დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | შპს „ეკო ფიშ ჯორჯიას“ სასარგებლო წიაღისეულის მოპოვების ლიცენზიისაგან გათავისუფლების თაობაზე | |
|---|---|
| დოკუმენტის ნომერი | 57 |
| დოკუმენტის მიმღები | საქართველოს მთავრობა |
| მიღების თარიღი | 18/01/2016 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 09/02/2016 |
| სარეგისტრაციო კოდი | 000000000.00.003.020712 |
საქართველოს მთავრობის
განკარგულება №57
2016 წლის 18 იანვარი
ქ. თბილისი
შპს „ეკო ფიშ ჯორჯიას“ სასარგებლო წიაღისეულის მოპოვების ლიცენზიისაგან გათავისუფლების თაობაზე
1. „სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებით დამტკიცებული დებულების (შემდგომში – დებულება) 74 მუხლის საფუძველზე, სახელმწიფოებრივი და საზოგადოებრივი ინტერესების გათვალისწინებით, თევზსაშენი მეურნეობის მშენებლობის მიზნით, შპს „ეკო ფიშ ჯორჯია“, 3 თვის ვადით, გათავისუფლდეს სასარგებლო წიაღისეულის (52 000 მ3 ქვიშა-ხრეში) მოპოვების ლიცენზიისაგან, ქობულეთის მუნიციპალიტეტის სოფ. ხუცუბნის მიმდებარე ტერიტორიაზე, მითითებული X და Y კოორდინატების საზღვრებში:
| № | X | Y |
| 1 | 736555 | 4631340 |
| 2 | 736556 | 4631344 |
| 3 | 736467 | 4631362 |
| 4 | 736467 | 4631365 |
| 5 | 736582 | 4631343 |
| 6 | 736668 | 4631356 |
| 7 | 736755 | 4631359 |
| 8 | 736809 | 4631362 |
| 9 | 736870 | 4631397 |
| 10 | 736923 | 4631371 |
| 11 | 736959 | 4631344 |
| 12 | 736949 | 4631340 |
| 13 | 736931 | 4631331 |
| 14 | 736922 | 4631324 |
| 15 | 736908 | 4631310 |
| 16 | 736881 | 4631309 |
| 17 | 736859 | 4631305 |
| 18 | 736819 | 4631297 |
| 19 | 736788 | 4631286 |
| 20 | 736762 | 4631269 |
| 21 | 736735 | 4631254 |
| 22 | 736714 | 4631248 |
| 23 | 736670 | 4631251 |
| 24 | 736624 | 4631257 |
| 25 | 736598 | 4631301 |
| 26 | 736555 | 4631332 |
| S = 3,04 ჰა | ||
| WGS 1984. | ||
2. ლიცენზიისაგან გათავისუფლებული პირი – შპს „ეკო ფიშ ჯორჯია“ ვალდებულია:
ა) უზრუნველყოს საქართველოს გარემოსა და ბუნებრივი რესურსების დაცვის სამინისტროს სსიპ – გარემოს ეროვნული სააგენტოს შესაბამისი დასკვნით (გეოსაინფორმაციო პაკეტი) განსაზღვრული პირობების შესრულება;
ბ) მოპოვებული სასარგებლო წიაღისეული გამოიყენოს, მხოლოდ ამ განკარგულების პირველი პუნქტით განსაზღვრული მიზნისათვის;
გ) სასარგებლო წიაღისეულის მოპოვების ვადის გასვლიდან 2 კვირის ვადაში, საქართველოს გარემოსა და ბუნებრივი რესურსების დაცვის სამინისტროს სახელმწიფო საქვეუწყებო დაწესებულებაში – გარემოსდაცვითი ზედამხედველობის დეპარტამენტში (შემდგომში – გარემოსდაცვითი ზედამხედველობის დეპარტამენტი) წარადგინოს ინფორმაცია მოპოვებული ბუნებრივი რესურსის ოდენობის შესახებ;
დ) სასარგებლო წიაღისეულის მოპოვებისას, გაითვალისწინოს „ელექტრული ქსელების ხაზობრივი ნაგებობების დაცვის წესისა და მათი დაცვის ზონების დადგენის შესახებ“ საქართველოს მთავრობის 2013 წლის 24 დეკემბრის №366 დადგენილებით განსაზღვრული მოთხოვნები;
ე) სასარგებლო წიაღისეულის მოპოვების სამუშაოების განხორციელებისას, წიაღითსარგებლობის ობიექტიდან ნიადაგის ნაყოფიერი ფენის მოხსნა განახორციელოს „ნიადაგის ნაყოფიერი ფენის მოხსნის, შენახვის, გამოყენებისა და რეკულტივაციის შესახებ“ ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №424 დადგენილებით განსაზღვრული წესის მიხედვით.
3. დებულების 74 მუხლის 21 პუნქტის შესაბამისად, შპს „ეკო ფიშ ჯორჯიას“ მიერ 52 000 მ3 სასარგებლო წიაღისეულის (ქვიშა-ხრეში) მოპოვების ლიცენზიისაგან გათავისუფლებისათვის, დადგინდეს განსხვავებული გადასახდელი თანხა – 78 000 (სამოცდათვრამეტი ათასი) ლარის ოდენობით.
4. შპს „ეკო ფიშ ჯორჯიამ“, ამ განკარგულების ძალაში შესვლიდან ერთი თვის ვადაში, უზრუნველყოს საქართველოს სახელმწიფო ბიუჯეტში ამ განკარგულების მე-3 პუნქტით გათვალისწინებული თანხის გადახდა.
5. შპს „ეკო ფიშ ჯორჯიას“ მიერ ლიცენზიისაგან გათავისუფლების საფუძველზე მოპოვებული სასარგებლო წიაღისეულის მიზნობრივად გამოყენების ზედამხედველობა განახორციელოს გარემოსდაცვითი ზედამხედველობის დეპარტამენტმა.
პრემიერ-მინისტრი გიორგი კვირიკაშვილი
დოკუმენტის კომენტარები