ქ.თბილისში, ისნის რაიონში, თამაზ მუჯირიშვილის ქუჩის მონაკვეთისთვის, მასთან არსებული ჩიხისთვის და შესახვევისთვის სოფელ ბეღლეთის სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №45

2016 წლის 19 თებერვალი 

ქ. თბილისი

ქ.თბილისში, ისნის რაიონში, თამაზ მუჯირიშვილის ქუჩის მონაკვეთისთვის, მასთან არსებული  ჩიხისთვის და  შესახვევისთვის  სოფელ ბეღლეთის სახელის მინიჭების შესახებ

საქართველოს ორგანული კანონის „ ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, საქართველოს მთავრობის 2015 წლის 1 ივნისის №239 დადგენილებისა და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად,  ქ.თბილისის მუნიციპალიტეტის საკრებულომ დაადგინა:

ა) ისნის რაიონში, თამაზ მუჯირიშვილის ქუჩის მონაკვეთს, მასთან არსებულ  ჩიხს და  შესახვევს მიენიჭოს სოფელ ბეღლეთის  სახელი, თანდართული რუკის თანახმად;

ბ) ქ.თბილისის მუნიციპალიტეტის მერიამ, ოთხი თვის ვადაში, უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება, ერთი თვის ვადაში, შეიძლება გასაჩივრდეს  თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით  აღმაშენებლის ხეივანი, მე- 12 კმ., № 6).

საკრებულოს თავმჯდომარე                                                 გ. ალიბეგაშვილი