დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„სახელმწიფო ბაჟის შესახებ“ საქართველოს კანონში ცვლილებებისა და დამატებების შეტანის თაობაზე | |
---|---|
დოკუმენტის ნომერი | 183 |
დოკუმენტის მიმღები | საქართველოს პარლამენტი |
მიღების თარიღი | 24/06/2004 |
დოკუმენტის ტიპი | საქართველოს კანონი |
გამოქვეყნების წყარო, თარიღი | სსმ, 19, 15/07/2004 |
სარეგისტრაციო კოდი | 230.000.000.05.001.001.492 |
საქართველოს კანონი
„სახელმწიფო ბაჟის შესახებ“ საქართველოს კანონში ცვლილებებისა და დამატებების შეტანის თაობაზე
მუხლი 1.
„სახელმწიფო ბაჟის შესახებ“ საქართველოს კანონში (პარლამენტის უწყებანი, №19-20, 30. 05. 1998, გვ. 37) შეტანილ იქნეს შემდეგი ცვლილებები და დამატებები:
მე-4 მუხლის მე-4 პუნქტის:
ა) „ე“ ქვეპუნქტი ამოღებულ იქნეს;
ბ) „ვ“ და „ზ“ ქვეპუნქტები ჩამოყალიბდეს შემდეგი რედაქციით:
„ვ) მოქალაქეთა მდგომარეობის სარეგისტრაციო აქტებზე მოწმობის ხელმეორედ გაცემისათვის – 2 ლარი;
ზ) მოქალაქეთა მდგომარეობის აქტების რეგისტრაციის შესახებ ჩანაწერის არსებობის ცნობის გაცემისათვის (გარდა ამ კანონის მე-5 მუხლის მე-3 პუნქტის „ბ“ ქვეპუნქტით გათვალისწინებული შემთხვევებისა) – 1 ლარი;“;
გ) „თ“ ქვეპუნქტი ამოღებულ იქნეს.
2. მე-4 მუხლის მე-5 პუნქტის:
ა) „ვ“ ქვეპუნქტი ჩამოყალიბდეს შემდეგი რედაქციით:
„ვ) საქართველოს მოქალაქეობის მიღების, აღდგენისა და საქართველოს მოქალაქეობიდან გასვლის საკითხის განხილვისათვის – 60 ლარი;“;
ბ) „კ“ ქვეპუნქტი ჩამოყალიბდეს შემდეგი რედაქციით:
„კ) საქართველოში მცხოვრები უცხო ქვეყნის მოქალაქის ან მოქალაქეობის არმქონე პირის ბინადრობის მოწმობის გაცემისათვის – 15 ლარი;“;
გ) „ლ“ ქვეპუნქტის შემდეგ დაემატოს შემდეგი შინაარსის „მ“– „ჟ“ ქვეპუნქტები:
„მ) საქართველოს მოქალაქეობის დადგენის საკითხის განხილვისათვის – 10 ლარი;
ნ) იმიგრანტის სტატუსის დადგენისა და მინიჭების საკითხის განხილვისათვის – 60 ლარი;
ო) ემიგრანტის სტატუსის მინიჭების საკითხის განხილვისათვის – 30 ლარი;
პ) ქორწინების დამაბრკოლებელი გარემოებების არარსებობის თაობაზე ცნობის გაცემისათვის – 30 ლარი;
ჟ) უცხოელისა და საქართველოს მოქალაქის ქორწინების რეგისტრაციაზე ნებართვის გაცემისათვის – 120 ლარი.“.
3. მე-5 მუხლის:
ა) პირველი პუნქტის „ტ“ ქვეპუნქტი ჩამოყალიბდეს შემდეგი რედაქციით:
„ტ) საჯარო რეესტრის ეროვნული სააგენტო, როგორც მოსარჩელე ან მოპასუხე – სარჩელზე მიწის დაცვის წესების შეუსრულებლობისა და მიწის კანონმდებლობის სხვა დარღვევების შედეგად სახელმწიფოსათვის მიყენებული ზიანის ასანაზღაურებლად ბიუჯეტში თანხების გადახდევინების შესახებ;“;
ბ) მე-3 პუნქტი ჩამოყალიბდეს შემდეგი რედაქციით:
„3. საქმეებზე, რომლებსაც ახორციელებენ საქართველოს იუსტიციის სამინისტროს ტერიტორიული ორგანოები, სახელმწიფო ბაჟის გადახდისაგან თავისუფლდებიან:
ა) ფიზიკური პირები – გარდაცვალების აქტის რეგისტრაციისას, აგრეთვე მოქალაქეთა მდგომარეობის აქტების რეგისტრაციისას დაშვებულ შეცდომებთან დაკავშირებით (თუ შეცდომა დაშვებულია მოქალაქეთა მდგომარეობის აქტების რეგისტრაციის სამსახურის მიერ);
ბ) ფიზიკური პირები – მოქალაქეთა მდგომარეობის აქტების რეგისტრაციის ცნობის გაცემისათვის, რომელიც აუცილებელია სოციალური უზრუნველყოფის ორგანოებში წარსადგენად, პენსიისა და დახმარების დანიშვნის ან გადაანგარიშების საკითხთან დაკავშირებით;
გ) კანონმდებლობით დადგენილი წესით იძულებით გადაადგილებულად – დევნილად ცნობილი პირები;
დ) უცხო ქვეყნის მოქალაქისათვის საქართველოს პრეზიდენტის მიერ განსაკუთრებულ შემთხვევაში საქართველოს მოქალაქეობის მინიჭებისათვის.“;
გ) მე-4 პუნქტის „გ“ ქვეპუნქტი ჩამოყალიბდეს შემდეგი რედაქციით:
„გ) უცხო ქვეყნის მოქალაქე, რომელსაც საქართველოს კონსტიტუციის შესაბამისად საქართველოს პრეზიდენტის მიერ მიენიჭა საქართველოს მოქალაქეობა;“.
მუხლი 2
1. ეს კანონი, გარდა პირველი მუხლის მე-2 პუნქტის „ბ“ ქვეპუნქტისა და „გ“ ქვეპუნქტით გათვალისწინებული „ო“ ქვეპუნქტისა, ამოქმედდეს გამოქვეყნებისთანავე.
2. ამ კანონის პირველი მუხლის მე-2 პუნქტის „ბ“ ქვეპუნქტი და „გ“ ქვეპუნქტით გათვალისწინებული „ო“ ქვეპუნქტი ამოქმედდეს 2004 წლის 15 ნოემბრიდან.
საქართველოს პრეზიდენტი მ. სააკაშვილი
თბილისი,
2004 წლის 24 ივნისი.
№183–რს
დოკუმენტის კომენტარები