„სიღნაღის მუნიციპალიტეტის გამგეობის ქონების მართვის, ეკონომიკური განვითარების, სტატისტიკის, ინფრასტრუქტურის, სივრცითი მოწყობის, არქიტექტურისა და მშენებლობის სამსახურის დებულების დამტკიცების შესახებ“ სიღნაღის მუნიციპალიტეტის საკრებულოს 2014 წლის 24 ივლისის №21 დადგენილებაში ცვლილების შეტანის შესახებ

,,2. სამსახურის სტრუქტურული ქვედანაყოფებია:

ა) ქონების მართვის, ეკონომიკური განვითარების დაგეგმვისა და სტატისტიკის განყოფილება;

ბ) სივრცითი მოწყობის, მშენებლობისა და არქიტექტურის  განყოფილება;

გ) ინფრასტრუქტურის განყოფილება.“.

,, მუხლი 5¹.  სამსახურის ინფრასტრუქტურის განყოფილების ფუნქციები

   სამსახურის  ინფრასტრუქტურის განყოფილება  დადგენილი წესით უზრუნველყოფს:

ა) მუნიციპალური ინფრასტრუქტურის შექმნის, რეაბილიტაციისა და განვითარების დაგეგმვასა და მათი შემდგომი განხორციელების კოორდინაციას;

ბ) მუნიციპალური ინფრასტრუქტურის – ადგილობრივი მნიშვნელობის გზების, ხიდების, გარე განათების, სანიაღვრე მეურნეობის, მუნიციპალიტეტის გამგებლობაში არსებული კომუნიკაციების შექმნის, რეაბილიტაციისა და განვითარების დაგეგმვას, შესაბამისი პროგრამებისა და პროექტების მომზადებას, მათი  განხორციელების კოორდინაციას, შიდა სარგებლობის გზების, ტროტუარების, ხიდების და სხვა საინჟინრო ნაგებობათა შეკეთებასა და ექსპლოატაციას;

გ) წინადადებების, დასკვნებისა და რეკომენდაციების შემუშავებას მუნიციპალური ინფრასტრუქტურის ობიექტების შექმნის, განვითარების და მათი ექსპლოატაციის საკითხებზე;

დ) წყალმომარაგებისა და წყალარინების უზრუნველყოფას;

ე) წინადადებების, დასკვნებისა და რეკომენდაციების შემუშავებას მუნიციპალიტეტის დასახლებათა დასუფთავების, ნარჩენების გატანისა და უტილიზაციის საკითხებზე;

ვ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.