„სპეციალური წოდების მინიჭების წესის შესახებ დებულების დამტკიცების თაობაზე“ საქართველოს სახელმწიფო დაცვის სპეციალური სამსახურის უფროსის 2003 წლის 11 ივნისის №19 ბრძანებაში ცვლილების შეტანის შესახებ

   „2.  კონტროლი ბრძანების შესრულებაზე განხორციელდეს სახელმწიფო დაცვის სპეციალური სამსახურის უფროსის მიერ განსაზღვრულ უფლებამოსილებათა შესაბამისად.”.

   „6. სასწავლო კურსი ინიშნება წელიწადში ერთხელ მაინც კადრების მთავარი სამმართველოს წარდგინებით, სამსახურის უფროსის ინდივიდუალური ადმინისტრაციულ-სამართლებრივი აქტით (ბრძანებით), რომლითაც განისაზღვრება კურსის ხანგრძლივობა და პროგრამა, კურსზე წარსადგენ მოსამსახურეთა დადგენილი წესით შერჩეული შემადგენლობა, აგრეთვე დროებითი საგამოცდო კომისიის შემადგენლობა და მუშაობის რეჟიმი. აღნიშნულთან დაკავშირებით, სამსახურის ადმინისტრაციას (დეპარტამენტი) შესაბამის ბრძანებაში გასათვალისწინებლად და დასამტკიცებლად წარედგინება სასწავლო კურსის პროგრამა და შერჩეულ მოსამსახურეთა სია. პროგრამას შეიმუშავებს და ბრძანების საფუძველზე კურსებს ატარებს სამსახურის სასწავლო ცენტრი (მთავარი სამმართველო).”;