„ზოგიერთი საჯარო სამართლის იურიდიული პირის მიერ განსახორციელებელი ღონისძიებების შესახებ“ საქართველოს მთავრობის 2015 წლის 25 აგვისტოს №1782 განკარგულებაში ცვლილების შეტანის თაობაზე

საქართველოს მთავრობის

განკარგულება №2553

2015 წლის 27 ნოემბერი

ქ. თბილისი

„ზოგიერთი საჯარო სამართლის იურიდიული პირის მიერ განსახორციელებელი ღონისძიებების შესახებ“ საქართველოს მთავრობის 2015 წლის 25 აგვისტოს №1782 განკარგულებაში ცვლილების შეტანის თაობაზე

1. საქართველოს ზოგადი ადმინისტრაციული კოდექსის 63-ე მუხლის შესაბამისად, „ზოგიერთი საჯარო სამართლის იურიდიული პირის მიერ განსახორციელებელი ღონისძიებების შესახებ“ საქართველოს მთავრობის 2015 წლის 25 აგვისტოს №1782 განკარგულებაში შეტანილ იქნეს ცვლილება და განკარგულების პირველი პუნქტი ჩამოყალიბდეს შემდეგი რედაქციით:

„1. „საჯარო სამართლის იურიდიული პირის შესახებ“ საქართველოს კანონის მე-13 მუხლის 2² პუნქტის საფუძველზე, ამ პუნქტის „ა“-„გ“ ქვეპუნქტებში მითითებულმა საჯარო სამართლის იურიდიულმა პირებმა 2015 წლის პირველ დეკემბრამდე უზრუნველყონ მათთვის კანონმდებლობით ნებადართული (საკუთარი) შემოსავლებით მიღებული სახსრებიდან, ამავე ქვეპუნქტებით განსაზღვრული თანხის სახელმწიფო ბიუჯეტში მიმართვა:

ა) სსიპ - შემოსავლების სამსახურმა - 1 000 000 (ერთი მილიონი) ლარი;

ბ) სსიპ - საქართველოს შინაგან საქმეთა სამინისტროს მომსახურების სააგენტომ - 1 000 000 (ერთი მილიონი) ლარი;

გ) სსიპ - საჯარო რეესტრის ეროვნულმა სააგენტომ - 3 000 000 (სამი მილიონი) ლარი.“.

პრემიერ-მინისტრი                                                                              ი. ღარიბაშვილი