„დუშეთის მუნიციპალიტეტის 2015 წლის ბიუჯეტის დამტკიცების შესახებ“ დუშეთის მუნიციპალიტეტის საკრებულოს 2014 წლის 25 დეკემბრის N41 დადგენილებაში ცვლილების შეტანის თაობაზე

„თავი I

დუშეთის მუნიციპალიტეტის ბიუჯეტი

„მუხლი 1.  დუშეთის მუნიციპალიტეტის ბიუჯეტის ბალანსი

განისაზღვროს მუნიციპალიტეტის ბიუჯეტის ბალანსი თანდართული რედაქციით:

„მუხლი 2. დუშეთის მუნიციპალიტეტის ბიუჯეტის შემოსულობები, გადასახდელები და ნაშთის ცვლილება

 განისაზღვროს მუნიციპალიტეტის ბიუჯეტის შემოსულობები, გადასახდელები და ნაშთის ცვლილება თანდართული რედაქციით:

„მუხლი 3. დუშეთის მუნიციპალიტეტის ბიუჯეტის შემოსავლები

განისაზღვროს მუნიციპალიტეტის ბიუჯეტის შემოსავლები 11 530,2 ათასი ლარის ოდენობით:

 „მუხლი 4. მუნიციპალიტეტის ბიუჯეტის გადასახადები

განისაზღვროს მუნიციპალიტეტის ბიუჯეტის გადასახადები 1 750,0 ათასი ლარის ოდენობით:

„მუხლი 5. მუნიციპალიტეტის ბიუჯეტის გრანტები

განისაზღვროს მუნიციპალიტეტის ბიუჯეტის გრანტები  9 167,5 ათასი ლარის ოდენობით :

„მუხლი 6. მუნიციპალიტეტის ბიუჯეტის სხვა შემოსავლები

განისაზღვროს მუნიციპალიტეტის ბიუჯეტის სხვა შემოსავლები 612,7 ათასი ლარის ოდენობით:

„მუხლი 7. მუნიციპალიტეტის ბიუჯეტის ხარჯები

განისაზღვროს მუნიციპალიტეტის ბიუჯეტის ხარჯები 6 520,9 ათასი ლარის ოდენობით, თანდართული რედაქციით:

    „მუხლი 8. მუნიციპალიტეტის ბიუჯეტის არაფინანსური აქტივების ცვლილება

 განისაზღვროს მუნიციპალიტეტის ბიუჯეტის არაფინანსური აქტივების ცვლილება

9 752,8 ათასი ლარის ოდენობით, მათ შორის:

   ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 9 857,8 ათასი ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 105.0 ათასი ლარის ოდენობით.

„მუხლი 9. მუნიციპალიტეტის ბიუჯეტის ხარჯებისა და არაფინანსური  აქტივების ზრდის ფუნქციონალური კლასიფიკაცია

განისაზღვროს მუნიციპალიტეტის ბიუჯეტის ხარჯებისა და არაფინანსური აქტივების ზრდა ფუნქციონალურ ჭრილში, თანდართული რედაქციით:

„მუხლი 10. მუნიციპალიტეტის ბიუჯეტის მთლიანი სალდო

განისაზღვროს მუნიციპალიტეტის ბიუჯეტის მთლიანი სალდო (-4,743.5) ათასი ლარის ოდენობით.“

„მუხლი 11. მუნიციპალიტეტის ბიუჯეტის ფინანსური აქტივების ცვლილება

1. განისაზღვროსმუნიციპალიტეტის ბიუჯეტის ფინანსური აქტივების ცვლილება (- 4 989,6) ათასი ლარის ოდენობით:

„მუხლი 12. მუნიციპალიტეტის ბიუჯეტის ვალდებულებების ცვლილება

1. განისაზღვროს მუნიციპალიტეტის ბიუჯეტის ვალდებულებების ცვლილება (-246.1)  ათასი ლარის ოდენობით.

„მუხლი 13. მუნიციპალიტეტის ბიუჯეტის სარეზერვო ფონდი

მუნიციპალიტეტის ბიუჯეტით გაუთვალისწინებელი გადასახდელების დაფინანსების მიზნით, დუშეთის მუნიციპალიტეტის ბიუჯეტში შეიქმნას სარეზერვო ფონდი 16,9 ათასი ლარის ოდენობით და მისი განკარგვა განხორციელდეს მუნიციპალიტეტის გამგებლის ბრძანების შესაბამისად.

„მუხლი 14. სახელმწიფო ბიუჯეტიდან მიღებული მიზნობრივი ტრანსფერი

1. დელეგირებული უფლებამოსილებების განსახორციელებლად სახელმწიფო ბიუჯეტიდან მიღებული მიზნობრივი ტრანსფერი, 110,0 ათასი ლარი მიიმართოს:

ა) „საზოგადოებრივი ჯანმრთელობის შესახებ“ საქართველოს კანონით განსაზღვრული უფლებამოსილების განხორციელებისათვის 42,0 ათასი ლარი;

ბ) „სამხედრო ვალდებულებისა და სამხედრო სამსახურის შესახებ“ და „სამხედრო სარეზერვო სამსახურის შესახებ“ საქართველოს კანონებით განსაზღვრული უფლებამოსილების განხორციელებისათვის 50,3 ათასი ლარი;

გ) „სამშობლოს დაცვისას დაღუპულთა და ომის შემდეგ გარდაცვლილ მეომართა ხსოვნის უკვდავყოფის შესახებ“ საქართველოს კანონით განსაზღვრული უფლებამოსილების განხორციელებისათვის 4,0  ათასი ლარი.

დ) იძულებით გადაადგილებულ პირთა − დევნილთა შესახებ “ საქართველოს კანონით განსაზღვრული უფლებამოსილების განხორციელებისათვის 13,7  ათასი ლარი

2.საქართველოს საბიუჯეტო კოდექსის 69-ე მუხლის საფუძველზე, წლის განმავლობაში შესაძლებელია დელეგირებული უფლებამოსილებების განსახორციელებლად გამოყოფილი მიზნობრივი ტრანსფერის, ამ მუხლის პირველი პუნქტით განსაზღვრულ ღონისძიებებს შორის ურთიერთგადანაწილება.

მუხლი 15. მოსახლეობის სოციალური უზრუნველყოფა

მოსახლეობის სოციალური უზრუნველყოფის პროგრამისათვის გამოყოფილი ასიგნებების განკარგვა განხორციელდეს მუნიციპალიტეტის საკრებულოს მიერ დადგენილი წესის და საქართველოს კანონმდებლობის შესაბამისად.

თავი II

დუშეთის მუნიციპალიტეტის ბიუჯეტის პრიორიტრეტები და პროგრამები

მუხლი 16. ბიუჯეტის პრიორიტეტები და პროგრამები

1.თავდაცვა, საზოგადოებრივი წესრიგი და უსაფრთხოება (პროგრამული კოდი 02 00)

სტიქიური მოვლენების, უბედური შემთხვევების და სხვა საგანგებო სიტუაციების შემთხვევაში მოსახლეობის დახმარების გასაწევად სულ უფრო დიდ მნიშვნელობას იძენს სახანძრო-სამაშველო სამსახურის ოპერატიული მოქმედება, მათი მზადყოფნა დროული და სათანადო დახმარების აღმოსაჩენად; აუცილებელია პერსონალის სახანძრო და სამაშველო ტექნიკური ინვენტარით უზრუნველყოფა; პერსონალისათვის სათანადო ხარისხის ინდივიდუალური და ჯგუფური წვრთნების ჩატარება და პროფესიული დონის ამაღლება.

ქვეყნის თავდაცვისუნარიანობის ხარისხის ამაღლების ხელშეწყობის მიზნით ქ. დუშეთში ხორციელდება მოსწავლეთა პირველადი აღრიცხვა, წვევამდელთა გაწვევის პუნქტებამდე ტრანსპორტირება, ასევე სარეზერვო ძალების მობილიზება.

1.1 საგანგებო სიტუაციების მართვა (პროგრამული კოდი 02 01)

ხანძრისა და სტიქიური უბედურების შემთხვევების დროს მოსახლეობისა და მათი ქონების დასაცავად ადგილზე დროული მისვლა და  კვალიფიციური დახმარების აღმოჩენა; საგანგებო სიტუაციებით გამოწვეული ზარალის სალიკვიდაციო სამუშაოების განხორციელება.

1.2 ქვეყნის თავდაცვისუნარიანობის ამაღლების ხელშეწყობა (პროგრამული კოდი 02 02)

ქვეყნის თავდაცვისუნარიანობის ხარისხის ამაღლების ხელშეწყობის მიზნით  ქ. დუშეთში ხორციელდება მოსწავლეთა პირველადი აღრიცხვა, წვევამდელთა გაწვევის პუნქტებამდე ტრანსპორტირება. ასევე სარეზერვო ძალების მობილიზება.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

დუშეთის მუნიციპალიტეტის ეკონომიკური განვითარებისათვის აუცილებელი პირობაა  მუნიციპალური ინფრასტრუქტურის შემდგომი გაუმჯობესება და აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება საგზაო ინფრასტრუქტურის მშენებლობა-რეაბილიტაცია, კომუნალური ინფრასტრუქტურის მშენებლობა-რეაბილიტაცია და ექსპლოატაცია, კეთილმოწყობის სამუშაოები. მუნიციპალური ინფრასტრუქტურის  მშენებლობისა და რეაბილიტაციის გარდა, პრიორიტეტის ფარგლებში დაფინანსდება არსებული ინფრასტრუქტურის მოვლა-შენახვა და  მის ექსპლოატაციასთან დაკავშირებული ხარჯები.

2.1 საგზაო ინფრასტრუქტურის მშენებლობა-რეაბილიტაცია და მოვლა-შენახვა (პროგრამული კოდი 03 01)

მუნიციპალიტეტში სატვირთო და სამგზავრო გადაზიდვების დიდი ნაწილი ავტოტრანსპორტზე მოდის, ამიტომ საგზაო ინფრასტრუქტურის განვითარების ერთ–ერთ მნიშვნელოვან მიმართულებას წარმოადგენს საავტომობილო გზების, ხიდების  და ბოგირების მშენებლობის აუცილებლობა. მნიშვნელოვანია საკურორტო ცენტრებთან, ისტორიულ და კულტურულ ძეგლებთან მისასვლელი გზების რეკონსტრუქცია და მოდერნიზება. ზამთარში დიდთოვლობის დროს მაღალმთიან სოფლებში ტრანსპორტის უსაფრთხო გადაადგილებისათვის აუცილებელია თოვლის საფარისაგან გზების გაწმენდა. ასევე მნიშვნელოვანია საჰაერო ტრანსპორტი მაღალმთიანი სოფლებისათვის, სადაც დიდ თოვლობის დროს ავტოტრანსპორტით მისვლა შეუძლებელია. საჰაერო ტრანსპორტი ამ დროს იძენს სასიცოცხლო მნიშვნელობას მაღალმთიანი სოფლებისთვის.

2.1.1 გზების მშენებლობის, რეკონსტრუქციისა და მოვლა-შენახვის ხარჯები (პროგრამული კოდი 03 01 01)

ქვეპროგრამის ფარგლებში მიმდინარე წელს დაგეგმილია:  მთავარელიანთ დასახლებაში შიდა გზების შეკეთება, სანიაღვრე არხის რეკონსტრუქცია, სისწრაფის შემზღუდველების მოწყობა, სოფ. ხეობაში მისასვლელი გზის შეკეთება, კარიაულების დასახლებაში შიდა გზების შეკეთება, კობიაანთკარის დასახლებაში ე.წ. „თამარ მეფის" წყაროს უკან და ე.წ. "ბაღის წყლის" მიმდებარე ტერიტორიასთან ასასვლელი დაზიანებული  გზების შეკეთება, ქ.დუშეთში, სააკაძის და მწითურის ქუჩების დამცავი ბეტონის ბორდიურის მოწყობა, ქალაქ დუშეთის ქუჩების მოასფალტება, სოფ. ახატანი-ბიწმენდის საავტომობილო გზის მოასფალტება, ოშპიტელი-გუდამაყრის საავტომობილო გზაზე ხიდის მოწყობა, ფასანაურის ადმინისტრაციულ ერთეულში – ბანცურ-ცხვედიეთის საცალფეხო დაკიდული ხიდის რეაბილიტაცია, ჭონქაძის ადმინისტრაციულ ერთეულში – სოფ. მეზვიაანთკარის ხიდის შეკეთება, ჭართლის ადმინისტრაციულ ერთეულში  – სოფ. დოლასქედის საცალფეხო ხიდის რეაბილიტაცია, ჭოპორტის ადმინისტრაციულ ერთეულში, სოფ. ზემო ბულაჩაურში ე.წ. „ხიმშიაანთ უბანში“ მისასვლელი გზის რეაბილიტაცია, შატილის ადმინისტრაციულ ერთეულში, არდოტიდან -ხახაბო ორწყლამდე, კისტანიდან-გიორგიწმინდამდე და შატილი-ხონისჭალის დაზიანებული გზის მონაკვეთების რეაბილიტაცია.

ქვეპროგრამის ფარგლებში გაგრძელდება 2014 წელს დაწყებული პროექტები: სოფ. ჭოპორტში მთ. საავტომობილო გზის დარჩენილი მონაკვეთების მოასფალტება, სოფ. ბაგაში მისასვლელი მთ. გზის მოასფალტება, იოსელიანის ქუჩის მეორე. შეს. მოასფალტება და ანაკრები სანიაღვრე არხის მოწყობა, რაზიკაშვილის ქუჩის და მოედნის (ბაზრის უკან) მოასფალტება, სოფ. ჩარგალში ტაძართან, სასაფლაოს გზაზე ხიდის მოწყობა, შატილის ადმინისტრაციულ ერთეულში სოფ. არდოტში ,ანდაქში და არჭილოში  დაზიანებული საცალფეხო ხიდების აღსადგენად საჭირო მასალების შესყიდვა.

2.1.2 საჰაერო ტრანსპორტით მომსახურება (პროგრამული  კოდი 03 01 02)

ქვეპროგრამის ფარგლებში დაგეგმილია მეწყერების, დიდთოვლობის შედეგად ჩაკეტილი გზების და გადაუდებელი სამედიცინო დახმარების შემთხვევაში, მუნიციპალიტეტის მაღალმთიან სოფლებში, შატილსა და არხოტში საჰაერო ტრანსპორტით მომსახურება.

2.2 კომუნალური ინფრასტრუქტურის მშენებლობა-რეაბილიტაცია და ექსპლოატაცია (პროგრამული კოდი 03 02)

პროგრამის ფარგლებში დაგეგმილია გარე განათების არსებული ქსელის მოვლა-პატრონობის ღონისძიებები, დასუფთავების ღონისძიებები, მაწანწალა ძაღლების სალიკვიდაციო ღონისძიებები და  მრავალსართულიანი სახლების რეაბილიტაციისათვის ბინათმესაკუთრეთა ამხანაგობების თანადაფინანსება.

2.2.1 გარე განათების მოწყობა-რეაბილიტაცია და ექსპლოატაცია (პროგრამული კოდი 03 02 01)

დუშეთის მუნიციპალიტეტის ტერიტორიაზე დღე-ღამის ნებისმიერ დროს მოსახლეობის კომფორტული და უსაფრთხო გადაადგილებისათვის აუცილებელ პირობას წარმოადგენს ქუჩების განათება, რისი გათვალისწინებითაც ქვეპროგრამის ფარგლებში დაფინანსდება დახარჯული ელ. ენერგიის ხარჯი.

ქვეპროგრამის ფარგლებში დაგეგმილია: სოფ. მჭადიჯვარში, სოფ. ჩინთში, სოფ. ახალი ტონჩაში და სოფ. ჭართალში გარეგანათების მოწყობა.

2.2.2 საკანალიზაციო სისტემის მოწყობა და რეაბილიტაცია (პროგრამული კოდი 03 02 03)

ქვეპროგრამის ფარგლებში დაგეგმილია: ქ. დუშეთში, საზოგადოებრივი ტუალეტის მოწყობა.

2.2.3  წყლის სისტემის რეაბილიტაცია და ექსპლოატაცია (პროგრამული კოდი 03 02 04)

ქვეპროგრამის ფარგლებში დაგეგმილია: სოფ. ახატნის წყალმომარაგების სისტემის მოწყობა, სოფ. დავათში წყაროს რეაბილიტაცია, სოფ. ბულაჩაურში ე.წ. „კორპუსების დასახლების" წყალმომარაგების სისტემების რეაბილიტაცია, სოფ. ოძ.ისისა და ბაქაქურების წყლის რეაბილიტაციის პროექტი, სოფ. ანანურის ახალი დასახლების წყალმომარაგების შიდა ქსელის მოწყობა, სოფ. ქვეშეთის წყალმომარაგების სისტემის რეაბილიტაცია.

ქვეპროგრამის ფარგლებში გაგრძელდება 2014 წელს დაწყებული პროექტები: ანანურის წყლის რეაბილიტაცია (ავენისი – ანანური), სოფ. ლუთხუბში სასმელი წყლის სარებილიტაციო სამუშაოები, სოფ.ციხისძირის წყალმომარაგების ახალი ქსელის მოწყობის სამუშაოები.

2.2.4  სარწყავი, სანიაღვრე არხებისა და ნაპირსამაგრი ნაგებობების მოწყობა-რეაბილიტაცია (პროგრამული კოდი 03 02 05)

ქვეპროგრამის ფარგლებში დაგეგმილია:  სოფ. მჭადიჯვარში სანიაღვრე არხზე (ეკლესიის მიმდებარე ტერიტორია) ცხაურის მოწყობა, ქ.დუშეთში ჭონქაძის ქუჩის №18-ის მიმდებარედ ქუჩების გასწვრივ სამაგრი კედლის მოწყობა, სოფ. ანანურში, ახალ დასახლებაში სანიაღვრე არხზე განივი ბოგირის მოწყობა, ქ. დუშეთში: ე.წ. „ორწყაროსთან" სანიაღვრე არხის გადახურვის სამუშაოები,  ყოფილი კარაქმრეწვის ჩასახვევში სანიაღვრე არხის მოწყობა, ობსერვატორიის ქუჩაზე სანიაღვრე არხის მოწყობა.

2.2.5 ბინათმშენებლობა (პროგრამული კოდი 03 02 09)

ქვეპროგრამის ფარგლებში დაგეგმილია: ბაზალეთის და მჭადიჯვრის ადმინისტრაციულ ერთეულებში, სტიქიის შედეგად დაზიანებული საცხოვრებელი სახლების  რეაბილიტაციისათვის საჭირო სამშენებლო მასალების შესყიდვა.

2.2.6 გაზგაყვანილობის სისტემების მოწყობა რეაბილიტაცია და ექსპლოატაცია (პროგრამული კოდი 03 02 07)

ქვეპროგრამის ფარგლებში დაგეგმილია: დაბა ფასანაურში  და სოფ. ქვეშეთში ადმინისტრაციული შენობების გაზმომარაგება.

2.3 სოფლის მხარდაჭერის პროგრამის ფარგლებში განსახორციელებელი პროექტები (პროგრამული კოდი 03 03)

სოფლის მხარდაჭერის პროგრამის ფარგლებში განხორციელდება 2015 წელს გამოყოფილი, წინა წელს მიღებული დარჩენილი თანხით და ადგილობრივი ბიუჯეტიდან თანადაფინასების საჭიროების შემთხვევაში სოფლის მოსახლეობის გადაწყვეტილების საფუძველზე სხვადასხვა პროექტები.

2.4 კეთილმოწყობის ღონისძიებები (პროგრამული კოდი 03 04)

დღევანდელ დროში დიდი მნიშვნელობა ენიჭება ჯანსაღი ცხოვრების წესის დამკვიდრებას ახალგაზრდებში, რისთვისაც მნიშვნელოვანია სპორტული ობიექტების მშენებლობა, ასევე დიდი მნიშვნელობა ენიჭება ქალაქის იერსახის გაუმჯობესებას, რისთვისაც საჭიროა ქალაქის გამწვანება, ბაღების და სკვერების მშენებლობა და მოვლა-პატრონობა.

2.4.1 სპორტული მოედნების მოწყობა (პროგრამული კოდი 03 04 01)

ქვეპროგრამის ფარგლებში დაგეგმილია: სოფ.ჭოპორტის საჯარო სკოლისათვის ხელოვნურსაფარიანი მინი მოედნის მოწყობა.

2.4.2 ბაღების, სკვერების, სავაჭრო პავილიონების მოწყობა და კულტურული ძეგლების რეაბილიტაცია (პროგრამული კოდი 03 04 04)

 ქვეპროგრამის ფარგლებში დაგეგმილია: ქ. დუშეთში, ყოფ. სამუსიკო სკოლის სარემონტო სამუშაოები, ქ.დუშეთში, სპორტული კომპლექსის მიმდებარედ სკვერის მოწყობა  და ქ. დუშეთის ბაზრის რეაბილიტაცია.

2.4.3 ა(ა)იპ „დუშეთის მუნიციპალიტეტის კეთილმოწყობის სამსახურის“ ხელშეწყობა (პროგრამული კოდი 03 04 05)

 ქვეპროგრამის ფარგლებში დაგეგმილია:

-  ქალაქის, დაბების, რიგი სოფლების დაგვა–დასუფთავება და ნარჩენების გატანა;

- მუნიციპალიტეტის  ტერიტორიაზე მაწანწალა ცხოველების დაჭერა და მათი გადაყვანა სპეციალიზებულ თავშესაფარში;

- გარე განათების არსებული ქსელის ექსპლოატაცია, ქალაქის იერსახის შენარჩუნებისა და შემდგომი გაუმჯობესების მიზნით;

- ეკოლოგიურად სუფთა გარემოს შექმნისათვის ტერიტორიის კეთილმოწყობა, გამწვანება, ნარგავების მოვლა–პატრონობა, გამწვანების ზონაში ყვავილების და სხვა დეკორატიული მცენარეების დარგვა;

- ქ. დუშეთის სასაფლაოების მოვლა-პატრონობა.

2.5 სტიქიის შედეგების სალიკვიდაციო ღონისძიებების დაფინანსება (პროგრამული კოდი 03 05)

პროგრამის ფარგლებში დაგეგმილია: 2014 -2015 წელს  მომხდარი სტიქიის  შედეგად დაზიანებული ადგილობრივი მნიშვნელობის გზების, სასმელი წყლის სათავე ნაგებობების, სანიაღვრე არხების (მათ შორის, წყალგამტარი მილები), ბოგირების, გაბიონების, ბეტონის საყრდენი კედლების, ნაპირსამაგრი ნაგებობების, საცხოვრებელი სახლების და სხვა ინფრასტრუქტურული ობიექტების აღდგენითი სამუშაოებისა და მათთან დაკავშირებული მომსახურების შესყიდვა.

2.6.  სამშენებლო სამუშაოების ზედამხედველობის, საპროექტო-სახარჯთაღრიცხვო, ექსპერტიზის და ქალქმშენებლობითი დოკუმენტაციის შედგენის ხარჯები (პროგრამული კოდი 03 06)

მუნიციპალიტეტში დაგეგმილი სამშენებლო–სარეაბილიტაციო სამუშაოების საფუძველს, მოქმედი სამშენებლო ნორმების და წესების გათვალისწინებით, შესაბამისი საპროექტო-სახარჯთაღრიცხვო დოკუმენტაცია წარმოადგენს. აუცილებელია სამშენებლო-სარეაბილიტაციო სამუშაოების   ტექნიკური ზედამხედველობა და შესრულებულ სამუშაოებზე შესაბამისი ექსპერტიზის ჩატარება, რომლის ფარგლებშიც განხორციელდება შესრულებული სამუშაოების საპროექტო – სახარჯთაღრიცხვო დოკუმენტაციასთან შესაბამისობის დადგენა. პროგრამის ფარგლებში გათვალისწინებულია ზემოაღნიშნული ღონისძიებების განხორციელებისათვის საჭირო ხარჯების დაფინანსება. მათ შორის: საქართველოს რეგიონებში განსახორციელებელი პროექტების ფონდიდან საქართველოს მთავრობის 2015 წლის 20 იანვრის №39 განკარგულებით გამოყოფილი თანხის ფარგლებში, დუშეთის მუნიციპალიტეტის სკოლამდელი აღზრდის ცენტრის 12 ფილიალის რეაბილიტაციის, მჭადიჯვარი-ზემო შუახევის გზის მოასფალტების (სკოლამდე),ზანდუკის ხიდის (გუდამაყარი) რეაბილიტაციის, ოშპიტელი-გუდამაყრის საავტომობილო გზის მოასფალტება და ახალი ხიდის მოწყობის, ქალაქ დუშეთის ქუჩების მოასფალტების, სოფ. ახატანი-ბიწმენდის საავტომობილო გზის მოასფალტების, წითლიან-ბიბილიანების წყალმომარაგების, ქ. დუშეთში სპორტული სკოლის შენობის რეაბილიტაციის, დუშეთის კულტურის სახლის რეაბილიტაციის, ქ. დუშეთის ბაზრის რეაბილიტაციის საპროექტო დოკუმენტაციისა და საექსპერტო მომსახურების შესყიდვა.

3. განათლება (პროგრამული კოდი 04 00)

მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად, მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი რეაბილიტაცია და ინვენტარით უზრუნველყოფა. გარდა ამისა, პრიორიტეტის ფარგლებში განხორციელდება პანსიონების დაფინანსება მოსწავლეთა ხელშეწყობის მიზნით.

3.1 სკოლამდელი აღზრდის  ხელშეწყობა (პროგრამული კოდი 04 01)

მუნიციპალიტეტში ამ ეტაპზე ფუნქციონირებს 14 საბავშვო ბაღი,  სადაც სკოლამდელ განათლებას იღებს 650-ზე მეტი ბავშვი. პროგრამის ფარგლებში მუნიციპალიტეტი აფინანსებს საბავშვო ბაღების ფუნქციონირებასთან დაკავშირებულ ყველა ხარჯს. საბავშვო ბაღებში ერთი ბავშვის კვების ღირებულება შეადგენს 1,80 ლარს. 

ქვეპროგრამის ფარგლებში გაგრძელდება 2014 წელს დაფინანსებული პროექტები: სოფ. ქვეშეთში საბავშვო ბაღის რეაბილიტაცია, რომელიც ხორციელდება დუშეთის მუნიციპალიტეტისა და ამერიკის შეერთებული შტატების საერთაშორისო განვითარების სააგენტოს (USAID) საქართველოს მისიის პროგრამის „ახალი ეკონომიკური შესაძლებლობების ინიციატივის“ ერთობლივი პროექტის ფარგლებში. სოფ. ბაზალეთის, სოფ. ჭოპორტის და სოფ. ბულაჩაურის საბავშვო ბაღების წყალმომარაგების ქსელის მოწყობის სამუშაოები.

2015 წელს დაგეგმილია სკოლამდელი აღზრდის ცენტრის 12 ფილიალის რეაბილიტაცია, სოფ. ბულაჩაურში, სოფ. ქვეშეთში და სოფ ოძისში საბავშვო ბაღების გახსნა.

3.2. მოსწავლეთა ხელშეწყობის ცენტრის  დაფინანსება (პროგრამული კოდი 04 03)

პროგრამის ფარგლებში,  მოსწავლეთა ხელშეწყობის მიზნით, მუნიციპალიტეტი აფინანსებს მაღაროსკარის, ბარისახოს და შატილის პანსიონებს. პანსიონებში ბავშვთა რაოდენობა შეადგენს 47-ს. კვების ხარჯი ერთ ბავშვზე შეადგენს 2,40 ლარს, რაც მთლიანად მუნიციპალიტეტის  ბიუჯეტიდან ფინანსდება. კვების ხარჯების გარდა, მუნიციპალიტეტი აფინანსებს პანსიონების ფუნქციონირებასთან დაკავშირებულ ყველა სხვა ხარჯს.

4. კულტურა, რელიგია, ახალგაზრდობის ხელშეწყობა  და სპორტი (პროგრამული კოდი 05 00)

მუნიციპალიტეტის ინფრასტრუქტურული და ეკონომიკური განვითარების პარალერულად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე, ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად, მუნიციპალიტეტი განაგრძობს კულტურული დაწესებულებების ფინანსურ მხარდაჭერას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ სპორტული შესაძლებლობების გამოვლინება. ასევე აფინანსებს ახალგაზრდებში ცხოვრების ჯანსაღი წესის წახალისების მიზნით გასატარებელ ღონისძიებებს.

4.1 სპორტის განვითარების ხელშეწყობა (პროგრამული კოდი 05 01)

პროგრამის ფარგლებში განხორციელდება  სპორტული ორგანიზაციების ფინანსური მხარდაჭერა, რათა მათ ჰქონდეთ შესაძლებლობა, უზრუნველყონ სპორტსმენებისათვის სავარჯიშოდ შესაბამისი პირობების შექმნა და ნიჭიერი სპორტსმენების წახალისება. 2015 წლის განმავლობაში პროგრამის ფარგლებში გაიმართება სხვადასხვა სპორტული ღონისძიება. ტარდება მუნიციპალური, რეგიონულ, საერთაშორისო და რესპუბლიკური ტურნირები ჭიდაობის სხვდასხვა სახეობაში, უმცროს ასაკში, ჭაბუკებსა და ახალგაზრდებში,  ასევე რეგიონული და რესპუბლიკური ტურნირები ფეხბურთში, ფრენბურთში, ნიჩბოსნობაში, კრივში; დუშეთის სპორტულ სკოლას წარმატებები აქვს ჭიდაობის სხვადასხვა სახეობებში,  ფეხბურთში, ფრენბურთში, კრივში, ნიჩბოსნობაში. აღსაზრდელები მონაწილეობას იღებენ სხვადასხვა საერთაშორისო და რესპუბლიკურ ტურნირში, სადაც კარგი მიღწევებით გამოირჩევიან.

4.1.1  სპორტული ღონისძიებების დაფინანსება (პროგრამული კოდი 05 01 01)

ქვეპროგრამის ფარგლებში დაგეგმილია სხვადასხვა სპორტული ღონისძიების, ტურნირის, შეჯიბრების ორგანიზება, წარმატებული სპორტსმენების ხელშეწყობა და დაფინანსება.

4.1.2  სასპორტო გაერთიანების ხელშეწყობა (პროგრამული კოდი 05 01 02)

ქვეპროგრამა ითვალისწინებს ა(ა)იპ „დუშეთის მუნიციპალიტეტის სასპორტო გაერთიანების“ და მისი ფილიალის სასპორტო სკოლის ფუნქციონირებასთან დაკავშირებული ხარჯების დაფინანსებას. სასპორტო სკოლაში ფუნქციონირებს  სპორტის 10 სახეობა (ფეხბურთი, ჭიდაობა, კალათბურთი, ჭადრაკი, ფრენბურთი, ნიჩბოსნობა, კრივი, კარატე, ტანვარჯიში, ძალოსნობა), სადაც მოსწავლეთა რაოდენობა შეადგენს 400-ს.

4.1.3  საფეხბურთო კლუბ „არაგვის“ ხელშეწყობა (პროგრამული კოდი 05 01 03)

ქვეპროგრამის ფარგლებში დაგეგმილია საფეხბურთო კლუბ „არაგვის“ დაფინანსება, რომელიც ითვალისწინებს: საქართველოს ჩემპიონატში მონაწილეობის საწევრო გადასახადს, ფეხბურთელთა ტრანსპორტით მომსახურებას, შეკრების ხარჯებს, სხვადასხვა ინვენტარის, უნიფორმის   შეძენას და ჩასატარებელი თამაშების მოგების შემთხვევაში გუნდის წევრების ფულადი ფორმით წახალისებას.

4.2 კულტურის განვითარების ხელშეწყობა (პროგრამული კოდი 05 02)

მუნიციპალიტეტის კულტურული ცხოვრება ყოველთვის გამოირჩევა მრავალფეროვნებითა და ღონისძიებების სიმრავლით, რაც ხელს უწყობს, როგორც ქართველი ხელოვანების შემოქმედებითი იდეების რეალიზებას, ასევე მუნიციპალიტეტის,  კულტურული სტატუსის დამკვიდრებას.

პროგრამა გულისხმობს ჩვენი ქვეყნის ხელოვანების ღირსეულად წარმოჩენას, მათ ხელშეწყობას და  მათი პროექტების მეშვეობით მუნიციპალიტეტის კულტურული ცხოვრების  გამრავალფეროვნებას, ღვაწლმოსილი ხელოვანების სათანადოდ დაფასებასა და მათი შემოქმედებითი საღამოების ორგანიზებას, მუნიციპალიტეტის კულტურული ტრადიციების დაცვის მიზნით, პროგრამის ფარგლებში გაგრძელდება კულტურული დაწესებულებების ფინანსური მხარდაჭერა, ასევე განხორციელდება კულტურული ღონისძიებები, მათ შორის სადღესასწაულო დღეებში სხვადასხვა გასართობი და სანახაობრივი ღონისძიებები.

4.2.1  კულტურული ღონისძიებების დაფინანსება (პროგრამული კოდი 05 02 01)

ქვეპროგრამის ფარგლებში განხორციელდება სხვადასხვა კულტურული ღონისძიების   ხელშეწყობა და დაფინანსება. მათ შორის სადღესასწაულო დღეებში სხვადასხვა გასართობი და სანახაობრივი ღონისძიება.

4.2.2 სახელოვნებო სკოლის ხელშეწყობა (პროგრამული კოდი 05 02 02)

სახელოვნებო განათლება ქვეყნის კულტურისა და განათლების პოლიტიკის განუყოფელი ნაწილია, როგორც ქართული კულტურის სულიერი და მატერიალური მემკვიდრეობის შენარჩუნებისა და ხელოვნების განვითარების, ისე ჩამოყალიბების პროცესში მყოფი ერთიანი საგანმანათლებლო სივრცის სრულყოფის საკითხში.

ქვეპროგრამის ფარგლებში მუნიციპალიტეტი აფინანსებს სახელოვნებო სკოლის ფუნქციონირებასთან დაკავშირებულ ხარჯებს. სახელოვნებო სკოლაში ფუნქციონირებს ხატვის, ძერწვის, თექაზე მუშაობის, ლიტერატურის,  საეკლესიო საგალობლების  წრეები, სადაც სწავლობს 110 მოსწავლე.

4.2.3  ბიბლიოთეკების ხელშეწყობა(პროგრამული კოდი 05 02 03)

ახალგაზრდა თაობის ინტელექტუალური, ზნეობრივი და კულტურული განვითარების მიზნით, ისევე როგორც გასულ წლებში, 2015 წელს გაგრძელდება ადგილობრივი ბიბლიოთეკების დაფინანსება. პროგრამის ფარგლებში ფინანსდება ქ.დუშეთის ალ. როინაშვილის სახელობის მთავარი ბიბლიოთეკა, ანანურის, ფასანაურის და ჭოპორტის სასოფლო ბიბლიოთეკები. აღნიშნული ბიბლოთეკები ხელს უწყობს მოსწავლე-ახალგაზრდობის ინტელექტუალურ განვითარებას და მოსახლეობის საჭირო ლიტერატურით მომარაგებას.

4.2.4 მუზეუმების ხელშეწყობა (პროგრამული კოდი 05 02 04)

ქვეპროგრამის ფარგლებში ფინანსდება დანიელ ჭონქაძის სახელობის  და დუშეთის მხარეთმცოდნეობის მუზეუმები, რაც ხელს უწყობს ტრადიციული მემკვიდრეობის შენარჩუნებას და ტურისტების გათვითცნობიერაბას ადგილობრივ კულტურასთან.

4.2.5 კულტურულ-საგანმანათლებლო ცენტრის ხელშეწყობა (პროგრამული კოდი 05 02 05)

ქვეპროგრამა ითვალისწინებს კულტურულ-საგანმათლებლო ცენტრის  ხარჯების დაფინასებას, რომლის ფუნქციაშიც შედის, კულტურის სახლების, მუსიკალური კოლექტივების, მუზეუმების, სახელოვნებო სკოლის კოორდინირება.

4.2.6 კულტურის სახლების ხელშეწობა (პროგრამული კოდი 05 02 06)

ქვეპროგრამის ფარგლებში ფინანსდება ქ. დუშეთის და დაბა ჟინვალის კულტურის სახლები. აღნიშნული კულტურის სახლები ემსახურება პოეზიის საღამოების, ფოლკლორული და თეატრალური ღონისძიებების ჩატარებას.  ამავე ქვეპროგრამის ფარგლებში ფინანსდება კულტურის სახლთან არსებული ქართული ხალხური საკრავების და სიმღერის ანსამბლი ,,ქალილო’’.

ქვეპროგრამის ფარგლებში დაგეგმილია: 2015 წლის 17-21 ივნისს,  თურქეთის რესპუბლიკის ქალაქ ქ.ზონგულდაკში, საერთაშორისო ფესტივალზე მონაწილეობის მისაღებად მიწვეული ანასამბლ „ქალილოს“  მგზავრობის, საფესტივალო და ცხოვრების  ხარჯების დაფინანსება.

4.2.7 ტელემაუწყებლობის და საგამომცემლო საქმიანობის ხელშეწყობა (პროგრამული კოდი 05 02 07)

ქვეპროგრამის ფარგლებში დაგეგმილია გაზეთ „დუშეთის მაცნეს“ გამოცემასთან დაკავშირებული ხარჯების დაფინანსება,  რომელიც მიზნად ისახავს მოსახლეობის ინფორმირებას საკრებულოსა და გამგეობის მუშაობის შესახებ, მუნიციპალიტეტის სიახლეების გაშუქებას და პრობლემების წარმოჩენას.

4.2.8 მუსიკალური კოლექტივების ხელშეწყობა (პროგრამული კოდი 05 02 08)

ქვეპროგრამის ფარგლებში მუნიციპალიტეტი აფინანსებს ქ. დუშეთის, დაბა ჟინვალის და დაბა ფასანაურის სამუსიკო სკოლებს, სადაც სწავლობს 161 მოსწავლე, რომლებიც წარმატებით მონაწილეობენ სხვადასხვა მუსიკალურ კონკურსსა და  მუსიკალურ ფესტივალში. სამუსიკო სკოლების დაფინასება ხდება როგორც ადგილობრივი ბიუჯეტიდან, ისე მშობელთა შემონატანით. თოთოეულ ბავშვზე სწავლის გადასახდი თვეში შეადგენს 20 ლარს.

4.2.9  საქართველოს ფოლკლორის სახელმწიფო ცენტრის ხელშეწყობა (პროგრამული კოდი 05 02 09)

ქვეპროგრამის ფარგლებში,  საქართველოს ფოლკლორის სახელმწიფო ცენტრის მიერ დაგეგმილია გახსნას საკუთარი წარმომადგენლობა (სალოტბარო სკოლა) დუშეთში, რომლის ამოცანაც იქნება უძველესი ადგილობრივი ფოლკლორის გაცოცხლება და შენარჩუნება.

4.2.10 დუშეთის მუნიციპალიტეტის კულტურული მემკვიდრეობის დაცვის და ტურიზმის განვითარების ცენტრის ხელშეწყობა (პროგრამული კოდი 05 02 10)

ქვეპროგრამის მიზანია დუშეთის მუნიციპალიტეტში არსებული კულტურული მემკვიდრეობის  ფუნდამეტური და გამოყენებითი კვლევა და პოპულარიზაცია, მუნიციპალიტეტის ტურისტული განვითარების პოტენციალის კვლევა, კულტურული მემკვიდრეობის დაცვის და ტურიზმის განვითარების ხელშემწყობი მუნიციპალური პროგრამების შემუშავება და მათ განხორციელებაში მონაწილეობა.

ქვეპროგრამის ფარგლებში დაგეგმილია მუნიციპალიტეტის ტერიტორიაზე არსებული არქეოლოგიური, არქიტექტურული, ქალაქთმშენებლობის (ურბანული), პალეოგრაფიული, მემორიალური, ეთნოგრაფიული და სხვა ტიპის ძეგლების გამოვლენა, შესწავლა და სათანადო საინფორმაციო ბაზის შექმნა.

4.3 ახალგაზრდული პროგრამების დაფინანსება (პროგრამული კოდი 05 03)

პროგრამის ფარგლებში დაფინანსდება სხვადასხვა ღონისძიება, რომლებიც ხელს შეუწყობს ახალგაზრდა თაობის მეტ ჩართულობას მუნიციპალიტეტის ყოველდღიურ საქმიანობასა და მის განვითარებაში, ახალგაზრდებში ჯანსაღი ცხოვრების წესის დამკვიდრებას.

4.4 რელიგიური ორგანიზაციების ხელშეწყობა (პროგრამული კოდი 05 04)

პროგრამის ფარგლებში ხელი შეეწყობა დუშეთის მუნიციპალიტეტის ტერიტორიაზე ეკლესია-მონასტრების ფინანსურ მხარდაჭერას.

5. მოსახლეობის ჯანმრთელობის დაცვა და სოციალური უზრუნველყოფა (პროგრამული კოდი (06 00)

მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს. მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებით და შეღავათით უზრუნველყოფას. გრძელდება საზოგადოებრივი ჯანმრთელობის დაცვის მიზნით, ადგილობრივ დონეზე, სხვადასხვა ღონისძიებების განხორციელება, რაც უზრუნველყოფს მუნიციპალიტეტის მოსახლეობის ჯანმრთელობის დაცვას, სხვადასხვა გადამდები და ინფექციური დაავადებისაგან.

5.1 საზოგადოებრივი ჯანდაცვის მომსახურება (პროგრამული კოდი 06 01)

პროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში „საზოგადოებრივი ჯანმრთელობის შესახებ“ საქართველოს კანონით განსაზღვრული ფუნქციების დაფინანსებას, კერძოდ:

· გადამდებ დაავადებათა ეპიდზედამხედველობა და კონტროლის ღონისძიებები;

· იმუნოპროფილაქტიკის დაგეგმვა, განხორციელების ხელშეწყობა, საინფორმაციო სისტემის უზრუნველყოფა;

·   იმუნოპროფილაქტიკის ლოჯისტიკის უზრუნველყოფა;

·  პარაზიტული დავადებების ეპიდკვლევა, დიაგნოსტიკა, პროფილაქტიკური მკურნალობა;

· საგანმანათლებლო, სააღმზრდელო და საგანმანათლებლო–სააღმზრდელო დაწესებულებებში სანიტარული და ჰიგიენური ნორმების დაცვის ზედამხედველობა, პრევენციული ღონისძიებების ხელშეწყობა;

· მუნიციპალიტეტის მოსახლეობის ჯამრთელობის მდგომარეობაზე ზედამხედველობა და ხელშეწყობა.

პროგრამის ფარგლებში დაგეგმილია: დაბა ჟინვალის, დაბა ფასანაურის და სოფ. ანანურის სამედიცინო ამბულატორიებში გაზმომარაგების  ქსელის მოწყობა.

5.2 მოსახლეობის სოციალური უზრუნველყოფა (პროგრამული კოდი 06 02)

პროგრამა ითვალისწინებს მუნიციპალიტეტის ტერიტორიაზე მცხოვრები მოსახლეობის სხვადასხვა ფენისათვის სოციალური დახმარებებით უზრუნველყოფას. სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში კანონმდებლობით გათვალისწინებული სარიტუალო მომსახურების ხარჯების ანაზღაურებას, მოხუცებულთა, მიუსაფართა და სოციალურად დაუცველთა კვებით უზრუნველყოფას და სხვა სოციალურ ღონისძიებებს, რომლებიც მთლიანობაში უზრუნველყოფენ მუნიციპალიტეტის მოსახლეობის სოციალური მდგომარეობის გაუმჯობესებას.

5.2.1 სამკურნალო დაწესებულებებში სოციალურად დაუცველი მოსახლეობის მკურნალობის და ოპერაციის ხარჯები (პროგრამული კოდი 06 02 01)

 ქვეპროგრამის ფარგლებში დახმარება  გაეწევათ   ჯანმრთელობის   პრობლემების  მქონე,  გადახდისუუნარო მოქალაქეებს,  რომლებსაც    შეიძლება   დაუფინანსდეს   შემდეგი   სამედიცინო   მომსახურების სახეები:

ა) წინასწარი ამბულატორიული გამოკვლევები;

ბ) სტაციონარული  მკურნალობა;

გ) გადაუდებელი აუცილებლობის შემთხვევაში დუშეთის მუნიციპალიტეტიდან სხვა, ნებისმიერ საავადმყოფოში გადაყვანის ხარჯები.

   სამედიცინო მომსახურების ღირებულება  ფინანსდება:

·    500 ლარის ჩათვლით – 100% -მდე;

·    501 ლარიდან 1000 ლარის ჩათვლით – 70% -მდე;

·    1001 ლარიდან 3000 ლარის ჩათვლით – 55% -მდე;

·    3001 ლარიდან 5000 ლარის ჩათვლით – 35% -მდე;

·    5001 ლარიდან ზევით 25% -მდე.

საყოველთაო დაზღვევით მოსარგებლე 5 წლამდე ასაკის ბავშვებს და 80 წელს გადაცილებულ მოხუცებს თანადაფინანსების თანხა აუნაზღაურდებათ 100%-ით.

სიცოცხლისათვის საშიში მდგომარეობის შემთხვევაში გამოკვლევის, გადაუდებელი ოპერაციული და  თერაპიული მკურნალობის 100%-ით დაფინანსება (არაუმეტეს 3,000.00 ლარისა), ხორციელდება დუშეთის მუნიციპალიტეტის გამგებლის ბრძანების საფუძველზე. 

5.2.2 მაღალმთიან სოფლებში მცხოვრები მოსახლეობის და სტუდენტების მგზავრობის ხელშეწყობა (პროგრამული კოდი 06 02 02)

ქვეპროგრამა ითვალისწინებს: სოფ. ჩოხიდან – დაბა ფასანაურამდე კვირაში 2-ჯერ და სოფ.ხორხიდან – ქ.დუშეთამდე კვირაში ერთხელ მოსახლეობის უფასოდ მგზავრობის ხელშეწყობას და დუშეთის მუნიციპალიტეტის ტერიტორიაზე მცხოვრები სტუდენტების  მგზავრობის ხელშეწყობას.

5.2.3 სოციალურად დაუცველი ოჯახების ერთჯერადი ფულადი დახმარება (პროგრამული კოდი 06 02 03)

ერთჯერადი დახმარების სახით 50 ლარიდან 200 ლარამდე ფინანსური დახმარება  გაეწევათ:

ა) გაჭირვებულ  მოქალაქეებს, (ადმინისტრაციულ  ერთეულში გამგებლის წარმომადგენლის შუამდგომლობით), გარდა იმ მოქალაქეებისა, რომლებსაც მინიჭებული აქვს 57 000- მდე  სარეიტინგო ქულა;

ბ) ჯანმრთელობის განსაკუთრებული პრობლემების მქონე მოქალაქეებს, კერძოდ: დიაბეტით, ეპილეფსიით, პარკინსონიზმით დაავადებულებს, ონკოლოგიურ ავადმყოფებს,  I და  II ჯგუფის ინვალიდებს, უსინათლოებს;  

გ) შეზღუდული შესაძლებლობების მქონე პირებს, რომელთაც არ შეუძლიათ დამოუკიდებლად გადაადგილება;

დ) უპატრონო მიცვალებულის დაკრძალვისათვის – პირებს, რომელთაც ითავეს მიცვალებულის დაკრძალვა;

ე) მუნიციპალიტეტის ტერიტორიაზე მცხოვრებ უხუცესებს, რომელთაც შეუსრულდათ ასი და მეტი წელი;

ვ) ოჯახებს, პირველი და მეორე ბავშვის შეძენისას;

ზ) მეორე მსოფლიო ომის ვეტერანებს და მათთან გათანაბრებულ პირებს, 9 მაისს ფაშიზმზე გამარჯვების დღესთან დაკავშირებით.

თ) საქართველოს ტერიტორიული მთლიანობის, თავისუფლებისა და დამოუკიდებლობისათვის (აფხაზეთი, სამაჩაბლო) ბრძოლაში  დაღუპულ  მებრძოლთა ოჯახებს;

ი) 2008 წლის რუსეთ-საქართველოს ომის  მონაწილეებს.

მუნიციპალიტეტის ტერიტორიაზე მცხოვრებ მრავალშვილიან (4 და მეტი არასრულწლოვანი შვილი) ოჯახებს ფინანსური დახმარება გაეწევათ 300 ლარის ოდენობით;

ჰემოდიალიზს დაქვემდებარებულ პირებს,  ერთჯერადად  300 ლარის ოდენობით;

განსაკუთრებულ შემთხვევებში კომისიის გადაწყვეტილებით შესაძლებელია ზღვრულ ოდენობაზე მეტი თანხის გაცემა (არაუმეტეს 2000 ლარამდე) მუნიციპალიტეტის ადმინისტრაციულ ერთეულში გამგებლის წარმომადგენლის წერილობითი შუამდგომლობის საფუძველზე.  

5.2.4  საავადმყოფო ფურცელზე მყოფი მუშაკების დაფინანსება (პროგრამული კოდი 06 02 04)

ქვეპროგრამის ფარგლებში ხორციელდება საავადმყოფო ფურცელზე მყოფი მუშაკების დაფინანსება.

5.2.5 სოციალურად დაუცველი მოსახლეობის მედიკამენტებით უზრუნველყოფა (პროგრამული კოდი 06 02 05)

ქვეპროგრამა მიზნად ისახავს მუნიციპალიტეტის ტერიტორიაზე მცხოვრები ავადმყოფებისა და სოციალურად გაჭირვებული მოქალაქეების მედიკამენტებით უზრუნველყოფას, მედიკამენტების ღირებულება 150 ლარის ფარგლებში დაუფინანსდებათ:

ა) ეპილეფსიით დაავადებულებს;

ბ) პარკინსონით დაავადებულებს;

გ) სოციალურად დაუცველი ოჯახების მონაცემთა ერთიან ბაზაში რეგისტრირებულ პირებს,   რომელთაც მინიჭებული აქვთ 0-100 000- მდე სარეიტინგო ქულა.

5.2.6 „უფასო სასადილო მზრუნველობამოკლებულთათვის“ დაფინანსება (პროგრამული კოდი 06 02 06)

ქვეპროგრამა ითვალისწინებს „უფასო სასადილო მზრუნველობამოკლებულთათვის“ ფუნქციონირებასთან დაკავშირებულ ხარჯებს. უფასო სასადილოთი მომსახურება ითვალისწინებს მძიმე სოციალურ-ეკონომიკური მდგომარეობის მქონე 110 ბენეფიციარის დღეში ერთჯერად უფასო კვებას, გარდა კვირა დღისა. ერთი ბენეფიციარის კვება/დღის  ხარჯი დღეში შეადგენს 1,70 ლარს.

5.2.7 სტიქიური უბედურებების შედეგად დაზარალებული მოსახლეობის დახმარება (პროგრამული კოდი 06 02 07)

ქვეპროგრამის ფარგლებში გათვალისწინებულია მუნიციპალიტეტის ტერიტორიაზე  ხანძრით, სტიქიური მოვლენებით (მიწისძვრა, მეწყერი, წყალდიდობა, დიდთოვლობა და ა.შ) უსახლკაროდ დარჩენილი და სხვა მძიმე გარემოებათა გამო დაზარალებული ოჯახებს ერთჯერადად 1000 ლარამდე თანხის ოდენობით.

განსაკუთრებულ შემთხვევებში კომისიის  გადაწყვეტილებით შესაძლებელია დახმარების სახით გაიცეს ზღვრულ ოდენობაზე მეტი ფულადი თანხა. (არაუმეტეს 3000 ლარი).

ასევე ქვეპროგრამის ფარგლებში გათვალისწინებულია 2012 წელს სტიქიური მოვლენების შედეგად სოფ. ზემო მლეთაში დაზარალებული  8 ოჯახისათვის კომპენსაციები.

5.2.8 ომის ვეტერანთა სარიტუალო მომსახურების ხარჯი (პროგრამული კოდი 06 02 08)

ქვეპროგრამა ითვალისწინებს სახელმწიფო ბიუჯეტიდან გამოყოფილი მიზნობრივი ტრანსფერის ფარგლებში მუნიციპალიტეტის ტერიტორიაზე მეორე მსოფლიო ომსა და საქართველოს ტერიტორიული ერთიანობისათვის ბრძოლებში გარდაცვლილ მეომართა ოჯახებზე სარიტუალო ხარჯებს  250 ლარის ოდენობით.

5.2.9 დევნილთა სოციალური დახმარება (პროგრამული კოდი 06 02 09)

ქვეპროგრამის ფარგლებში დაგეგმილია მუნიციპალიტეტის ტერიტორიაზე მცხოვრები, ომის შედეგად იძულებით გადაადგილებულ პირთა ერთჯერადი დახმარება 100 ლარის ოდენობით.

5.2.10 პროექტის „დღის სოციალური ცენტრი-დუშეთში“ ხელშეწყობა (პროგრამული კოდი 06 02 10)

ქვეპროგრამის ფარგლებში დაგეგმილია საქართველოს წითელი ჯვრის საზოგადოების და დუშეთის მუნიციპალიტეტის ერთობლივი პროექტის „დღის სოციალური ცენტრი-დუშეთში“ ხელშეწყობა, რომელიც მიზნად ისახავს სოციალურად იზოლირებულ და დაუცველი ოჯახების უმწეობის შემცირებას მათი სოციალური მხარდაჭერით, თემის მობილიზებითა და ადგილობრივი რესურსების გამოყენებით. ქვეპროგრამის ფარგლებში ჩატარდება სასწავლო სემინარები, ტრენინგები და სხვადასხვა სოციალური ღონისძიება.

თავი III

დუშეთის მუნიციპალიტეტის ბიუჯეტის ასიგნებები

მუხლი 17. მუნიციპალიტეტის ბიუჯეტის ასიგნებები

განისაზღვროს მუნიციპალიტეტის ბიუჯეტის ასიგნებები საბიუჯეტო კლასიფიკაციის მიხედვით თანდართული რედაქციით: