (უფროსის) მიერ.“;

თ)  321-ე მუხლი ჩამოყალიბდეს შემდეგი რედაქციით:

„მუხლი 321. დადგენილება, წახალისების სახის შეფარდების ან დისციპლინური პასუხისმგებლობის ზომის დაკისრების შესახებ, აღსრულდება საამისოდ უფლებამოსილი ორგანოების (თანამდებობის პირების) მიერ ამ წესდებითა და საქართველოს კანონმდებლობით დადგენილი წესებით.“.