საჩხერის მუნიციპალიტეტის ა.(ა).ი.პ. „საჩხერის სასპორტო სკოლის“ სპორტსმენების სპორტულ ღონისძიებებზე გამგზავრებისას კვებით უზრუნველყოფისათვის საჭირო თანხის ოდენობისა და ანაზღაურების წესის დამტკიცების შესახებ

საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის 1-ლი და მე-2 ნაწილისა  და მე-16 მუხლის მე-3 და მე-4 ნაწილის  შესაბამისად, საჩხერის მუნიციპალიტეტის საკრებულო ადგენს:

დამტკიცდეს,  ა(ა)იპ  ,,საჩხერის სასპორტო სკოლის“  სპორტსმენების სპორტულ ღონისძიებებზე  გამგზავრებისას კვებით უზრუნველყოფისათვის საჭირო თანხის ოდენობისა და ანაზღაურების წესი, დანართის შესაბამისად.

დადგენილება ამოქმედდეს გამოქვეყნებისთანავე.

ამ დადგენილებით დამტკიცებული დანართი არეგულირებს  ა(ა)იპ  საჩხერის სასპორტო სკოლის სპორტსმენების სპორტულ ღონისძიებებზე გამგზავრებისას კვებით უზრუნველყოფისათვის საჭირო თანხის ოდენობისა და ანაზღაურების წესს.

1. ა(ა)იპ  ,,საჩხერის სასპორტო სკოლის“  სპორტსმენების სპორტულ ღონისძიებებზე გამგზავრებისას კვებით უზრუნველყოფისათვის საჭირო თანხების ანაზღაურება განხორციელდეს  ა(ა)იპ ,,საჩხერის სასპორტო სკოლისათვის“  დამტკიცებული სუფსიდიის ფარგლებში დამტკიცებული ხარჯთაღრიცხვის შესაბამისად.

2. დაფინანსება განხორციელდეს ღონისძიებათა გეგმით, რომელიც შედგენილია შესაბამისი სპორტის სახეობის ფედერაციების კალენდრის მიხედვით, აგრეთვე სხვადასხვა ტურნირებისა და შეჯიბრებების დებულების მიხედვით.

ა(ა)იპ საჩხერის სასპორტო სკოლის სპორტსმენების კვებისათვის საჭირო თანხა ანაზღაურდეს საჩხერის მუნიციპალიტეტის ფარგლებს გარეთ ორგანიზებულ სპორტულ ღონისძიებებში მონაწილეობისათვის.

რეგიონულ და რესპუბლიკურ  სასპორტო ღონისძიებებში მონაწილე სპორტსმენთა კვების დღიური ნორმა განისაზღვროს 15 (თხუთმეტი) ლარით, მათ შორის :

1.    საუზმე  - 4 (ოთხი) ლარი;

2. სადილი - 7 (შვიდი) ლარი;

3. ვახშამი - 4 (ოთხი) ლარი.

 წინამდებარე  დანართით განსაზღვრულ ღონისძიებებში სპორტსმენების კვებისათვის გამოყოფილი თანხის  ხარჯვაზე პასუხისმგებელი პირი ვალდებულია ა(ა)იპ ,,საჩხერის სასპორტო სკოლის“ ბუღალტერიაში (ან შესაბამის, ფინანსურ ოპერაციებზე და აღრიცხვაზე პასუხისმგებელ სტრუქტურაში) წარმოადგინოს ხარჯვის დამადასტურებელი სათანადო დოკუმენტაცია, არაუგვიანეს ღონისძიების დასრულებიდან 5 კალენდარული დღისა.