,,საქართველოს შეიარაღებული ძალების გენერალური შტაბის ჯარების ლოგისტიკური უზრუნველყოფის სარდლობის დებულების დამტკიცების შესახებ“ საქართველოს თავდაცვის მინისტრის 2014 წლის 6 ივნისის №44 ბრძანებაში ცვლილების შეტანის თაობაზე

„ზ) ტექნიკისა და შეიარაღების აღრიცხვისა და ექსპლუატაციის სამმართველო;”.

2. ბრძანებით დამტკიცებული დებულების მე-5 მუხლის მე-7  და მე-8 პუნქტები ჩამოყალიბდეს შემდეგი რედაქციით:

„7. ტექნიკისა და შეიარაღების აღრიცხვისა და ექსპლუატაციის სამმართველო  გენერალური  შტაბის J-4/8 დეპარტამენტის დაგეგმვის და/ან შესაბამისი მოთხოვნების საფუძველზე, ახორციელებს საქართველოს შეიარაღებული ძალების სარაკეტო-საარტილერიო, ჯავშანსატანკო, საავტომობილო, საჰაერო, საზღვაო, საინჟინრო-ქიმიური, სამხედრო-ტექნიკური, კავშირგაბმულობისა და სხვა მატერიალურ-ტექნიკური საშუალებებით უზრუნველყოფას, მათი მიღების, განთავსების და შენახვის ორგანიზებას, ექსპლუატაციის კონტროლს აღრიცხვასა და განაწილებას.

,,8. ტექნიკისა და შეიარაღების აღრიცხვისა და ექსპლუატაციის სამმართველოს ერთეულებია:

ა) სატრანსპორტო და ჯავშანსატანკო ტექნიკის აღრიცხვისა და ექსპლუატაციის განყოფილება, რომელიც J-4/8  დეპარტამენტის დაგეგმვის და/ან შესაბამისი მოთხოვნის  საფუძველზე ახორციელებს შეიარაღებული ძალების სატრანსპორტო საშუალებებით, ჯავშანტექნიკითა და მარაგ ნაწილებით დაკომპლექტების უზრუნველყოფას,  ტექნიკისა და სხვა სახის მატერიალური ფასეულობების  მიღება-განთავსების და შენახვის ორგანიზებას,  მათი ექსპლუატაციის კონტროლს, აღრიცხვას და განაწილებას;

ბ) შეიარაღებისა და საბრძოლო მასალების აღრიცხვისა და ექსპლუატაციის განყოფილება, რომელიც J-4/8  დეპარტამენტის  დაგეგმვის და/ან შესაბამისი მოთხოვნის  საფუძველზე ახორციელებს შეიარაღებული ძალების სარაკეტო-საარტილერიო სისტემებით, საბრძოლო მასალებით, სპეციალური შეიარაღებითა და დანადგარებით დაკომპლექტებას და მარაგების შექმნას. უზრუნველყოფს შეიარაღებისა და საბრძოლო მასალების მიღების, განთავსებისა და შენახვის ორგანიზებას, მათი ექსპლუატაციის კონტროლს, აღრიცხვას და განაწილებას;

გ) კავშირგაბმულობისა და რადიოლოკაციური სისტემების აღრიცხვის და ექსპლუატაციის  განყოფილება, რომელიც J-4/8  დეპარტამენტის და გენერალური შტაბის J-6  კავშირგაბმულობისა და ინფორმაციული სისტემების დეპარტამენტის დაგეგმვის და/ან შესაბამისი მოთხოვნის საფუძველზე ახორციელებს კავშირგაბმულობის საშუალებების, სანავიგაციო სისტემების, ორგტექნიკისა და მარაგ ნაწილების მიღების,  განთავსებისა და შენახვის ორგანიზებას, მათი ექსპლუატაციის კონტროლს, აღრიცხვას და განაწილებას;