ქ.თბილისში, გლდანის რაიონში, ილორის ქუჩის მონაკვეთისთვის, მიხეილ იპოლიტოვ-ივანოვის ქუჩის შესახვევისთვის, მასთან არსებული შესახვევისთვის და ორი გასასვლელისთვის ინჟინერი რომან ჭელიძის სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №13

2016 წლის 29 იანვარი 

ქ. თბილისი

ქ.თბილისში, გლდანის რაიონში, ილორის ქუჩის მონაკვეთისთვის, მიხეილ იპოლიტოვ-ივანოვის ქუჩის შესახვევისთვის, მასთან არსებული შესახვევისთვის და ორი გასასვლელისთვის ინჟინერ რომან ჭელიძის სახელის მინიჭების შესახებ

1. საქართველოს ორგანული კანონის „ ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“საქართველოს მთავრობის 2015 წლის 1 ივნისის №239 დადგენილებისა და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“ ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:

ა) გლდანის რაიონში, ილორის ქუჩის მონაკვეთს, მიხეილ იპოლიტოვ-ივანოვის ქუჩის შესახვევს (ილორის ქუჩის მონაკვეთი და იპოლიტოვ-ივანოვის ქუჩის შესახვევი ჩამოყალიბდეს დამოუკიდებელ ქუჩად), მასთან არსებულ შესახვევს და ორ გასასვლელს მიენიჭოს ინჟინერ რომან ჭელიძის სახელი, თანდართული რუკის თანახმად;

ბ) ქ.თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების განხორციელება.

2. განკარგულება ერთი თვის ვადაში შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ., № 6).

საკრებულოს თავმჯდომარის 

მოვალეობის შემსრულებელი                                                            გ. ტყემალაძე