„ხონის მუნიციპალიტეტის საკრებულოს დებულების (რეგლამენტის) დამტკიცების შესახებ“ ხონის მუნიციპალიტეტის საკრებულოს 2014 წლის 14 ივლისის №13 დადგენილებაში ცვლილების შეტანის შესახებ

1.   XVI  თავის 120-ე  მუხლი ჩამოყალიბდეს შემდეგი რედაქციით :

მუხლი 120. პეტიციის ცნება

1. პეტიცია წარმოადგენს მუნიციპალიტეტის საკრებულოსთვის მუნიციპალიტეტის ტერიტორიაზე რეგისტრირებულ მოქალაქეთა ან ელექტრონულ მიმართვას.

2. პეტიციის  სახით შეიძლება წარმოდგენილ იქნეს:

ა) ნორმატიული ადმინისტრაციულ- სამართლებრივი აქტის პროექტი;

ბ) მოსამზადებელი ნორმატიული ადმინისტრაციულ - სამართლებრივი აქტის პროექტის ძირითადი პრინციპები ან კონკრეტული წინადადებები;

გ) მუნიციპალიტეტისათვის ან/და დასახელებისთვის საერთო მნიშვნელობის პრობლემებიდან გამომდინარე საკითხების მუნიციპალიტეტის საკრებულოს სხდომაზე შესწავლის, განხილვისა და გადაწყვეტის მოთხოვნა.

3.  პეტიცია იწერება და შეიტანება მუნიციპალიტეტის საკრებულოს თავმჯდომარის სახელზე.

2 .  XVI    თავს  დაემატოს  120¹-120⁸ მუხლები.

მუხლი 120^1. პეტიციის წარდგენის უფლება

პეტიციის წარდგენის უფლება აქვთ შემდეგ სუბიექტებს:

ა) მუნიციპალიტეტის ტერიტორიაზე რეგისტრირებულ ამომრჩეველთა არანაკლებ 1%-ს იმ მუნიციპალიტეტებში, სადაც ამომრჩეველთა რაოდენობა 100 000-ზე ნაკლებია;

ბ) მუნიციპალიტეტის ტერიტორიაზე რეგისტრირებულ ამომრჩეველთა არანაკლებ 1000 ამომრჩეველს, იმ მუნიციპალიტეტში სადაც ამომრჩეველთა რაოდენობა 100  000-ზე მეტია

გ) დასახელების საერთო  კრებას  (შემდგომ-საერთო კრება)

მუხლი 120². პეტიციის განხილვის თაობაზე განცხადების რეკვიზიტები“

1. მუნიციპალიტეტის ტერიტორიაზე რეგისტრირებულ ამომრჩეველთა მიერ წარმოდგენილი პეტიციის განხილვის თაობაზე განცხადება უნდა შეიცავდეს;

ა) შესაბამისი განცხადების ტექსტს;

ბ) პეტიციის განხილვის თაობაზე  განცხადების წარმდგენი სუბიექტის მომხსენებლის/მომხსენებლის   (არაუმეტეს 3 პირის) სახელს, გვარს, მისამართს, საკონტაქტო ტელეფონის ნომერს (არსებობის შემთხვევაში) და საქართველოს მოქალაქის პირადობის დამადასტურებელი დოკუმენტის ასლს;

გ) პეტიციის წარდგენის თარიღს,

დ) ნორმატიული  ადმინისტრაციულ-სამართლებრივი აქტის პროექტს, 120-ე მუხლის მე-2  პუნქტის „ა“ ქვეპუნქტით გათვალისწინებულ შემთხვევაში;

ე) მოსამზადებელი ადმინისტრაციული-სამართლებრივი აქტის პროექტს ძირითად  პრინციპებს ან კონკრეტულ წინადადებებს, 120 -ე  მუხლის მე-2 პუნქტის „ბ“ ქვეპუნქტით გათვალისწინებულ შემთხვევაში;

ვ) კონკრეტულად ჩამოყალიბებულ მოთხოვნას და შესაბამის დასაბუთებას, 120-ე  მუხლის მე-2 პუნქტის „გ“ ქვეპუნქტით გათვალისწინებულ შემთხვევაში.

2. 120¹  მუხლის პირველი პუნქტის „ა“ და „ბ“ ქვეპუნქტით გათვალისწინებულ შემთხვევაში-მუნიციპალიტეტის ტერიტორიაზე რეგისტრირებული პეტიციის წარმდგენი ამომრჩევლების სიას, რომელიც უნდა შეიცავდეს შესაბამის მუნიციპალიტეტის ტერიტორიაზე რეგისტრირებულ ამომრჩეველთა სახელს, გვარს, დაბადების თარიღს, (დღე, თვე, წელი) საქართველოს მოქალაქის პირად ნომერს, რეგისტრაციის ადგილს  და ხელმოწერას.

3. საერთო კრების მიერ წარმოდგენილი პეტიციის განხილვის თაობაზე განცხადება უნდა შეიცავდეს;

ა) შესაბამისი განცხადების ტექსტს;

ბ) პეტიციიის წარდგენის თარიღს

გ) დასახელების საერთო კრების რჩეულის (შემდგომში- რჩეული) ან საერთო კრების უფლებამოსილი პირის ხელმოწერას;

დ) ნორმატიული ადმინისტრაციული-სამართლებრივი აქტის პროექტს, 120-ე მუხლის მე-2 პუნქტის „ა“ ქვეპუნქტით გათვალისწინებულ შემთხვევაში;

ე) მოსამზადებელი ნორმატიული ადმინისტრაციულ- სამართლებრივი აქტის პროექტის ძირითად   პრინციპებს ან კონკრეტულ წინადადებებს , 120 -ე  მუხლის მე-2 პუნქტის  „ბ“ ქვეპუნქტის გათვალისწინებულ შემთხვევაში.

ვ) კონკრეტულად ჩამოყალიბებულ მოთხოვნას შესაბამის დასაბუთებას, 120 - ე მუხლის მე-2 პუნქტის  „გ“ ქვეპუნქტით გათვალისწინებულ შემთხვევაში.

მუხლი 120^3.  პეტიციის განხილვის თაობაზე განცხადების წარდგენის პროცედურა

1.  მუნიციპალიტეტის ტერიტორიაზე რეგისტრირებული ამომრჩევლები ან საერთო კრების უფლებამოსილი პირი,  ამ თავით განსაზღვრულ საკითხებზე , პეტიციის განხილვის თაობაზე განცხადებას თანდართულ მასალებთან ერთად წარადგენს  მუნიციპალიტეტის საკრებულოში. პეტიციის განხილვის თაობაზე განცხადებას არეგისტრირებს მუნიციპალიტეტის საკრებულოს აპარატი.

2. 120¹ მუხლის პირველი პუნქტის  „ა“ და „ბ“ ქვეპუნქტებით განსაზღვრულ შემთხვევაში პეტიციის განხილვის თაობაზე განცხადების წარდგენისას.

ა) მუნიციპალიტეტის საკრებულოს აპარატი პეტიციის წარდგენიდან 3 სამუშაო დღის ვადაში პეტიციის წარმდგენი სუბიექტის მომხსენებელს/მომხსენებლებს  გადასცემს პეტიციის  განხილვის თაობაზე განცხადების  რეგისტრაციის მოწმობას. რეგისტრაციაში გატარებაზე  უარი დასაშვებია, თუ დარღვეულია ამ თავით დადგენილი მოთხოვნები ან/და პეტიციით გათვალისწინებული საკითხის გადაწყვეტა  არ განეკუთვნება მუნიციპალიტეტის  უფლებამოსილებას;

ბ) მუნიციპალიტეტის საკრებულოს  აპარატი პეტიციის განხილვის თაობაზე განცხადების წარმდგენ სუბიექტს გადასცემს მხარდამჭერთა სიის ბლანკებს რომლის ფორმასაც ბრძანებთ ამტკიცებს საკრებულოს თავმჯდომარე,  იგი უნდა შეიცავდეს მხარდამჭერის სახელის და გვარის, დაბადების თარიღის (რიცხვი, თვე, წელი), საქართველოს მოქალაქის პირადობის მოწმობის (პასპორტის) ნომრის, რეგისტრაციის ადგილის, ხელმოწერის თარიღის რეკვიზიტებს  და ხელმოწერას;

გ) მუნიციპალიტეტის საკრებულოს აპარატის მიერ გაცემულ თითოეულ ბლანკზე  მითითებული უნდა იყოს ხელმოწერების შეგროვებაზე  პასუხისმგებელი პირის (მომხსენებლის/მომხსენებლების) სახელი, გვარი, დაბადების თარიღი, პირადობის  მოწმობის (პასპორტის) ნომერი, რეგისტრაციის ადგილი ( პირადობის მოწმობის მიხედვით), ხელმოწერით დადასტურების თარიღი და ხელმოწერა და შესაბამისი საკონტაქტო ინფორმაცია;

დ) მუნიციპალიტეტის საკრებულოს აპარატის მიერ გაცემული ბლანკი დამოწმებული უნდა იყოს აპარატის უფლებამოსილი თანამშრომლის მიერ და თითოეულ ბლანკზე შესაძლებელია არაუმეტეს  50 ხელმოწერის  განხორციელება;

ე) პეტიციის განხილვის თაობაზე განცხადების წარმდგენი  სუბიექტი ვალდებულია მუნიციპალიტეტის საკრებულოს მიერ გაცემული რეგისტრაციის მოწმობის და შესაბამისი ბლანკების  გადაცემიდან 45 სამუშაო დღის ვადაში უზრუნველყოს  მუნიციპალიტეტის ტერიტორიაზე რეგისტრირებული  ამომრჩევლების  120¹    მუხლის  პირველი პუნქტის  „ა-ბ“ ქვეპუნქტებით დადგენილი ოდენობით  ხელმოწერათა  შეგროვება და მუნიციპალიტეტის საკრებულოსთვის წარდგენა;

ვ) პეტიციის განხილვის თაობაზე განცხადების წარმდგენი სუბიექტის  მიერ მუნიციპალიტეტის საკრებულოში შესაბამისი ოდენობის ხელმოწერათა წარდგენის შემდეგ, საკრებულოს აპარატის უფლებამოსილი პირი რეგისტრაციაში ატარებს  პეტიციას და 7 კალენდარული დღის ვადაში, შემთხვევითი შერჩევის  საფუძველზე, ამოწმებს  წარმდგენი  სიის  20%-ის ნამდვილობას;

ზ) ხელმოწერა  ბათილად მიიჩნევა , თუ;

ზ.ა) მითითებული არ არის ან არასრულად არის მითითებული სახელი და გვარი;

ზ.ბ) მითითებული არ არის ან არასრულად არის მითითებული დაბადების თარიღი (რიცხვი, თვე, წელი);

ზ.გ) მითითებული არ არის ან არასრულად არის მითითებული რეგისტრაციის ადგილი (დასახლებული პუნქტი, ქუჩა, სახლისა და ბინის ნომრები);

ზ.დ) ხელმოწერის თარიღი მითითებული არ არის ან არ ემთხვევა ამ კანონით განსაზღვრულ ამომრჩეველთა სიის შედგენის ვადას;

ზ,ე) არ არის ხელმოწერილი ან ხელმოწერა შესრულებულია სხვა პირის მიერ და ამას წერილობით ადასტურებს ამომრჩეველი, რომლის ნაცვლადაც შესრულებულია ხელმოწერა;

ზ.ვ) ამომრჩეველთა სიაში შეყვანილია სხვა დასახლებაში რეგისტრირებული ამომრჩეველი;

ზ.ზ) ხელმომწერი პირი წარდგენილი განცხადებით  ადასტურებს, რომ ხელმოწერა შესრულებული იყო მოტყუებით, მუქარით ან ძალდატანებით;

ზ.თ) არასრულად ან არასწორად არის მითითებული საქართველოს მოქალაქის პირადი ნომერი;

ზ.ი) ხელმოწერა შესრულებულია იმ ფურცელზე,  რომელიც  არ შეესაბამება ამომრჩეველთა დადგენილ და დამოწმებულ ფორმას.

თ) თუ ამომრჩეველთა ხელმოწერის რაოდენობა აღმოჩნდა  დადგენილ მინიმალურ ოდენობაზე ნაკლები, ან შემოწმების შედეგად გაბათილებული ხელმოწერების გათვალისწინებით, ამომრჩეველთა ხელმოწერის რაოდენობა 10%-ზე ნაკლები აღმოჩნდა, ამომრჩეველთა სიის გაბათილებული ნაწილი უბრუნდება საინიციატივო ჯგუფს და ეძლევა 10 კალენდარული დღის ვადა ხარვეზების შესავსებად.

ი) ამ მუხლის „თ“ ქვეპუნქტით გათვალისწინებული ამომრჩეველთა სიის შესწორებულ ნაწილს კვლავ ამოწმებს მუნიციპალიტეტის საკრებულოს აპარატის უფლებამოსილი პირი ზემოაღნიშნული წესით, 5 კალენდარული დღის  ვადაში, თუ  ამომრჩეველთა ხელმოწერების რაოდენობა კვლავ დადგენილ  მინიმალურ ოდენობაზე ნაკლები აღმოჩნდა, ამამრჩეველთა სია მთლიანად ბათილდება და პეტიციის განხილვის თაობაზე განცხადების წარმდგენ სუბიქტს მუნიციპალიტეტის საკრებულოს თავმჯდომარის განკარგულებით უარი ეთქმება წარდგენის შესახებ განცხადების რეგისტრაციაზე.

3.პეტიციის წარმდგენი სუბიექტის მომხსენებელს/მომხსენებლებს უფლება აქვს/აქვთ, რეგისტრაციაში გატარებაზე მუნიციპალიტეტის  საკრებულოს თავმჯდომარის უარი საქართველოს კანონმდებლობის შესაბამისად გაასაჩივროს/გაასაჩივრონ სასამართლოში.

4. ამ მუხლის მე-2 პუნქტის მოთხოვნები არ იცვლება  120¹  მუხლის პირველი პუნქტის „გ“  ქვეპუნქტის შემთხვევაში და საკრებულოს აპარატის უფლებამოსილი პირი მხოლოდ საერთო კრების ოქმის ნამდვილობას ამოწმებს.

მუხლი 120^4. პეტიციის გამოქვეყნება

1. საკრებულოს აპარატი უზრუნველყოფს პეტიციის წესით გამოქვეყნებას პროაქტიულად, როგორც ელექტრონული ასევე ბეჭდური ფორმით, მისი რეგისტრაციიდან 10 დღის ვადაში.

2. პეტიცია ქვეყნდება ბეჭდური ფორმით მუნიციპალიტეტის ადმინისტრაციულ შენობაში გამოყოფილ განცხადებების  დაფაზე და დასახელებებში კანონმდებლობით დადგენილი წესით.

3. ელექტრონული ფორმით პეტიცია ქვეყნდება მუნიციპალიტეტის საკრებულოს ოფიციალურ ვებ-გვერდის მეშვეობით ან/ და მის მართვაში არსებულ სხვა ელექტრონული რესურსების გამოყენებით (ასეთის არსებობის შემთხვევაში)

  მუხლი. 120⁵. პეტიციის განხილვისთვის მომზადება

1. 120-ე მუხლის მე-2  პუნქტის „ა“ ქვეპუნქტით გათვალისწინებულ პეტიციას მუნიციპალიტეტის საკრებულო განიხილავს და შესაბამის გადაწყვეტილებას  იღებს მუნიციპალიტეტის საკრებულოს დადგენილების მიღებისთვის საქართველოს ორგანული კანონის“ ადგილობრივი თვითმმართველობის კოდექსის“ და მუნიციპალიტეტის საკრებულოს რეგლამენტით დადგენილი წესით.

2. 120-ე  მუხლის მე-2 „ა“ პუნქტების „ბ“ და  „გ“ ქვეპუნქტებით გათვალისწინებული პეტიციის წარდგენის შემთხვევაში, საკრებულოს ბიუროს გადაწყვეტილებით, პეტიციის განხილვის თაობაზე  განცხადების რეგისტრაციიდან 7 კალენდარული წლის ვადაში, პეტიცია  შესასწავლად გადაეცემა მუნიციპალიტეტის საკრებულოს შესაბამის   კომისიას ან მუნიციპალიტეტის საკრებულოს, მუნიციპალიტეტის საკრებულოს სამუშაო   ჯგუფის შექმნის წინადადებით, ან აღნიშნული პეტიცია უფლებამოსილების შესაბამისად, განსახილველად ეგზავნება მუნიციპალიტეტის გამგებელს მერს.

მუხლი.120^6. პეტიციის განხილვასთან დაკავშირებით  გადაწყვეტილების მიღება

1. მუნიციპალიტეტის საკრებულოს კომისია ან სამუშაო ჯგუფი პეტიციას120 ⁵   მუხლის მე-2 პუნქტით განსაზღვრული წესით, მიღებიდან 15 დღის ვადაში იხილვას და იღებს ერთ-ერთ შემდეგ გადაწყვეტილებას:

ა)  პეტიციის შესაბამისად, მუნიციპალიტეტის საკრებულოს რეგლამენტის პროექტის მომზადების მიზანშეწონილად მიჩნევის თაობაზე;

ბ) 120 -ე მუხლის მე-2 პუნქტის  „გ“ პუნქტით გათვალისწინებული პეტიციის   შესწავლისა  და მუნიციპალიტეტის საკრებულოს სხდომისთვის  განსახილველად  წარმოდგენის თაობაზე;

გ) პეტიციის განხილვის  მიზანშეუწონლად მიჩნევის თაობაზე.

2. მუნიციპალიტეტის გამგებლისთვის/მერისთვის პეტიციის გაგზავნის შემთხვევაში, საკრებულო უფლებამოსილია მუნიციპალიტეტის  გამგებელს/მერს მოსთხოვოს  პეტიციის განხილვის შედეგების შესახებ ანგარიშის ან/და პეტიციის შესახებ დამატებით ინფორმაციის მუნიციპალიტეტის საკრებულოს სხდომაზე პირადად წარდგენა.

3. 120-ე  მუხლის და  ამ მუხლის   პირველი პუნქტით  გათვალისწინებული  გადაწყვერტილებები მიღებიდან  5 დღის ვადაში უნდა ეცნობოს პეტიციის განხილვის თაობაზე განცხადების წარმდგენ  სუბიექტს.

4. პეტიციის ინიციატორებს მუნიციპალიტეტის საკრებულოს/საკრებულოს კომისიის /სამუშაო ჯგუფის სხდომაზე გამართვის თარიღი, დრო და მდგომარეობა 1 კვირით ადრე მაინც უნდა ეცნობოთ.

მუხლი 120^7. პეტიციის განხილვა

1. მე-7 მუხლის პირველი პუნქტის „ა“ ქვეპუნქტით გათვალისწინებული გადაწყვეტილებების მიღების შემთხვევაში, 1 თვის ვადაში, საკრებულოს სხდომას განსახილველად წარედგინება შესაბამისი ნორმატიული ადმინისტრაციული-სამართლებრივი აქტის პროექტი, რომელსაც საკრებულო განიხილავს საქართველოს ორგანული კანონის „ადგილობრივი თვითმმართველობის კოდექსი და საკრებულოს რეგლამენტით დადგენილი წესით.

2.  მე-7 მუხლის პირველი პუნქტის „ა“ ქვეპუნქტით გათვალისწინებული გადაწყვეტილებების მიღების შემთხვევაში, გადაწყვეტილების მიღებიდან 1 თვის ვადაში მზადდება პეტიციის შესახებ დასკვნა და პეტიცია დასკვნასთან ერთად  განსახილველად წარედგინება მუნიციპალიტეტის საკრებულოს სხდომას, საკრებულო პეტიციასთან დაკავშირებით შესაბამის გადაწყვეტილებას იღებს 1 თვის ვადაში.

3.  მე-7 მუხლის პირველი პუნქტის „ბ“ ქვეპუნქტით გათვალისწინებული გადაწყვეტილებების მიღების შემთხვევაში, აღნიშნული გადაწყვეტილება მიღებიდან 15  კალენდარული დღის ვადაში წარედგინება მუნიციპალიტეტის საკრებულოს, რასაც იგი ცნობად იღებს ან არ ეთანხმება შესაბამისი კომისიის/სამუშაო ჯგუფის გადაწყვეტილებას და იღებს განსხვავებულ გადაწყვეტილებას.

4. ამ მუხლის და მე-3 პუნქტებით განსაზღვრული ვადები მუნიციპალიტეტის საკრებულოს გადაწყვეტილებით შეიძლება 1 თვით გაგრძელდეს.

5. მუნიციპალიტეტის გამგებელი/მერი ვალდებულია განიხილოს მუნიციპალიტეტის საკრებულოს ბიუროს მიერ, უფლებამოსილების შესაბამისად გაგზავნილი პეტიცია და განხილვის შედეგების შესახებ აცნობოს მუნიციპალიტეტის საკრებულოს და პეტიციის წარმდგენ სუბიექტს, პეტიციის განსახილველად მიღებიდან 1 თვის ვადაში, ეს ვადა მუნიციპალიტეტის საკრებულოს ბიუროს  თანხმობით შეიძლება 1 თვით გაგრძელდეს.

6. მუნიციპალიტეტის საკრებულო/საკრებულოს კომისიის/სამუშაო ჯგუფის სხდომაზე პეტიციას წარადგენს/წარადგენენ და მუნიციპალიტეტის საკრებულოს/საკრებულოს კომისიის/სამუშაო ჯგუფის სხდომაში სათათბირო ხმის უფლებით მონაწილეობს/მონაწილეობენ პეტიციის წარმდგენი სუბიექტის მომხსენებელი/მომხსენებლები, საქართველოს ორგანული კანონის ადგილობრივი თვითმმართველობის კოდექსი“ 87-ე მუხლის მე-4 პუნქტის შესაბამისად.

7. ამ მუხლის მე-5 პუნქტით გათვალისწინებულ შემთხვევაში მუნიციპალიტეტის საკრებულო უფლებამოსილია მუნიციპალიტეტის გამგებელს/მერს მოსთხოვოს  პეტიციის განხილვის შედეგების შესახებ ანგარიშის ან/და პეტიციის შესახებ დამატებითი ინფორმაციის მუნიციპალიტეტის საკრებულოს სხდომაზე პირადად წარდგენა.

მუხლი120^8. პეტიციასთან დაკავშირებით გადაწყვეტილების მიღება

1. პეტიციის განხილვის შემდეგ მუნიციპალიტეტის საკრებულო შესაბამის გადაწყვეტილებას მიღებიდან 10 დღის ვადაში აცნობებს პეტიციის განხილვასთან დაკავშირებულ განცხადების წარმდგენ სუბიექტს, გარდა ამ მუხლის მე-2 პუნქტით  გათვალისწინებული შემთხვევისა.

2. თუ პეტიცია საერთო კრების მიერ არის წარმოდგენილი, პეტიციის განხილვის შედეგების შესახებ ინფორმაცია მუნიციპალიტეტის ორგანოების შესაბამისმა მოსამსახურეებმა საერთო კრებას  უნდა წარუდგინონ უშუალოდ-შესაბამისი გადაწყვეტილების მიღებიდან 1 თვის ვადაში ან/და უნდა წარუდგინონ საერთო კრების რჩეულს შესაბამისი გადაწყვეტილების მიღებიდან 10 დღის ვადაში.