სს ,,ლიბერთი ბანკის" აქციონერთა რიგგარეშე საერტო კრების მოწვევის თაობაზე

2016 წლის 18 თებერვალი

სს „ლიბერთი ბანკის“ აქციონერთა რიგგარეშე საერთო კრების ჩატარების შესახებ

გაცნობებთ, რომ სს „ლიბერთი ბანკის“ (შემდგომში - ბანკი) ჩვეულებრივი აქციების მფლობელ აქციონერთა რიგგარეშე საერთო კრების (შემდგომში - საერთო კრება) ჩატარება დაგეგმილია 2016 წლის 14 მარტს, 10:00 საათზე. „ბანკის“ აქციონერთა „საერთო კრების“ დღის წესრიგი მოიცავს შემდეგ საკითხებს:

„ბანკის“ სამეთვალყურეო საბჭოს დამოუკიდებელი წევრის, ბატონი მარტინ პოლ გრემის ანაზღაურების განსაზღვრა და დამტკიცება წლიური 260,000 ლარის ოდენობით, გადასახადების ჩათვლით, რომლის გადახდაც უნდა მოხდეს ყოველთვიურად, 12 თანაბარ ნაწილად, „ბანკის“ სახელფასე პოლიტიკით დადგენილი წესის შესაბამისად;

ბანკის სამეთვალყურეო საბჭო რეკომენდაციას უწევს აქციონერებს, რომ დაამტკიცონ ზემოაღნიშნული საკითხი.

ბანკის აქციონერთა საერთო კრება გაიმართება სს „ლიბერთი ბანკის“ სათავო ოფისში შემდეგ მისამართზე: ლიბერთი თაუერი, მე-6 სართული, ი. ჭავჭავაძის გამზირი №74, თბილისი 0162, საქართველო,

აქციონერთა რეგისტრაცია დაიწყება 2016 წლის 14 მარტს, 9:00 საათზე.

აქციონერთა სააღრიცხვო თარიღად დადგენილია 2016 წლის 12 თებერვალი.

აქციონერთა საერთო კრებაში მონაწილეობის უფლება შეიძლება გადამოწმებულ იქნეს 2016 წლის 4 მარტიდან სს „ლიბერთი ბანკის“ აქციების რეგისტრატორთან - სს „კავკასრეესტრი“ შემდეგ მისამართზე: მე-7 სართული, კორპუსი 10, ვაჟა-ფშაველას გამზ№71, თბილისი 0186, საქართველო.

სს „ლიბერთი ბანკი“

გენერალური დირექტორი                                        ა. ხოროშვილი