დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | სახელმწიფო საკუთრებაში არსებული ციფრული მიწისზედა საეთერო სატელევიზიო მაუწყებლობის ძირითადი ქსელის ამოქმედების შემდეგ საზოგადოებრივი მაუწყებლისა და საზოგადოებრივი მაუწყებლის აჭარის ტელევიზიის სატელევიზიო სიგნალის გავრცელების ჩრდილოვან ზონებში აღმოჩენილი დასახლებული პუნქტების ციფრული მაუწყებლობით უზრუნველყოფის შესახებ | |
|---|---|
| დოკუმენტის ნომერი | 2639 |
| დოკუმენტის მიმღები | საქართველოს მთავრობა |
| მიღების თარიღი | 11/12/2015 |
| დოკუმენტის ტიპი | საქართველოს მთავრობის განკარგულება |
| გამოქვეყნების წყარო, თარიღი | ვებგვერდი, 30/12/2015 |
| ძალაში შესვლის თარიღი | 01/12/2015 |
| სარეგისტრაციო კოდი | 000000000.00.003.020518 |
საქართველოს მთავრობის
განკარგულება №2639
2015 წლის 11 დეკემბერი
ქ. თბილისი
სახელმწიფო საკუთრებაში არსებული ციფრული მიწისზედა საეთერო სატელევიზიო მაუწყებლობის ძირითადი ქსელის ამოქმედების შემდეგ საზოგადოებრივი მაუწყებლისა და საზოგადოებრივი მაუწყებლის აჭარის ტელევიზიის სატელევიზიო სიგნალის გავრცელების ჩრდილოვან ზონებში აღმოჩენილი დასახლებული პუნქტების ციფრული მაუწყებლობით უზრუნველყოფის შესახებ
1. „საქართველოში ანალოგური მიწისზედა საეთერო სატელევიზიო მაუწყებლობის ეტაპობრივად გათიშვის გრაფიკის დამტკიცების შესახებ“ საქართველოს მთავრობის 2015 წლის 17 ივნისის №273 დადგენილების პირველი მუხლის მე-3 და მე-4 პუნქტების შესაბამისად, დამტკიცდეს საზოგადოებრივი მაუწყებლისა და საზოგადოებრივი მაუწყებლის აჭარის ტელევიზიის ციფრული მიწისზედა საეთერო სატელევიზიო სიგნალის გავრცელების ჩრდილოვან ზონებში აღმოჩენილ დასახლებულ პუნქტებში ციფრული სატელევიზიო რეტრანსლატორების ეტაპობრივად ამოქმედების და იქ მოქმედი ანალოგური სისტემის რეტრანსლატორების ეტაპობრივად გათიშვის გრაფიკი (დანართი №1).
2. საქართველოს ეკონომიკისა და მდგრადი განვითარების სამინისტრომ და აღმასრულებელი ხელისუფლების შესაბამისმა ორგანოებმა უზრუნველყონ ამ განკარგულების დანართ №1-ით გათვალისწინებული გრაფიკის შესრულებისთვის აუცილებელი შესაბამისი სამუშაოების განხორციელება.
3. ეთხოვოთ საქართველოს კომუნიკაციების ეროვნულ კომისიას, საქართველოს ენერგეტიკისა და წყალმომარაგების მარეგულირებელ ეროვნულ კომისიას, ადგილობრივი თვითმმართველობის შესაბამის ორგანოებს, სსიპ − საზოგადოებრივ მაუწყებელსა და სსიპ − საზოგადოებრივი მაუწყებლის აჭარის ტელევიზიასა და რადიოს ამ განკარგულების დანართ №1-ით გათვალისწინებული გრაფიკის შესრულებისთვის შესაბამისი ღონისძიებების განხორციელება.
4. განკარგულება ძალაშია 2015 წლის 1 დეკემბრიდან.
პრემიერ-მინისტრი ირაკლი ღარიბაშვილი
დოკუმენტის კომენტარები