„ადიგენის მუნიციპალიტეტის ტერიტორიაზე ადგილობრივი მოსაკრებლების სახეების და განაკვეთების ოდენობის დამტკიცების შესახებ“ ადიგენის მუნიციპალიტეტის საკრებულოს 2015 წლის 7 აპრილის N18 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ადიგენის მუნიციპალიტეტის ტერიტორიაზე ადგილობრივი მოსაკრებლების სახეების და განაკვეთების ოდენობის დამტკიცების შესახებ“ ადიგენის მუნიციპალიტეტის საკრებულოს 2015 წლის 7 აპრილის N18 დადგენილებაში ცვლილების შეტანის თაობაზე
დოკუმენტის ნომერი	9
დოკუმენტის მიმღები	ადიგენის მუნიციპალიტეტი
მიღების თარიღი	01/03/2016
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 07/03/2016
სარეგისტრაციო კოდი	210020010.35.137.016229

PDF გადმოწერა

„ადიგენის მუნიციპალიტეტის ტერიტორიაზე ადგილობრივი მოსაკრებლების სახეების და განაკვეთების ოდენობის დამტკიცების შესახებ“ ადიგენის მუნიციპალიტეტის საკრებულოს 2015 წლის 7 აპრილის №18 დადგენილებაში ცვლილების შეტანის თაობაზე

საქართველოს ორგანული კანონის „ადგილობრივი თვითმმართველობის კოდექსი“ 24-ე მუხლის პირველი ნაწილის ,,დ.ბ“ ქვეპუნქტის, საქართველოს კანონის ,,ადგილობრივი მოსაკრებლების შესახებ“ მე-3 მუხლის პირველი პუნქტის მე-5 მუხლის და საქართველოს კანონის „ნორმატიული აქტების შესახებ“ 25-ე მუხლის პირველი ნაწილის „ბ“ ქვეპუნქტის შესაბამისად, ადიგენის მუნიციპალიტეტის საკრებულო ადგენს:

მუხლი 1

დამტკიცდეს ადიგენის მუნიციპალიტეტის ტერიტორიაზე ადგილობრივი მოსაკრებლების სახეები და განაკვეთის ოდენობა დანართი 1-ის შესაბამისად.

მუხლი 2

ძალადაკარგულად გამოცხადდეს ადიგენის მუნიციპალიტეტის საკრებულოს 2015 წლის 7 აპრილის №18 დადგენილებით (www.matsne.gov.ge, 17/04/2015 2102000.35.137.016170) დამტკიცებული დანართი 1.

მუხლი 3

დადგენილება ამოქმედდეს გამოქვეყნებისთანავე.

ადიგენის მუნიციპალიტეტის საკრებულოს თავმჯდომარე იმედა მღებრიშვილი

ადიგენის მუნიციპალიტეტის ტერიტორიაზე ადგილობრივი მოსაკრებლების სახეები და განაკვეთების ოდენობა

მუხლი 1. ადგილობრივი მოსაკრებლები

1. სათამაშო ბიზნესის მოსაკრებელი.

2. მოსაკრებელი მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვისათვის.

3. მოსაკრებელი მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) სანებართვო პირობების შესრულების დადასტურების (ექსპლოატაციაში მიღების) თაობაზე აქტის გამოცემის (მასში ცვლილებების შეტანის) დაჩქარებული მომსახურებისათვის.

4. მოსაკრებელი დასახლებული ტერიტორიის დასუფთავებისათვის.

მუხლი 2. ადგილობრივი მოსაკრებლების განაკვეთები

1. სათამაშო ბიზნესის მოსაკრებელი განისაზღვროს:

ა) თითოეულ სამორინეს მაგიდაზე – კვარტალში 15 000 (თხუთმეტი ათასი) ლარის ოდენობით;

ბ) თითოეულ სათამაშო აპარატზე – კვარტალში 1 500 (ერთი ათას ხუთასი) ლარის ოდენობით;

გ) თითოეულ წამახალისებელ გათამაშებაზე – საპრიზო ფონდის 10%;

დ) სისტემურ-ელექტრონული ფორმით მოწყობილ თამაშობაზე – კვარტალში 30 000 (ოცდაათი ათასი) ლარის ოდენობით;

ე) ლატარიების მოწყობაზე – ლატარიის ბილეთის რეალიზაციიდან მიღებული ამონაგების არაუმეტეს 20%-ისა;

ვ) აზარტული ან/და მომგებიანი თამაშობის მოწყობის ნებართვით ორგანიზებული ობიექტის გარეთ განთავსებული, სისტემურ-ელექტრონული ფორმით მოწყობილი აზარტული ან/და მომგებიანი თამაშობის თითოეულ სალაროზე − კვარტალში 1 000 (ერთი ათასი) ლარის ოდენობით;

ზ) თითოეულ კლუბის მაგიდაზე – კვარტალში 3 000 ლარის ოდენობით.

2. მოსაკრებელი მშენებლობის (გარდა განსაკუთრებული მნიშვნელობის რადიაციული ან ბირთვული ობიექტების მშენებლობისა) ნებართვისათვის განისაზღვროს:

ა) ახალასაშენებელი ობიექტის პროექტით გათვალისწინებული განაშენიანების ფართობის თითოეული კვადრატული მეტრისათვის – 1 (ერთი) ლარის ოდენობით, ხოლო საკურორტო ზონაში სამრეწველო ობიექტის მშენებლობისათვის განაშენიანების ფართობის თითოეული კვადრატული მეტრისათვის – 5 (ხუთი) ლარის ოდენობით;

ბ) ხაზობრივი ნაგებობისათვის გადასახადის ოდენობა განისაზღვროს შემდეგი კლასიფიკაციის მიხედვით:

ბ.ა) გასზადენი, ნავთობსადენი, ელექტროგადამცემი ხაზები-ერთ გრძივ მეტრზე 0,8 ლარი;

ბ.ბ) წყალარინები – 0,8 ლარი;

გ) გათავისუფლდეს მოსაკრებლის გადასახადისგან სტიქიური უბედურების შედეგად დაზიანებული ობიექტის მშენებლობა.

დ) სახელმწიფო და ადგილობრივი თვითმმართველობის ორგანოები გათავისუფლდნენ ამ წესით დაწესებული მოსაკრებლის გადასახადისგან.

3. მშენებლობის (გარდა განსაკუთრებული მნიშვნელობის რადიაციული ან ბირთვული ობიექტის მშენებლობისა) სანებართვო პირობების შესრულების დადასტურების (ექსპლოატაციაში მიღების) თაობაზე აქტის გამოცემის (მასში ცვლილებების შეტანა) დაჩქარებული მომსახურების მოსაკრებლის განაკვეთი განისაზღვროს:

ა) II და III კლასის შენობა-ნაგებობის შემთხვევაში:

ა. ა) განცხადების წარდგენიდან სამ სამუშაო დღეში – 500 (ხუთასი) ლარი;

ა.ბ) განცხადების წარდგენიდან ხუთ სამუშაო დღეში – 300 (სამასი) ლარი;

ა.გ) განცხადების წარდგენიდან ათ სამუშაო დღეში – 200 (ორასი) ლარი;

ბ. IVკლასის შენობა-ნაგებობის შემთხვევაში;

ბ.ა) განცხადების წარდგენიდან სამ სამუშაო დღეში – 1500 (ერთი ათას ხუთასი) ლარი;

ბ.ბ) განცხადების წარდგენიდან ხუთ სამუშაო დღეში – 1000 (ერთი ათასი) ლარი;

ბ.გ) განცხადების წარდგენიდან ათ სამუშაო დღეში – 700 (შვიდასი) ლარი.

4. მოსაკრებელი დასახლებული ტერიტორიის დასუფთავებისათვის განისაზღვროს:

ა) დასახლებული ტერიტორიის დასუფთავებისათვის ერთ სულ მოსახლეზე 0,50 ლარის ოდენობით თვეში, ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვროს 4 სულით, ხოლო იურიდიული პირების, ორგანიზაციებისა და დაწესებულებებისათვის – 25 (ოცდახუთი) ლარის ოდენობით ერთ კუბურ მეტრ ნარჩენებზე.

ბ) დასუფთავების მოსაკრებელი არ დაერიცხებათ იმ ოჯახებს, რომელთა სარეიტინგო ქულა ნაკლებია კანონით მიღებულზე (დადგენილზე).


ადიგენის მუნიციპალიტეტში დასახლებული ტერიტორიის დასუფთავებისათვის გასაწევი მომსახურების გადასახადი საყოფაცხოვრებო ნარჩენების გატანაზე ობიექტების მიხედვით

№	სამეწარმეო საქმიანობა	ზომის ერთეული	მოსაკრებლის განაკვეთი თვეში (ლარებში)	შენიშვნა
1	ბიბლიოთეკები	სამუშაო ფართობი კვ.მ	0,05	100მ² 5 ლარი
2	ოფისები, სააგენტოები, პროფესიული და სახელმწიფო ორგანიზაციები, ბანკები, საფინანსო ორგანიზაციები, ვალუტის გადამცვლელი პუნქტები	სამუშაო ფართობი 1 კვ.მ	0,20	100მ² 20 ლარი
3	კინოთეატრები და თეატრები	მაყურებლის ერთი სავარძელი	0,15	100 სავარძ. 15 ლარი
4	სკოლები, ინტერნატები, კოლეჯები, ბაგა-ბაღები (საგანმანათლებლო დაწესებულებები)	ერთ მოსწავლეზე	0,05	100 მოსწ. 5 ლარი
5	სასტუმროები	ერთი საწოლი	1.00	100 საწოლზე 100 ლარი
6	საავადმყოფოები	ერთი საწოლი	0.30	100 საწოლზე 30 ლარი
7	პოლიკლინიკები, სტომატოლოგიური და სხვა სამედიცინო კაბინეტები, სამედიცინო დიაგნოსტიკური ცენტრი	სამუშაო ფართობის 1 კვ.მ	0.20	100მ² 20 ლარი
8	აფთიაქები	სამუშაო ფართის 1 კვ.მ	0.20	100მ² 20 ლარი
9	დახურული ტიპის სპორტული დარბაზები	საერთო ფართობი 1 კვ.მ	0.10	100მ² 10 ლარი
10	სასურსათო და სხვა დასახელების მარკეტები	სამუშაო ფართის 1 კვ.მ	0.10	100მ² 10 ლარი
11	აგრარული ბაზარი	სამუშაო ფართობი 1 კვ.მ	0.20	100მ² 20 ლარი
12	ბენზინგასამართი სადგურები	სამუშაო ფართის 1 კვ.მ	0.15	100მ² 15 ლარი
13	აბანოები, საუნები	საერთო ფართობი 1 კვ.მ	0.10	100მ² 10 ლარი
14	სადალაქოები, სილამაზის სალონები	სამუშაო ფართობი 1 კვ.მ	0.30	100მ² 30 ლარი
15	რესტორანი ,,კაფე-ბარები“, სასადილოები სწრაფი კვების ობიექტები (საშაურმე)	საერთო ფართობი 1კვ.მ	0.05	100მ² 5 ლარი
16	საავტომობილო სადგურები	სამუშაო ფართის 1 კვ.მ	0.10	100მ² 10 ლარი
17	ღია ტიპის დასვენების და გასართობი ადგილები, სკვერები, ბაღები, ატრაქციონები	1 კვ.მ	0,01	100მ² 1 ლარი
18	ავტოტექმომსახურეობის სადგურები, სახელოსნო, ავტოსამრეცხაო	სამუშაო ფართობი 1 კვ.მ	0.10	100მ² 10 ლარი
19	მშენებარე ობიექტები	საერთო ფართის 1კვ.მ	0.15	100მ² 15 ლარი
20	საკურორტო ზონაში სამრეწველო ობიექტების მშენებლობისათვის	ფართის 1 კვადრატულ მეტრზე	1.00	100მ² 100 ლარი
21	საბითუმო საწყობი, მაცივარი, ბაზა	საერთო ფართი 1 კვ.მ	0.10	100მ² 10 ლარი
22	საბანკეტო დარბაზები	საერთო ფართის 1 კვ.მ	0.05	100მ² 5 ლარი
23	სადურგლო, მეტალოპლასტმასის, მინის დაჭრის და სხვა სახელოსნო	სამუშაო ფართის 1 კვადრატულ მეტრზე	0.10	100მ² 10 ლარი
24	სხვადასხვა დაწესებულებები	სამუშაო ფართის 1 კვ.მ	0.20	100მ² 20 ლარი
25	სანატორიუმები, სამკურნალო ტიპის დასასვენებლი დაწესებულებები	ერთი საწოლი	1.50	100 საწოლზე 150 ლარი
26	პურის საცხობები, ფურნეები, ნამცხვრის საცხობი და საკონდიტრო საწარმოები	სამუშაო ფართის 1კვ.მ	0.20	100მ² 20 ლარი