„ქალაქ ახალციხის მუნიციპალიტეტის მერიის შიდა აუდიტის სამსახურის დებულების დამტკიცების შესახებ" ქალაქ ახალციხის მუნიციპალიტეტის საკრებულოს 2014 წლის 2 ოქტომბრის N42 დადგენილებაში ცვლილებების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„ქალაქ ახალციხის მუნიციპალიტეტის მერიის შიდა აუდიტის სამსახურის დებულების დამტკიცების შესახებ" ქალაქ ახალციხის მუნიციპალიტეტის საკრებულოს 2014 წლის 2 ოქტომბრის N42 დადგენილებაში ცვლილებების შეტანის თაობაზე
დოკუმენტის ნომერი	5
დოკუმენტის მიმღები	ქალაქ ახალციხის მუნიციპალიტეტი
მიღების თარიღი	29/02/2016
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 02/03/2016
ძალის დაკარგვის თარიღი	17/01/2018
სარეგისტრაციო კოდი	010250050.35.173.016121

PDF გადმოწერა

,,ქალაქ ახალციხის მუნიციპალიტეტის მერიის შიდა აუდიტის სამსახურის დებულების დამტკიცების შესახებ’’ ქალაქ ახალციხის მუნიციპალიტეტის საკრებულოს 2014 წლის 2 ოქტომბრის N42 დადგენილებაში ცვლილებების შეტანის თაობაზე

„ნორმატიული აქტების შესახებ’’ საქართველოს კანონის მე-20 მუხლის მე-4 პუნქტის შესაბამისად, ქალაქ ახალციხის მუნიციპალიტეტის საკრებულო ადგენს:

მუხლი 1

შევიდეს ცვლილება ,,ქალაქ ახალციხის მუნიციპალიტეტის მერიის შიდა აუდიტის სამსახურის დებულების დამტკიცების შესახებ’’ ქალაქ ახალციხის მუნიციპალიტეტის საკრებულოს 2014 წლის 2 ოქტომბრის №42 დადგენილებაში (ვებგვერდი www.matsne.gov.ge, 06/10/2014, სარეგისტრაციო კოდი: 010250050.35.173.016042 ) და დადგენილებით დამტკიცებულ დანართში (დებულება):

1. მე-5 მუხლის პირველი პუნქტის:

ა) ,,ვ.ა’’ ქვეპუნქტი ჩამოყალიბდეს შემდეგი რედაქციით:

,,ვ.ა) შიდა აუდიტის სამსახური საბოლოო სახით აყალიბებს შიდა აუდიტორულ ანგარიშს და მას შიდა აუდიტის ობიექტის მიერ წარმოდგენილ რეკომენდაციების შესრულების სამოქმედო გეგმასთან ერთად უგზავნის მუნიციპალიტეტის მერს და ობიექტს.’’.

ბ) ,,ზ’’ ქვეპუნქტი ჩამოყალიბდეს შემდეგი რედაქციით:

,,ზ) შიდა აუდიტის სამსახურის წლიური ანგარიში მომდევნო წლის იანვრის ბოლომდე წარუდგინოს მუნიციპალიტეტის მერს.’’.

2. მე-6 მუხლის მე-2 პუნქტის:

ა) ,,ვ’’ ქვეპუნქტი ჩამოყალიბდეს შემდეგი რედაქციით:

,,ვ) შეიმუშავებს და მუნიციპალიტეტის მერს დასამტკიცებლად წარუდგენს შიდა აუდიტის სამსახურის სტრატეგიულ და წლიურ გეგმებს, ასევე მათში განსახორციელებელი ცვლილებების პროექტს.“.

მუხლი 2

დადგენილება ამოქმედდეს გამოქვეყნებისთანავე.

ქალაქ ახალციხის მუნიციპალიტეტის საკრებულოს თავმჯდომარე დავით ლომიძე