„საჯარო სამართლის იურიდიული პირის - სოციალური მომსახურების სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ“ საქართველოს მთავრობის 2014 წლის 19 დეკემბრის №2378 განკარგულებაში ცვლილების შეტანის თაობაზე

საქართველოს მთავრობის

განკარგულება №270 0

2015 წლის 14 დეკემბერი

ქ. თბილისი

 „საჯარო სამართლის იურიდიული პირის – სოციალური მომსახურების სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ“ საქართველოს მთავრობის 2014 წლის 19 დეკემბრის№2378 განკარგულებაშიცვლილებისშეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, „საჯარო სამართლის იურიდიული პირის – სოციალური მომსახურების სააგენტოს მიერ სახელმწიფო შესყიდვების გამარტივებული შესყიდვის საშუალებით განხორციელების შესახებ“საქართველოს მთავრობის 2014 წლის 19 დეკემბრის №2378 განკარგულებაში შეტანილ იქნეს ცვლილება და  ტექსტი ჩამოყალიბდეს შემდეგი რედაქციით:

 „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარებისმიზნით, საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა სსიპ – სოციალური მომსახურების სააგენტომ, „ნარკომანიის“ სახელმწიფო პროგრამის „ჩამანაცვლებელი ფარმაცევტული პროდუქტის შესყიდვის“ კომპონენტის ფარგლებში, 25 001 (ოცდახუთი ათას ერთი) გრამი მეთადონის ჰიდროქლორიდის (აქტიური ნივთიერება – „მეთადონი“) შესყიდვა განახორციელოს გამარტივებული შესყიდვის საშუალებით, „საქართველოს 2015 წლის სახელმწიფო ბიუჯეტის შესახებ“ საქართველოს კანო­ნით „ნარკომანიის“ სახელმწიფო პროგრამისათვის (პროგრამული კოდი  – 35 03 02 10) გათვალისწინებულ ასიგნებათა ფარგლებში.“.

პრემიერ-მინისტრი   ირაკლი ღარიბაშვილი