„საქართველოსა და SOCIETE GENERALE-ს შორის გაფორმებული „კომერციული საკრედიტო ხაზის შეთანხმება A“-ს (Thales-Raytheon Systems Company ნასყიდობის ხელშეკრულება)“ საქართველოს პარლამენტში რატიფიცირებისათვის წარდგენისა და მომხსენებლებად გ. კაკაურიძისა და დ. ებრალიძის დანიშვნის შესახებ

საქართველოს მთავრობის

განკარგულება №2672

2015 წლის 11 დეკემბერი

ქ. თბილისი

„საქართველოსა და SOCIETE GENERALE-ს შორის გაფორმებული „კომერციული საკრედიტო ხაზის შეთანხმება A“-ს (Thales-Raytheon Systems Company ნასყიდობის ხელშეკრულება)“ საქართველოს პარლამენტში რატიფიცირებისათვის წარდგენისა და მომხსენებლებად გ. კაკაურიძისა და დ. ებრალიძის დანიშვნის შესახებ

1. „სახელმწიფო ვალის შესახებ“ საქართველოს კანონის მე-2 მუხლის 2⁴ პუნქტის შესაბამისად, საქართველოს პარლამენტს რატიფიცირებისათვის წარედგინოს „საქართველოსა და SOCIETE GENERALE-ს შორის გაფორმებული „კომერციული საკრედიტო ხაზის შეთანხმება A“ (Thales-Raytheon Systems Company ნასყიდობის ხელშეკრულება)“.

2. „საპარლამენტო მდივნის შესახებ“ საქართველოს კანონის მე-4 მუხლის მე-6 პუნქტის შესაბამისად, საქართველოს პარლამენტში რატიფიცირებისათვის წარდგენილ ამ განკარგულების პირველ პუნქტში აღნიშნულ შეთანხმებაზე საქართველოს პარლამენტის საკომიტეტო და პლენარულ სხდომებზე მომხსენებლებად დაინიშნონ საქართველოს ფინანსთა მინისტრის მოადგილე გიორგი კაკაურიძე და საქართველოს თავდაცვის მინისტრის პირველი მოადგილე დავით ებრალიძე.

პრემიერ-მინისტრი                                                                                 ი. ღარიბაშვილი