საქართველოს სპორტისა და ახალგაზრდობის საქმეთა სამინისტროსათვის საქართველოს რეგიონებში განსახორციელებელი პროექტების ფონდიდან თანხის გამოყოფის შესახებ

საქართველოს მთავრობის

განკარგულება №2825

2015 წლის 30 დეკემბერი

ქ. თბილისი

საქართველოს სპორტისა და ახალგაზრდობის საქმეთა სამინისტროსათვის საქართველოს რეგიონებში  განსახორციელებელი პროექტების ფონდიდან თანხის გამოყოფის   შესახებ 

საქართველოს მთავრობის 2015 წლის 6 ნოემბრის №564 დადგენილებით დამტკიცებული „საქართველოში სპორტული ინფრასტრუქტურის განვითარების სახელმწიფო მიზნობრივი პროგრამის“ ფარგლებში, ქვეყნის მასშტაბით, სხვადასხვა სპორტული ობიექტების მოწყობისა და აღდგენა-რეაბილიტაციისათვის საჭირო ხარჯების დაფინანსების მიზნით,  საქართველოს ფინანსთა სამინისტრომ, „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან, საქართველოს სპორტისა და ახალგაზრდობის საქმეთა სამინისტროს გამოუყოს 2 000 000 (ორი მილიონი) ლარი, სახელმწიფოს 100%  წილობრივი მონაწილეობით შექმნილი საწარმოს შპს „სპორტმშენსერვისის“ კაპიტალის  გაზრდის  მიზნით.

პრემიერ-მინისტრი                                                               გიორგი კვირიკაშვილი