საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტოსათვის ქონების გაცვლაზე თანხმობის მიცემის თაობაზე

საქართველოს მთავრობის

განკარგულება №2547

2015 წლის 27 ნოემბერი

ქ. თბილისი

საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ - სახელმწიფო ქონების ეროვნული სააგენტოსათვის ქონების გაცვლაზე თანხმობის მიცემის თაობაზე

1. „სახელმწიფო ქონების შესახებ“ საქართველოს კანონის მე-3 მუხლის მე-5 პუნქტის შესაბამისად, საქართველოს ეკონომიკისა და მდგრადი განვითარების სამინისტროს სისტემაში შემავალ სსიპ - სახელმწიფო ქონების ეროვნულ სააგენტოს მიეცეს თანხმობა,  შპს „თარაზოს“ (ს/კ:  №405056424) საკუთრებაში გადასცეს სახელმწიფო საკუთრებაში არსებული,  ქ. თბილისში, გლდანის მასივში, ხიზანიშვილის ქუჩაზე, №31 პოლიკლინიკის წინ (ნაკვეთი 13/027) მდებარე 400 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №01.11.12.013.038),  შპს „თარაზოს“ საკუთრებაში არსებული, ქ. თბილისში, ლუბლიანას ქუჩის დასაწყისში (ნაკვეთი 22/126) მდებარე 339 კვ.მ არასასოფლო-სამეურნეო დანიშნულების მიწის ნაკვეთის და მასზე განთავსებული შენობა-ნაგებობების: №1, საერთო ფართობით - 73,95 კვ.მ,  №2, საერთო ფართობით - 34,33 კვ.მ, საზაფხულო ფართი - 158,13 კვ.მ, აგრეთვე ნაგებობა №3 (მიწის (უძრავი ქონების) საკადასტრო კოდი: №01.13.01.022.126) უფლებრივი ტვირთისგან, მათ შორის, მესამე პირ(ებ)ის იპოთეკის უფლებისგან თავისუფალ მდგომარეობაში, სახელმწიფო საკუთრებაში გადაცემის სანაცვლოდ.

2.   ამ განკარგულების პირველი პუნქტით განსაზღვრული გაცვლის პირობებად განისაზღვროს:

ა) შპს „თარაზომ“ უარი განაცხადოს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს 2015 წლის 13 ივლისის  №004057415 და 2015 წლის 10 სექტემბრის №005372115 დასკვნებით დადგენილი, ამ პუნქტით გათვალისწინებული უძრავი ქონების საბაზრო ღირებულებებს შორის არსებული სხვაობის - 75 153 (სამოცდათხუთმეტი  ათას ას ორმოცდაცამეტი) ლარის ანაზღაურების მოთხოვნაზე;

ბ) შპს „თარაზომ“, შესაბამისი ხელშეკრულების გაფორმებიდან 1 (ერთი) წლის ვადაში, ქ. თბილისის მუნიციპალიტეტის მერიის შესაბამის სამსახურებთან შეთანხმებით, მოაწყოს სკვერი თბილისის მუნიციპალიტეტის საკუთრებაში არსებულ, ქ. თბილისში, გლდანის მასივში, ავტომოყვარულთა ფედერაციის მიმდებარედ, 804 კვ.მ არასასოფლო-სამეურნეო დანიშნულების მიწის ნაკვეთზე (მიწის (უძრავი ქონების) საკადასტრო კოდი:  №01.11.12.008.011).

3.    საქართველოს ეკონომიკისა და მდგრადი განვითარების სამინისტროს სისტემაში შემავალმა სსიპ - სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული ღონისძიების განხორციელება.

პრემიერ-მინისტრი                                                                 ი. ღარიბაშვილი