თვითმმართველი თემის - გარდაბნის მუნიციპალიტეტის გამგებლის 2016 წლის 28 იანვრის რიგგარეშე არჩევნებისათვის ზოგიერთი საარჩევნო სუბიექტის რიგითი ნომრის განსაზღვრის პროცედურის შესახებ

   საქართველოს ორგანული კანონის „საქართველოს საარჩევნო კოდექსი“ მე-14 მუხლის მე-3 პუნქტის, 30-ე მუხლის მე-2 და მე-3 პუნქტებისა და 77-ე მუხლის მე-5 პუნქტის საფუძველზე, საქართველოს ცენტრალური საარჩევნო კომისია ადგენს:

თვითმმართველი თემის - გარდაბნის მუნიციპალიტეტის გამგებლის  2016 წლის 28 იანვრის რიგგარეშე არჩევნებში მონაწილე პარტიას, რომლის რიგითი ნომრის მინიჭებაც ამ არჩევნებისთვის საარჩევნო კანონმდებლობით განსაზღვრული არ არის, არჩევნებამდე არაუგვიანეს 30-ე დღისა, ცესკოს სხდომაზე მიენიჭება რიგითი ნომერი წინამდებარე დადგენილების შესაბამისად.

ამ დადგენილების პირველი მუხლით განსაზღვრულ შემთხვევაში, წილსყრაში არ მონაწილეობენ ის რიგითი ნომრები, რომლებიც პარტიებსა და საარჩევნო ბლოკებს მიენიჭათ 2014 წლის 15 ივნისის ადგილობრივი თვითმმართველობის ორგანოთა  საერთო არჩევნებში.

ეს დადგენილება შეიძლება გასაჩივრდეს თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, №6) მისი მიღებიდან  2 კალენდარული დღის ვადაში.

ეს დადგენილება ამოქმედდეს გამოქვეყნებისთანავე.