სახელმწიფო საკუთრებაში არსებული ქონების სააქციო საზოგადოება „სოკარ ჯორჯია გაზ დისტრიბუშენისათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №2617

2015 წლის 4 დეკემბერი

ქ. თბილისი

სახელმწიფო საკუთრებაში არსებული ქონების სააქციო  საზოგადოება „სოკარ ჯორჯია გაზ დისტრიბუშენისათვის“ პირდაპირი მიყიდვის ფორმით პრივატიზების შესახებ

1. „სახელმწიფო ქონების შესახებ“ საქართველოს კანონის მე-18 მუხლის მე-3 პუნქტის შესაბამისად, სახელმწიფო საკუთრებაში არსებული, ამ განკარგულების დანართში მითითებული ქონება პირდაპირი მიყიდვის ფორმით, სიმბოლურ ფასად − 1 (ერთი) ლარად, საკუთრებაში გადაეცეს სააქციო საზოგადოება „სოკარ ჯორჯია გაზ დისტრიბუშენს“ (სკ: №203845312).

2. ამ განკარგულების პირველი პუნქტით გათვალისწინებული უძრავი ქონების საპრივატიზებო პირობებად განისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარულ დღეში;

ბ) ამ განკარგულების პირველი პუნქტით გადაცემული ქონების გამოყენება ბუნებრივი გაზის განაწილების საქმიანობის განხორციელების მიზნით. 

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა − სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                                 ი. ღარიბაშვილი