სახელმწიფო საკუთრებაში არსებული უძრავი ქონების შპს „აბაშის მერძევეობის ფერმისათვის“ პირდაპირი მიყიდვის ფორმით პრივატიზების შესახებ

საქართველოს მთავრობის

განკარგულება №2455

2015 წლის 19 ნოემბერი

ქ. თბილისი

სახელმწიფო საკუთრებაში არსებული უძრავი ქონების  შპს „აბაშის მერძევეობის ფერმისათვის“ პირდაპირი მიყიდვის ფორმით პრივატიზების შესახებ

1. „სახელმწიფოქონებისშესახებ“საქართველოსკანონისმე-18მუხლისმე-3პუნქტის შესაბამისად,სახელმწიფო საკუთრებაში არსებული, აბაშის მუნიციპალიტეტში, სოფელ სუჯუნაში მდებარე 5 917 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №40.12.41.089) და 4 407 კვ.მ არასასოფლო-სამეურნეო დანიშნულების მიწის ნაკვეთი (მიწის (უძრავი ქონების) საკადასტრო კოდი: №40.12.41.088) პირდაპირი მიყიდვის ფორმით, 10 330 (ათი ათას სამას ოცდაათი) ლარად საკუთრებაში გადაეცეს შპს „აბაშის მერძევეობის ფერმას“ (ს/კ: №422431032).

2. ამ განკარგულების პირველი პუნქტით გათვალისწინებული უძრავი ქონების საპრივატიზებოპირობებადგანისაზღვროს:

ა) საპრივატიზებო თანხის გადახდა შესაბამისი ხელშეკრულების გაფორმებიდან 30 (ოცდაათი) კალენდარულ დღეში;

ბ) „სახელმწიფო საკუთრებაში არსებული უძრავი ნივთების შპს „საქართველოს მიწის კორპორაციისათვის“ პირდაპირი მიყიდვის ფორმით პრივატიზების შესახებ“ საქართველოს მთავრობის 2014 წლის 31 ოქტომბრის №1955 განკარგულების მე-2 პუნქტის „ბ“ ქვეპუნქტით განსაზღვრული ვალდებულების შესრულება;

გ) შესაბამისი ხელშეკრულების გაფორმებიდან არაუმეტეს 6 (ექვსი) თვის ვადაში, ამ განკარგულების პირველი პუნქტით გათვალისწინებულ უძრავ ქონებაზე არსებული სადრენაჟე არხ(ებ)ის მოვლა-ექსპლუატაციის თაობაზე, შპს „საქართველოს მელიორაციასთან“ (ს/კ: №204524568) შესაბამისი ხელშეკრულების გაფორმება, რომლითაც შპს „აბაშის მერძევეობის ფერმის“ ვალდებულებად განისაზღვრება მის მიერ სადრენაჟე არხ(ებ)ის გადატანის ან/და ამ არხ(ებ)თან/არხ(ებ)ზე განსახორციელებელი მშენებლობის პროექტ(ებ)ის შპს „საქართველოს მელიორაციასთან“ შეთანხმება და სადრენაჟე არხ(ებ)ის გადატანის ხარჯების სრულად გაწევა.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, უზრუნველყოს კანონმდებლობით გათვალისწინებული შესაბამისი ღონისძიებების განხორციელება.

პრემიერ-მინისტრი                                 ირაკლი ღარიბაშვილი