"ხულოს მუნიციპალიტეტის საკრებულოს 2015 წლის ადგილობრივი ბიუჯეტის დამტკიცების შესახებ" ხულოს მუნიციპალიტეტის საკრებულოს 2014 წლის 25 დეკემბრის N32 დადგენილებაში ცვლილებების შეტანის შესახებ

ა) განისაზღვროს მუნიციპალიტეტის ბიუჯეტის არაფინანსური აქტივების ზრდა 5 162 864  ლარის ოდენობით, თანდართული რედაქციით:

ბ) განისაზღვროს მუნიციპალიტეტის ბიუჯეტის არაფინანსური აქტივების კლება 0 ათასი ლარის ოდენობით:

2.   განისაზღვროს  მუნიციპალიტეტის ბიუჯეტის ფინანსური აქტივების კლება 1 889 242 ლარის ოდენობით.

     ბოლო დროს გახშირებული მიწისძვრის, სახანძრო და სხვა უბედური შემთხვევების პრევენციის მიზნით აუცილებელია საგანგებო სიტუაციების მართვის სააგენტოს უზრუნველყოფა ფინანსური რესურსით (სუბსიდიით), რადგანაც  შეძლებელი იყოს სრულყოფილი და წარმატებული მუშაობა.  

საქართველოს შეიარაღებული ძალების საბრძოლო მზადყოფნის ამაღლებისათვის ხულოს მუნიციპალიტეტში ხორციელდება  წვევამდელთა გაწვევის პუნქტებამდე ტრანსპორტირების უზრუნველყოფა.

1.1 საგანგებო სიტუაციების მართვა – (პროგრამული კოდი 02 01)

    ბოლო დროს გახშირებული მიწისძვრების, სახანძრო და სხვა უბედური შემთხვევების პრევენციის მიზნით აუცილებელია მუნიციპალიტეტის გამგეობის მიერ საგანგებო სიტუაციების მართვის სააგენტოს უზრუნველყოფა ფინანსური რესურსით (გრანტები), რითაც შესაძლებელი იქნება მუნიციპალიტეტის მოსახლეობის კიდევ უფრო მეტად დაცვა სხვადასხვა უბედური შემთხვევებისაგან.

1.2 ქვეყნის თავდაცვისუნარიანობის ამაღლების ხელშეწყობა-მობილიზაციის, სამხედრო აღრიცხვისა და გაწვევის სამსახური (პროგრამული კოდი 02 02)

 საქართველოს შეიარაღებული ძალების საბრძოლო მზადყოფნის ამაღლებისათვის ხულოს მუნიციპალიტეტში ხორციელდება წვევამდელთა აღრიცხვა, გაწვევის პუნქტებამდე ტრანსპორტირების უზრუნველყოფა.

2. ინფრასტრუქტურის მშენებლობა, რეაბილიტაცია და ექსპლოატაცია (პროგრამული კოდი 03 00)

 მუნიციპალიტეტის ეკონომიკური განვითარებისათვის აუცილებელ პირობას წარმოადგენს მუნიციპალური ინფრასტრუქტურის შემდგომი გაუმჯობესება.  აღნიშნული მიმართულება ბიუჯეტის ერთ-ერთ მთავარ პრიორიტეტს წარმოადგენს. პრიორიტეტის ფარგლებში გაგრძელდება ინფრასტრუქტურის გამართვა-კეთილმოწყობის, გარე განათების, გამწვანების, სანიტარიული დასუფთავების, სანიაღვრე არხების და კანალიზაციის მომსახურების სამუშაოები, ასევე განხორციელდება არსებული ინფრასტრუქტურის მოვლა-შენახვა და მის ექსპლოატაციასთან დაკავშირებული ხარჯების დაფინანსება.

2.1 ბეშუმის იალაღებზე საცალფეხო ხიდების მოწყობა (პროგრამული კოდი 03  01 01)

 იმის გათვალისწინებით, რომ ხულოს მუნიციპალიტეტი მაღალმთიანი რეგიონია და მოსახლეობა მთლიანად დამოკიდებულია სოფლის მეურნეობასა და მესაქონლეობაზე, ამიტომ მოსახლეობა წელიწადის ექვს თვეს მთლიანად ატარებს საზაფხულო იალაღებზე, სადაც ჭირდებათ შესაბამისი ინფრასტრუქტურის მოწესრიგება, რაც გაამარტივებს მათ ცხოვრების პირობებს. დაგეგმილია ორი ერთეული საცალფეხო ხიდის მოწყობა.

2.2  ბეღლეთი-ბოძაურის დამაკავშირებელი საცალფეხო ხიდის რეაბილიტაცია (პროგრამული კოდი 03  01 02)

  აღნიშნული სოფლები ერთმანეთთან დაკავშირებულია, როგორც საავტომობილო ასევე საცალფეხო ხიდით. გამომდინარე იქიდან, რომ საავტომობილო ხიდი შორი გზით აკავშირებს სოფლებს ერთმანეთთან ამიტომ მოსახლეობა ფეხით გადაადგილებისათვის იყენებს საცალფეხო ხიდს, რომელის მოძველებულია და საჭიროა მისი რეაბილიტაციას. შედეგად მივიღებთ აღნიშნული სოფლებისათვის უსაფრთხო და რეაბილიტირებულ ინფრასტრუქტურას.

2.3  ხულო-ბეშუმის, ღორჯომი-ზორტიყელის მიმართულებით მგზავრთა გადაყვანის მომსახურების პროგრამა (პროგრამული კოდი 03  01 03)

 – მოსახლეობის თხოვნით დაგეგმილია ხულო-ბეშუმი, ღორჯომი-ზორტიყელის მიმართულებით უფასო მიკრო ავტობუსების დანიშვნა, რომლის აუცილებლობაც გამოწვეულია მგზავრთა სიმრავლით. პროგრამა იფუნქციონირებს მანამ სანამ მოსახლეობა იმყოფება სამთო იალაღებზე.

2.4 ა(ა)იპ „ხულო-თაგოს” ბაგირგზა (პროგრამული კოდი 03 02)

 ხულოს მუნიციპალიტეტი გამოირჩევა თავისი რთული რელიეფური მდებარეობით, მათ შორის განსაკუთრებულად დიდ სირთულეს წარმოადგენს სოფელ თაგოს მოსახლეობისათვის დაბა ხულოსთან დამაკავშირებელი გზით სარგებლობა, რამაც შექმნა „ხულო-თაგოს” სატვირთო-სამგზავრო ბაგირგზის არსებობის აუცილებლობა. აღნიშნული ტრანსპორტით სარგებლობს, როგორც მუნიციპალიტეტის მოსახლეობა, ასევე დიდ მოწონებას და ინტერესს იწვევს ტურისტულ ჯგუფებშიც. ბაგირგიზის ექსპლოატაციას და ობიექტის გამართულ მუშაობას უზრუნველყობს ა(ა)იპ „ხულო-თაგოს“ ბაგირგზა. ბაგირგზის მცირე შემოსავლების გამო (20 თეთრი) მის ფუნქციონირებას ფინანსურად უზრუნველყოფს მუნიციპალიტეტი.

2.5 კომუნალური ინფრასტრუქტურის მშენებლობა-რეაბილიტაცია და ექსპლოატაცია  (პროგრამული კოდი 03 03)

 პროგრამის ფარგლებში განხორციელდება გარე განათების  არსებული ქსელის მოვლა-შენახვა და დაფინანსდება მის ექსპლოატაციასთან დაკავშირებული ხარჯები. უზრუნველყოფილი იქნება მუნიციპალიტეტის დასუფთავება, მაწანწალა ცხოველებისგან დაცვა, წყლის სისტემების მოვლის ღონისძიებები, საპროექტო-საკადასტრო სამუშაოები, სანიაღვრე და საკანალიზაციო სისტემების მოვლა-შენახვა, სხვადასხვა ინფრასტრუქტურული ობიექტების მიმდინარე შეკეთების სამუშაოები და ქუჩების მოვლის ღონისძიებები.

2.5.1 საბინაო ამხანაგებობის ხელშეწყობა(პროგრამული კოდი 03 03 01)

ქვეპროგრამა ითვალისწინებს საბინაო ამხანაგობებზე ხელშეწყობას, კერძოდ სადარბაზოების კეთილმოწყობას.

2.5.2 გარე განათების მოწყობა, რეაბილიტაცია და ექსპლოატაცია (პროგრამული კოდი 03 03 02)

 პროგრამით  გათვალისწინებულია მუნიციპალიტეტის ტერიტორიაზე არსებული გარე განათების ქსელების სრულყოფა, ენერგიის დაზოგვისაკენ მიმართული ღონისძიებების დანერგვა, განათების თანამედროვე წყაროების, ახალი მასალების გამოყენება. ასევე ხორციელდება სამთო იალაღებზე ელექტრო ენერგიის მიწოდებისათვის საჭირო სხვადასხვა მასალების შეძენა.

2.5.3  დაბა ხულოსა და სასოფლო ცენტრების გარე განათების მოვლა-ექპლოატაციის პროგრამა (პროგრამული კოდი 03 03 02 01)

 „დაბა ხულოსა და სასოფლო ცენტრების გარე განათების მოვლა-ექპლოატაციის“ პროგრამით გათვალისწინებულია მუნიციპალიტეტის ტერიტორიაზე არსებული გარე განათების ქსელების სრულყოფა, ენერგიის დაზოგვისაკენ მიმართული ღონისძიებების დანერგვა, განათების თანამედროვე წყაროების, ახალი მასალების გამოყენება, ღამით უსაფრთხოებისათვის ხელის შეწყობა. გათვალისწინებულია მუნიციპალიტეტის 76 დასახლებულ პუნქტში 2806-მდე წერტილის მომსახურება.

2.5.4 მთა ფაფარაში ელექტრო ენერგიის მიყვანისათვის საჭირო მასალების შეძენა (პროგრამული კოდი 03 03 02 02)

  ქვეპროგრამა ითვალისწინებს მთა ფაფარაში მოიალაღეებისათვის ელექტრო ენერგიის მიყვანისათვის საჭირო მასალების შეძენას, სადაც მოიალაღეები წელიწადის თითქმის ოთხ თვეზე მეტს ატარებენ.

2.5.5 მუნიციპალიტეტის იალაღებზე ახალი ელექტრო ენერგიის ქსელის მოწყობისა და არსებულის რეაბილიტაციისათვის ბოძების შეძენა (პროგრამული კოდი 03 03 02 03)

ქვეპროგრამა ითვალისწინებს მუნიციპალიტეტის იმ მთებში ელექტრო ენერგიის ქსელის მოწყობას, სადაც დღემდე არ არის ელექტრო ენერგია. ქვეპროგრამის აუცილებლობა გამოწვეულია მოსახლეობისათვის უფრო მარტივი და სრულყოფილი ცხოვრების პირობების შექმნის მიზნით. ასევე გათვალისწინებულია სხვადასხვა მთებში არსებული ელექტრო ენერგიის ქსელის რეაბილიტაციისათვის ბოძების შეძენა.

2.5.6  სანიტარიული დასუფთავება (პროგრამული კოდი 03 03 03)

 მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო და ეკოლოგიურად სუფთა სანიტარიული მდგომარეობის უზრუნველყოფა. შესაბამისად პროგრამის ფარგლებში გავალისწინებულია მუნიციპალიტეტის დაბის და თემის ცენტრებში ყოველდღიური დაგვა-დასუფთავება, საყოფაცხოვრებო ნარჩენების გატანა, სანაგვე ურნების შეძენა, კურორტ ბეშუმის ნაგავსაყრელის დასუფთავება.

2.5.7 დაბა ხულოსა და სასოფლო ცენტრების სანიტარიული დასუფთავების პროგრამა (პროგრამული კოდი 03 03 03 01)

 მუნიციპალიტეტის ერთ-ერთ მთავარ ფუნქციას წარმოადგენს კეთილსაიმედო და ეკოლოგიურად სუფთა სანიტარიული მდგომარეობის უზრუნველყოფა. შესაბამისად ქვეპროგრამის ფარგლებში გათვალისწინებულია მუნიციპალიტეტის დაბის და თემის ცენტრებში ყოველდღიური დაგვა-დასუფთავება, ასევე მწვანე საფარის დასუფთავება და საყოფაცხოვრებო ნარჩენების გატანა. ზამთრის პერიოდში განხორციელდება ტერიტორიის დასუფთავება ჭარბი თოვლისა და ყინულისაგან.

2.5.8 კურორტ ბეშუმის ნაგავსაყრელის დასუფთავება (პროგრამული კოდი 03 03 03 02)

  კურორტი ბეშუმი თავისი ტერიტორიული მდებარეობით ძალიან ბევრ ტურისტსა და დამსვენებელს იზიდავს ზაფხულის საკურორტო სეზონის დროს. შესაბამისად კურორტი თავისი ეკოლოგიური მდგომარეობით სრულად უნდა აკმაყოფილებდეს იმ საჭიროებებს, რაც აუცილებელია  კურორტის სრულყოფილი მუშაობისათვის. ქვეპროგრამა ფარგლებში განხორციელდება კურორტ ბეშუმის ტერიტორიაზე არსებული ნაგავსაყრელის დასუფთავებას.

2.5.9 სანაგვე ურნების შეძენა (პროგრამული კოდი 03 03 03 03)

 ქვეპროგრამის ფარგლებში განხორციელდება დაბა ხულოს ტერიტორიაზე სანაგვე ურნების განთავსება, რითაც კიდევ უფრო გაუმჯობესდება დაბის ტერიტორიის ეკოლოგიური და სანიტარიული მდგომარეობის უზრუნველყოფა.

2.5.10 უპატრონო და მაწანწალა ცხოველების გაუვნებლობის პროგრამა (პროგრამულიკოდი 03 03 04)

  მუნიციპალიტეტის ტერიტორიაზე უპატრონო და მაწანწალა ცხოველების რაოდენობა ბოლო წლებში მატულობს, რაც საშიში დაავადებების გავრცელების საფრთხეს ქმნის. ქვეპროგრამის ფარგლებში განხორციელდება ცხოველების იზოლირება, რითაც უზრუნველყოფილი იქნება მათი რაოდენობის მინიმუმამდე დაყვანა და შესაძლო საფრთხეების თავიდან აცილება.

2.5.11  ა(ა)იპ ხულოს წყალკანალი (პროგრამული კოდი 03 03 05)

 ა(ა)იპ „ხულოს წყალკანალის“ მეშვეობით ხორციელდება დაბა ხულოსა და მიმდებარე სოფლების სასმელი წყლით მომარაგება. დაბა ხულოში სასმელი წყლის მიწოდება ხდება ყველა ოჯახზე, თუმცა მომარაგება ჯერჯერობით 24 საათიანი რეჟიმით არ ხორციელდება. მუნიციპალიტეტში ფუნქციონირებს 26 წყალსადენი. დაბის წყალსადენის გარდა ყველა წყალსადენი 24 საათიანი რეჟიმით უზრუნველყოფს წყლის მიწოდებას.                                     

2.5.12 წყალსადენების რეაბილიტაცია-რემონტი, სახანძრო ავზების მოწყობა (პროგრამული კოდი 03 03 06)

 – სათანადო კვლევების შემდეგ შემუშავდა და დაიგეგმა დაბა ხულოს წყალსადენის სრული რეაბილიტაცია, რაც ითვალისწინებს 24 საათიან წყალმომარაგებას და მიწოდებული წყლის ხარისხის სტანდარტებთან შესაბამისობის უზრუნველყოფას. პროგრამა ხორციელდება 2014 წლიდან და მისი სრული რეაბილიტაცია გათვალისწინებულია 2015 წლის ბოლოსათვის.

– დაგეგმილია სოფელ ჭერში სასმელი წყლის სისტემის მოწყობა, რადგან სოფლის მოსახლეობას სრულყოფილად დღემდე არ მიეწოდება სასმელი წყალი. აღნიშნული ღონისძიების განხორციელების შემდეგ შესაძლებელი იქნება სოფლის მოსახლეობისათვის 24 საათიანი სასმელი წყლის მიწოდება.

– სხალთის წყაროს შენობის და წყლის ფანტანის კეთილმოწყობა – სხალთის ადმინისტრაციული ერთეულის ცენტრში არსებული წყაროს შენობა მოძველებულია და თითქმის ვერ ასრულებს თავის ფუნქციურ დანიშნულებას. ეს არის ადგილი სადაც განთავსებულია თითქმის ყველა ადმინისტრაციული ობიექტი  და სადაც ხდება მოსახლეობის თავშეყრა, შესაბამისად აუცილებელი საჭიროებაა აღნიშნული ობიექტის აღდგენა-კეთილმოწყობა.

– მუნიციპალიტეტის მჭიდროდ დასახლებულ სოფლებში დაგეგმილია სახანძრო ავზების მოწყობა, რაც სწრაფი მანევრის საშუალებას მოგვცემს და შესაძლებელს გახდის საგანგებო სიტუაციების თავიდან აცილებას, მათი შედეგების ლიკვიდაციას, მოსახლეობისა და გარემოს სახანძრო უსაფრთხოების უზრუნველყოფას.

 – თხილაძირის სასმელი წყლის სისტემის მოწყობა – რაც გააუმჯობესებს მოსახლეობის  სასმელი წყლით მომარაგების მდგომარეობას.

 – სასმელი წყლის მილების შეძენა – სოფელ ოქრუაშვილების და ღორჯომის მოსახლეობის მოთხოვნებიდან გამომდინარე დაგეგმილია სასმელი წყლის მილების შეძენა (როგორც პლასტმასის ასევე ლითონის), რითაც გაუმჯობესდება მოსახლეობის წყლით მომარაგების მდგომარეობა.

2.5.13 საპროექტო-საკადასტრო აზომვები და საექსპერტო მომსახურება სამუშაოები (პროგრამულიკოდი 03 03 07)

  ქვეპროგრამის ფარგლებში დაგეგმილია საჯარო რეესტრში მუნიციპალიტეტის საკუთრებაში დასარეგისტრირებელი შენობა-ნაგებობების და მიწის ნაკვეთების აზომვითი სამუშაოები, მიმდინარე და შემდგომი წლის პრიორიტეტული ღონისძიებების საპროექტო დოკუმენტაციის მომზადება. ასევე საპროექტო დოკუმენტაციის და სტიქიის შედეგად დაზარალებულ ოჯახების საცხოვრებელი სახლების საექსპერტო მომსახურება.

2.5.14 სანიაღვრე არხების და კანალიზაციის რეაბილიტაციის და მოვლა-შენახვის ღონისძიებები (პროგრამული კოდი 03 03 08)

  – დაბაში არსებული სანიაღვრე და საკანალიზაციო ინფრასტრუქტურის გაწმენდისა და მიმდინარე შეკეთებითი სამუშაოებისათვის გათვალისწინებულია დაბა ხულოს სანიაღვრე არხების  მოვლა-შენახვა“- ს  პროგრამა.

– დაგეგმილია მუნიციპალიტეტის სხვადასხვა სოფლებში სანიაღვრე არხების მოწყობა. გარდა ამისა ხორციელდება არასამთავრობო ორგანიზაცია DIPEGHO-სა და Oqsfam – ის თანადაფინანსება, რითაც გათვალისწინებულია სანიაღვრე არხებისათვის სამშენებლო მასალების შეძენა. პროექტი ხორციელდება მუნიციპალიტეტის ოთხ სოფელში (ქვედა ვაშლოვანი, ტაბახმელა, ბეღლეთი ოქრუაშვილები) და ითვალისწინებს სანიაღვრე არხების მოწყობას.

– დაგეგმილია ბათუმი-ახალციხის საავტომობილო გზაზე გამავალი საკანალიზაციო მილების შეცვლა და სოფელ დეკანაშვილებში კანალიზაციის დამატებითი შტოების მოწყობა. ქვეპროგრამა ხორციელდება 2014 წლიდან და დასრულდება 2015 წელს.

– დაგეგმილია დეკანაშვილებში ცალკეულ უბნებზე სანიაღვრე არხების მოწყობა გოფრირებული მილებით.

– მოსახლეობის მოთხოვნით 2014 წელს განხორციელდა სოფელ ბაკოში არსებულ ტბასთან დრენაჟის მოწყობა, რომლის სამშენებლო სამუშაოების დასრულება და ექსპერტიზის დასკნის წარმოდგენა წლის ბოლომდე ვერ მოხდა, შესაბამისად მიმდინარე წლის ბიუჯეტიდან უნდა განხორციელდე შესრულებული სამუშაოების ღირებულების ანაზღაურება.

– დაგეგმილია სოფელ გორგაძეებსა და ლაბაიძეეს შორის გზის მონაკვეთზე გოფრირებული მილების მოწყობა.

– ბეტონის სანიაღვრე არხების შეძენა მუნიციპალიტეტის შიდა სასოფლო გზებისათვის – მუნიციპალიტეტის სხვადასხვა სოფლებში სადაც გზის სავალი ნაწილი ზიანდება უხვი ნალექის დროს და შესაბამისად მუნიციპალიტეტს  ხშირად უხდება მისი რეაბილიტაციისათვის დამატებით ხარჯის გაწევა, გამომდინარე აქედან შეიქმნა აუცილებლობა ბეტონის სანიაღვრე არხების შეძენის.

2.5.15 ინფრასტრუქტურის ობიექტების მოვლა-შენახვის პროგრამა (პროგრამული კოდი 03 03 09)

 ქვეპროგრამის ფარგლებში დაგეგმილია მუნიციპალიტეტის ტერიტორიაზე არსებული ინფრასტრუქტურის ობიექტების მიმდინარე შეკეთებითი  სამუშაოები, ასევე ზამთრის პერიოდში დაბის ქუჩების  თოვლის საფარისაგან გაწმენდა.

2.6  მუნიციპალიტეტის კეთილმოწყობის ღონისძიებები (პროგრამული კოდი 03 04)

  პროგრამის ფარგლებში დაგეგმილია სოფელ კალოთის საჯარო სკოლის მიმდებარე ტერიტორიაზე საყრდენი კედლის მშენებლობა, ბაკოსა და მთისუბანში სელიმ ხიმშიაშვილის თავის მოკვეთის ადგილის და შერიფ ხიმშიაშვილის სასაფლაოს მიმდებარე ტერიტორიის კეთილმოწყობა, საბაგიროდან განახლების მიმართულებით  კიბეების მშენებლობა, კიბეების მშენებლობა და სკამების მონტაჟი დაბაში, დიდაჭარაში სკოლის და ბაგა-ბაღის მიმდებარე ტერიტორიაზე საყრდენი კედლების მოწყობა (გარდამავალი), ფუშრუკაულის ადმინისტრაციული შენობის ეზოს კეთილმოწყობა, საყრდენი კედლების მოწყობა დაბაში, ხიხაძირის ადმინისტრაციული შენობის ეზოს კეთილმოწყობა, აღმაშენებლისა და ხიმშიაშვილის ქუჩებს შორის დამაკავშირებელი კიბის და გარე განათების მოწყობა, სკვერების და ქუჩების გამწვანების სამუშაოები, დაბაში თეატრონის ნაგებობის რეაბილიტაცია (გარდამავალი), მოსაცდელების მშენებლობა, მუნიციპალური შენობის მშენებლობა-რეაბილიტაცია დაბაში, ფუშრუკაულის თემის ადმინისტრაციული შენობის მშენებლობა, მუნიციპალური შენობების გამრიცხველიანება, დაბა ხულოს არქივის შენობის ფასადის კედლების მოჩარჩოება  ლითონის ფურცლებით, საპირფარეშოს მშენებლობა ღორჯომში და კურორტ ბეშუმში, გამგეობის გენერატორისათვის სათავსოს მოწყობა, დაბა ხულოში აბუსერიძის ქ. №3- ში მდებარე შენობის შესასვლელის კეთილმოწყობა და მუნიციპალიტეტის სხვა საზოგადოებრივი დანიშნულების ობიექტების პანდუსების მოწყობა.

2.6.1 მუნიციპალური სკვერების, ქუჩებისა და ფასადების მოწყობა (პროგრამული კოდი 03 04 01)

  – ქვეპროგრამის ფარგლებში დაგეგმილია სოფელ კალოთის საჯარო სკოლის მიმდებარე ტერიტორიაზე საყრდენი კედლის მშენებლობა, რაც აუცილებელი სკოლის უსაფრთხოდ ფუნქციონირებისათვის, რადგანაც სკოლასთან ახლოს არსებულმა მდინარემ შესაძლებელია გამოიწვიოს ეროზიის პროცესები.  

  – დაგეგმილია ბაკოსა და მთისუბანში სელიმ ხიმშიაშვილის თავის მოკვეთის ადგილის და შერიფ ხიმშიაშვილის სასაფლაოს მიმდებარე ტერიტორიის კეთილმოწყობა. ადგილი გამოირჩევა თავისი მნახველების სიმრავლით, დიდი ინტერესით სარგებლობს, როგორც ტურისტულ ნაკადებში ასევე ადგილობრივ დამთვალიერებლებში, რამაც შექმნა აუცილობლობა აღნიშნული ტერიტორიის კეთილმოწყობის.

 – დაგეგმილია ხულო-თაგოს ბაგირგზის მიმდებარე ტერიტორიიდან განახლების მიმართულებით  კიბეების მშენებლობა. ბილიკი რომლითაც დღემდე სარგებლობს სოფელ განახლების მოსახლეობა თითქმის ვეღარ ასრულებს თავის ფუნქციას, რადგანაც კლდოვანი ციცაბო ფერდობი  შეუძლებელს ხდის მოსახლეობის ფეხით გადადადგილებას, არადა ეს ბილიკი ერთერთი ახლო დამაკავშირებელი საშუალებაა დაბასთან, ხოლო კიბეების მშენებლობის შემდეგ შესაძლებელი იქნება მოსახლეობის მარტივი და უსაფრთხო გადაადგილება.

  – დაგეგმილია კიბეების მშენებლობა და სკამების მონტაჟი დაბაში  (სამხატვრო გალერიიდან პოლიციის შენობამდე). აღნიშნული გზის მონაკვეთის ცენტრალური მდებარეობიდან გამომდინარე სარგებლობს დაბის მოსახლეობის დიდი ნაწილი მიუხედავად იმისა, რომ გზა გრუნტია და გადაადგილება ჭირს. შესაბამისად აუცილებელია აღნიშნულ მონაკვეთზე კიბეების მშენებლობა, რათა მოსახლეობას მიეცეს ნორმალური და უსაფრთხო ფეხით გადადგილების საშუალება. ასევე დაგეგმილია სკამების მონტაჟი დაბის სხვადასხვა პარკებსა და უბნებში.

 – 2014 წელს მიმდინარეობდა საყრდენი კედლების მოწყობის სამუშაოები დაბაში, რომლის სამშენებლო სამუშაოების დასრულება და ექსპერტიზის დასკნის წარმოდგენა წლის ბოლომდე ვერ მოხდა, შესაბამისად მიმდინარე წლის ბიუჯეტიდან უნდა განხორციელდე შესრულებული სამუშაოების ღირებულების ანაზღაურება.

– დაგეგმილია სოფელ დიდაჭარაში სკოლის და ბაგა-ბაღის მიმდებარე ტერიტორიაზე საყრდენი კედლების მოწყობა, რაც აუცილებელია აღნიშნული შენობების უსაფრთხოებისათვის. ქვეპროგრამა ხორციელდება 2014 წლიდან და დასრულდება 2015 წელს.

–   დაგეგმილია ხიხაძირის ადმინისტრაციული შენობის ეზოს კეთილმოწყობა.

–   დაგეგმილია ფუშრუკაულის ადმინისტრაციული შენობის ეზოს კეთილმოწყობა.

– აღმაშენებლისა და ხიმშიაშვილის ქუჩებს შორის დამაკავშირებელი კიბის და გარე განათების მოწყობა – აღნიშნული ღონისძიება დაგეგმილია მოსახლეობის თხოვნის საფუძველზე, რაც მოგვცემს არსებული ტერიტორიის კეთილმოწყობის და ამ ტერიტორიაზე მცხოვრები მოსახლეობისათვის მოსახერხებელი ინფრასტრუქტურული გარემოს შექმნის საშუალებას.

2.6.2 დაბა ხულოსა და მიმდებარე ტერიტორიის გამწვანების პროგრამა (პროგრამული კოდი 03 04 02)

 ქვეპროგრამის ფარგლებში განხორციელდება არსებული პარკების, სკვერების და მოედნების გამწვანება მოვლა-შენახვა, შადრევნების მოვლა-შენახვა, ერთწლიანი სეზონური ყვავილების შეძენა–მოვლა, ხეებისა და ბუჩქების გასხვლა-გაფორმება, კეთილმოწყობილი დაბის სკვერისათვის დეკორატიული მცენარეების შეძენა.

2.6.3       მუნიციპალური შენობების მშენებლობა–რეაბილიტაცია (პროგრამული კოდი 03 04 03)

  – დაბაში თეატრონის ნაგებობის რეაბილიტაცია – გათვალისწინებულია ამორტიზირებული და ძველი კონსტრუქციის დაშლა და მის ადგილას ახალი მსუბუქი კონსტრუქციის მოწყობა თანამედროვე არქიტექტურით და ადრინდელი ფუნქციების შენარჩუნებით. ქვეპროგრამა ხორციელდება 2014 წლიდან და დასრულდება 2015 წელს.

  – 2014 წელს მიმდინარეობდა ფუშრუკაულის თემის ადმინისტრაციული შენობის მშენებლობა, რომლის სამშენებლო სამუშაოების დასრულება და ექსპერტიზის დასკნის წარმოდგენა წლის ბოლომდე ვერ მოხდა, შესაბამისად მიმდინარე წლის ბიუჯეტიდან უნდა განხორციელდე შესრულებული სამუშაოების ღირებულების ანაზღაურება.

  – მოსაცდელების მშენებლობა (გუდასახო, ტუნაძეები, კურორტი ბეშუმი) – მუნიციპალიტეტის აღნიშნულ სოფლებს  და კურორტ ბეშუმს არ გაჩნიათ მგზავრთა მოსაცდელი, რის გამოც მგზავრებს ტრანსპორტზე ლოდინი უხდებათ ღია ცის ქვეშ. დაგეგმილია სამი ერთეული მოსაცდელის მშენებლობა სოფელ გუდასახოში, ტუნაძეებში და კურორტ ბეშუმში.

  – მუნიციპალური შენობების გამრიცხველიანება– ბოლო წლებში სოფლის პროგრამით აშენებული სოფლის სახლები და სხვა ნაგებობები, აგრეთვე მუნიციპალიტეტის ცალკეული ადმინისტრაციული  შენობები საჭიროებს ელექტრო ენერგიით უზრუნველყოფას და შესაბამისად გამრიცხველიანებას.

  – საპირფარეშოს მშენებლობა ღორჯომში – ღორჯომის ცენტრში, სადაც ხდება მოსახლეობის თავშეყრა და განთავსებულია თემის ყველა ძირითადი შენობა-ნაგებობა დღემდე, არ არსებობს საზოგადოებრივი საპირფარეშო. დაგეგმილია ორწერტილიანი ერთი ერთეული საპირფარეშოს მშენებლობა.

  -  საპირფარეშოს მშენებლობა კურორტ ბეშუმში – კურორტ ბეშუმში თავისი მოიალაღეებისა და დამსვენებლების სიმრავლის მიუხედავად დღემდე არ არის საზოგადოებრივი საპირფარეშო. დაგეგმილია ორი ერთეული საპირფარეშოს მშენებლობა.

  – მუნიციპალური შენობის მშენებლობა-რეაბილიტაცია დაბაში – დაბაში არ მოიძებნება ისეთი სახის შენობა-ნაგებობა სადაც შესაძლებელი იქნება საწრაფო სამედიცინო ცენტრის განთავსება, რისთვისაც შეიქმნა აუცილებლობა მუნიციპალური შენობის მშენებლობა-რეაბილიტაციის, რითაც შესაძლებელი გახდება შეექმნას საწრაფო სამედიცინო ცენტრს ნორმალური მუშაობის პირობები, ასევე მუნიციპალიტეტის მოსახლეობას გაეწიოს ხარისხიანი და სრულყოფილი სამედიცინო მომსახურება.

  – დაბა ხულოს არქივის შენობის ფასადის კედლების მოჩარჩოება  ლითონის ფურცლებით – შენობა წარმოადგენს კაპიტალურ ნაგებობას სადაც განთავსებულია სხვადასხვა ადმინისტრაციული სამსახურები, რომლის ფუნქციონირება და სრულყოფილი სახის შენარჩუნება აუცილებელია. იმისათვის, რომ აღნიშნულ შენობაში შესაძლებელი იყოს შიდა რემონტის ჩატარება საჭიროა  ფასადის კედლების მოჩარჩოება  ლითონის ფურცლებით, რაც უზრუნველყობს მის შემდგომ დაცვას დაზიანებისაგან.

  – გამგეობის გენერატორისათვის სათავსოს მოწყობა – დაგეგმილია არსებული გენერატორისათვის სათავსოს მოწყობა, რაც უზრუნველყობს მის იზოლირებას გარეშე პირთათვის, ასევე დაცული იქნება  ნალექისაგან.

  – დაბა ხულოში აბუსერიძის ქ N3- ში მდებარე შენობის შესასვლელის კეთილმოწყობა და მუნიციპალიტეტის სხვა საზოგადოებრივი დანიშნულების ობიექტების პანდუსების მოწყობა – მუნიციპალიტეტის ტერიტორიაზე არსებულ საზოგადოებრივ ობიექტებს უმრავლესობას არა აქვს  შეზღუდული შესაძლებლობის მქონე პირთა გადაადგილებისათვის საჭირო პანდუსებით უზრუნველყოფა. აღნიშნული პრობლემის მოსაგვარებლად მუნიციპალიტეტი უზრუნველყობს შშმ პირთათვის გადაადგილებისათვის საჭირო გარემოს შექმნას, რათა მათაც მიეცეთ საზოგადოებაში ნორმალური ინტეგრაციის საშუალება. ასევე დაგეგმილია აბუსერიძის ქ N3- ში მდებარე შენობის შესასვლელის კეთილმოწყობა.

2.7 მუნიციპალიტეტში ინფრასტრუქტურის ობიექტების აღდგენა-რეაბილიტაცია  - სოფლის მხარდაჭერის პროგრამა-(პროგრამული კოდი 03 05)

  გათვლისწინებულია მუნიციპალიტეტის ყველა სოფელში მოსახლეობის მიერ დაგეგმილი ღონისძიებების განხორციელება დამტკიცებული გეგმის მიხედვით.

3.   განათლება (პროგრამული კოდი 04 00)

  მომავალი თაობების აღზრდის მიმართულებით დაწყებითი და ზოგადი განათლების გარდა მნიშვნელოვანი როლი ენიჭება, ასევე სკოლამდელ განათლებას, რაც თვითმმართველი ერთეულის საკუთარ უფლებამოსილებებს განეკუთვნება და შესაბამისად მუნიციპალიტეტის ერთ-ერთ პრიორიტეტს წარმოადგენს, რომლის ფარგლებში მომდევნო წლებში განხორციელდება საბავშვო ბაღების ფუნქციონირებისათვის საჭირო ხარჯების დაფინანსება, მათი მშენებლობა–რეაბილიტაცია, ინვენტარით უზრუნველყოფა.

3.1 ა(ა)იპ ხულოს მუნიციპალიტეტის საბავშვო ბაღების გაერთიანება (პროგრამული კოდი 04 01)

  მუნიციპალიტეტში იფუნქციონირებს 11 საბავშვო ბაღი, სადაც დაწყებით სკოლამდელ განათლებას მიიღებს 440 ბავშვი. მუნიციპალიტეტი სრულად აფინანსებს ბაღების ფუნქციონირებასთან დაკავშირებულ ყველა ხარჯს, უზრუნველყობს სხვადასხვა ინვენტარით და ტექნიკით, რათა ბავშვებს მიეცეთ ნორმალური და სრულყოფილი განვითარების საშუალება.

3.2  საბავშვო ბაღების მშენებლობა-რემონტი  (პროგრამული კოდი 04 02)

  პროგრამა ითვალისწინებს მუნიციპალიტეტის ტერიტორიაზე საბავშვო ბაღების მშენებლობას და რემონტს. მიმდინარე წლისათვის დაგეგმილია საბავშვო ბაღის მშენებლობა სოფელ ვერნებში ერთ ჯგუფზე (25–30 ბავშვი), სოფელ ქედლებში (გარდამავალი) საბავშვო ბაგა-ბაღის მშენებლობა ორ ჯგუფზე (45–50 ბავშვი),  სოფელ ღურტაში (გარდამავალი) საბავშვო ბაღის მშენებლობა ორ ჯგუფზე (45–50 ბავშვი)  და  სოფელ კვატიაში (გარდამავალი) ერთ ჯგუფზე (25–30 ბავშვი). დაგეგმილია დაბა ხულოს საბავშვო ბაგა-ბაღის  და სოფელ ხიხაძირის საბავშვო ბაღის რემონტი, რაც უზრუნველყოფს სკოლანდელი აღზრდის ბავშვთა განვითარებას,  საერთო უნარ-ჩვევების ჩამოყალიბებას, ასევე ხელი შეეწყობა მოსახლეობის დასაქმებას და გაუმჯობესდება სოფლის მოსახლეობის სოციალ–ეკონომიკური მდგომარეობა. ასევე დაგეგმილია საციხურის საბავშვო ბაღის საევაკუაციო კიბისა და ეზოს კეთილმოწყობა, რაც აუცილებელია ბავშვთა უსაფრთხოებისა და ნორმალური ფუნქციონირებისათვის. გათვალისწინებულია 2014 წელს დაგეგმილი რიყეთში საბავშვო ბაღისათვის ადმინისტრაციული შენობის რემონტი, რადგანაც სამშენებლო სამუშაოების დასრულება და ექსპერტიზის დასკნის წარმოდგენა გასული წლის ბოლომდე ვერ მოხდა, შესაბამისად მიმდინარე წლის ბიუჯეტიდან უნდა განხორციელდეს შესრულებული სამუშაოების ღირებულების ანაზღაურება. ასევე გათვალისწინებულია რიყეთის საბავშვო ბაღის ლითონის ფურცლით მოჩარჩოება.

3.3  საბავშვო ბაღების ეზოებსა და ადმინისტრაციულ ცენტრებში საბავშვო ატრაქციონების მოწყობა (პროგრამული კოდი 04 03)

  პროგრამა ითვალისწინებს საბავშვო ბაღების ეზოებსა და ადმინისტრაციულ ცენტრებში საბავშვო ატრაქციონების მოწყობას, რითაც ბავშვები უზრუნველყოფილნი იქნებიან სხვადასხვა გასართობი საშუალებებით არამარტო დაბაში არამედ სხვადასხვა თემებშიც.

3.4  სკოლების მშენებლობა-რემონტი (პროგრამული კოდი 04 04)

  გათვალისწინებულია ჭახაურის დაწყებითი სკოლის გაფართოება, შურმულის დაწყებითი სკოლის რემონტი და სხანდარის დაწყებითი სკოლის რეაბილიტაცია, რაც უზრუნველყოფს ბავშვებისათვის კომფორტულ და მოსახერხებელ გარემოს შექმნას, რითაც ხელი შეეწყობა მომავალი თაობის სრულყოფილ განათლება-განვითარებას.

3.5 კომპიუტერის შესწავლის პროგრამა (პროგრამული კოდი 04 05)

  პროგრამა ითვალისწინებს მუნიციპალიტეტში მცხოვრები, როგორც ბავშვებისა და მოზარდებისათვის, ასევე ყველა ასაკობრივი ჯგუფის მოსახლეობისათვის კომპიუტერული ტექნოლოგიების შესწავლას. მსურველთა კონტიგენტი დიდია, რის გამოც გათვალისწინებულია 3 ჯგუფის მომსახურეობა 60 ბენეფიციალზე.

4. კულტურა, რელიგია ახალგაზრდული და სპორტული ღონისძიებები (პროგრამული კოდი 05 00)

  მუნიციპალიტეტის ინფრასტრუქტურული და ეკონომიკური განვითარების პარალერულად აუცილებელია ხელი შეეწყოს კულტურული ტრადიციების დაცვას და ღირსეულ გაგრძელებას. ამასთანავე ერთ-ერთი პრიორიტეტია ახალგაზრდების მრავალმხრივი (როგორც სულიერი, ისე ფიზიკური თვალსაზრისით) განვითარების ხელშეწყობა და მათში ცხოვრების ჯანსაღი წესის დამკვიდრება. შესაბამისად  მუნიციპალიტეტი განაგრძობს კულტურული ობიექტების ფინანსურ მხარდაჭერას, კულტურული და სპორტული ინფრასტრუქტურის მოწესრიგებას, წარმატებული სპორტსმენების ხელშეწყობას და შესაბამისი პირობების შექმნას, რათა ნიჭიერმა ბავშვებმა და ახალგაზრდებმა შეძლონ მათი სპორტული შესაძლებლობების გამოვლენა, ასევე ახალგაზრდებში ცხოვრების ჯანსაღი წესის წახალისების მიზნით ახორციელებს სხვადასხვა ღონისძიებებს.

4.1. სპორტის  განვითარების  ხელშეწყობა (პროგრამული კოდი 05 01)

  ხულოს მუნიციპალიტეტი გამორჩეულია სპორტის სფეროში მიღწეული წარმატებებითა და შედეგებით, რაზეც ნათლად მეტყველებს ჩვენი ახალგაზრდობის მიერ მიღწეული არა ერთი გამარჯვება სპორტის სხვადასხვა სფეროში. მიუხედავად ამისა ამ კუთხით აუცილებელია კიდევ უფრო ფართო ღონისძიებების გატარება, რაც გათვალისწინებულია სპორტული ღონისძიებების პროგრამაში, ა(ა)იპ ხულოს კომპლექსური სასპორტო სკოლის და ა(ა)იპ ხულოს საფეხბურთო კლუბი „ხიხანი“-ს საქმიანობაში და სპორტული ინფრასტრუქტურის გაუმჯობესებაში.

4.1.1  ა(ა)იპ ხულოს კომპლექსური სასპორტო სკოლა (პროგრამულიკოდი 05 01 01)

  სპორტული ცხოვრების წესის პოპულარიზაციის, ახალგაზრდა თაობაში ჯანსაღი ცხოვრების წესის დამკვიდრების, სპორტული მუშაობის გაუმჯობესებისა და სპორტის სხვადასხვა სახეობის შემდგომი განვითარებისათვის ხულოს მუნიციპალიტეტში ფუნქციონირებს ა(ა)იპ ხულოს კომპლექსური სასპორტო სკოლა, რომლის ფინანსურად უზრუნველყოფას ახორციელებს ხულოს მუნიციპალიტეტი. სკოლაში სწავლობს 470 ბავშვი, ფუნქცინირებს  ჭიდაობის, ფეხბურთის, კალათბურთის, ჩოგბურთის, რაგბის, სათხილამურო სპორტის, ჭადრაკის ჯგუფები. მეცადინეობები ტარდება სკოლის შემდგომ პერიოდში.

4.1.2  ა(ა)იპ ხულოს საფეხბურთო კლუბი „ხიხანი“ (პროგრამულიკოდი 05 01 02)

  ქვეპროგრამა ითვალისწინებს მუნიციპალიტეტში შექმნილი ა(ა)იპ ხულოს საფეხბურთო კლუბი „ხიხანი“-ს ფინანსურ მხარდაჭერას. მიუხედავად იმისა, რომ ხულოს მუნიციპალიტეტი გამოირჩევა სპორტის სხვადასხვა სახეობებში წარმატებული სპორტსმენების სიმრავლით საფეხბურთო სპორტი  ნაკლებად არის განვითარებული, რაც გამოწვეული იყო საჭირო საწვრთნელი ბაზის და შესაბამისი ფინანსური უზრუნველყოფის არქონის გამო, ხოლო შესაბამისი ინფრასტრუქტურის კეთილმოწყობის შემდეგ (დაგეგმილია ცენტრალური სტადიონის კეთილმოწყობა) შესაძლებელი გახდება წვრთნების ჩატარება და დაგეგმილ სხვადასხვა საფეხბურთო შეხვედრებში მონაწილეობის მიღება, რაც შესაძლებლობას მოგვცემს შემდგომი წარმატებების მოპოვებისა სპორტის ამ სახეობაში.

4.1.3 სპორტულ ღონისძიებათა მხარდაჭერის პროგრამა (პროგრამული კოდი 05 01 03)

  ქვეპროგრამა ითვალისწინებს სპორტული და მასობრივი გამაჯანსაღებელი მუშაობის გაუმჯობესებას, ახალგაზრდა თაობაში ჯანსაღი ცხოვრების წესის დამკვიდრებას, სპორტის სხვადასხვა სახეობების შემდგომ განვითარებას და პოპულარიზაციას. მუნიციპალიტეტის სპორტსმენები მონაწილეობენ საქართველოს მაშტაბით დაგეგმილ სპორტულ ღონისძიებებში, ტურნირებში. ხულოს მუნიციპალიტეტის ახალგაზრდებს განსაკუთრებული წარმეტებები აქვთ ჭიდაობის სხვადასხვა სახეობებში, (არიან ევროპის, მსოფლიოს, ოლიმპიადის პრიზიორები), ვითარდება სათხილამურო სპორტი და ძალოსნობის სხვადასხვა სახეობები. წარმატებული სპორტსმენების წახალისება ხდება საჩუქრებით, ჯილდოებით და წლის ბოლოს გამორჩეული სპორტსმენები საჩუქრდებიან ფულადი ფორმით.

4.1.4 სპორტული ინფრასტრუქტურის მშენებლობა-რემონტი (პროგრამული კოდი 05 01 04)

  ქვეპროგრამა ითვალისწინებს ორი ახალი სპორტული მოედნის მშენებლობას სოფელ დანისპარაულში და ირემაძეებში. აღნიშნულ სოფლებს არ გააჩნია არცერთი სახის სპორტული ნაგებობა და მოედანი, რისთვისაც აუცილებელია მოეწყოს კომბინირებული მინი სპორტული მოედანი. იგეგმება სოფელ დიოკნისის, ღორჯომის და ქვედა ვაშლოვანის არსებულ მოედნებზე ხელოვნური საფარის მოწყობა, დიდაჭარაში დაგეგმილია სპორტული მოედნის შემოღობვა და დრენაჟის მოწყობა და დეკანაშვილების სპორტული მოედნის რეაბილიტაცია, რაც უზრუნველყობს მოსწავლე ახალგაზრდობის თავისუფალი დროის სწორ გამოყენებას და ჯანმრთელი ცხოვრების წესის დანერგვას. ასევე დაგეგმილია ცენტრალური სტადიონის კეთილმოწყობა,  სადაც შესაძლებელი იქნება საქართველოს ფეხბურთის ფედერაციის დადგენილი სტანდარტების შესაბამისად თამაშების გამართვა. შესაბამისად ა(ა)იპ ხულოს საფეხბურთო კლუბ „ხიხანს“ ექნება შესაბამისი პირობები წვრთნების ჩასატარებლად და მზადყოფნა სხვადასხვა საფეხბურთო შეხვედრებში გამოსასვლელად, როგორც რეგიონის მაშტაბით, ასევე ქვეყნის მაშტაბით დაგეგმილ ღონისძიებებში.

4.2. კულტურის განვითარების ხელშეწყობა (პროგრამული კოდი 05 02)

  ხულოს მუნიციპალიტეტის ახალგაზრდობის აღზრდას, წარმოჩენას და გამოვლენას ხელს უწყობს მუნიციპალიტეტი. ამ კუთხით დაბაში მოქმედებს სახელოვნებო სკოლა, სახელმწიფო პროფესიული დრამატული თეატრი, კულტურის ცენტრი, ხორციელდება სხვადასხვა კულტურული პროგრამები თუ ღონისძიებები, კონფერენციები და ღირშესანიშნავი დღეებისადმი მიძღვნილი საღამოები.

4.2.1 ა(ა)იპ ხულოს სახელოვნებო სკოლა (პროგრამულიკოდი 05 02 01)

  დაბა ხულოში ფუნქციონირებს სახელოვნებო სკოლა, რომელიც ემსახურება ბავშვების სწავლა-განათლებას და აღზრდას სახვით ხელოვნებასა და მუსიკაში. სკოლაში სწავლობს 85 ბავშვი. მუნიციპალიტეტის მოსახლეობის შემოსავლების სიმცირის გათვალისწინებით, შესაბამისად დაბალია სწავლის ღირებულება და იგი შეადგენს თვეში 5ლარს.

4.2.2 ა(ა)იპ ხულოს კულტურის  ცენტრი  (პროგრამულიკოდი 05 02 02)

  კულტურული ტრადიციების დაცვის დაგაგრძელების მიზნით ხულოს მუნიციპალიტეტში ფუნქციონირებს კულტურის ცენტრი, რომლის  ფინანსური მხარდაჭერა ხორციელდება მუნიციპალიტეტის ბიუჯეტიდან. კულტურის ცენტრი ხელს უწყობს სხვადასხვა კულტურული ღონისძიებების ჩატარებას, ქმნის შესაბამის პირობებს, რათა ნიჭიერმა ბავშვებმა და ახალგაზრდებმა შეძლონ მათი შესაძლებლობების გამოვლენა. კულტურის ცენტრში ფუნქცინირებს ფოლკლორული დაქორეოგრაფიული წრეები, ბავშვთა ქორეოგრაფიული ანსამბლი. თემებში არსებული კლუბები ხელს უწყობენ ადგილობრივ მოსახლეობისათვის დამახასიათებელი ქორეოგრაფიული თუ სხვა ტრადიციების შენარჩუნებას და წარმოჩენას (ბერმუხა, ქალთა ფოლკლორული ჯგუფები, ანსამბლი „არგინეთი“ და სხვა).

4.2.3  სსიპ  ხულოს  პროფესიული   სახელმწიფო  დრამატული  თეატრი (პროგრამული კოდი 05 02 03)

  ხულოს  პროფესიულ სახელმწიფო დრამატულ თეატრს არსებობის დიდი ხნის ისტორია აქვს, თუმცა მისი საკუთარი შემოსავლები იმდენად მცირეა, რომ შეუძლებელია მისი დამოუკიდებლად ფუნქციონირება, შესაბამისად საჭიროა მისი ფინანსური მხარდაჭერა მუნიციპალიტეტის ბიუჯეტიდან, რათა კვლავინდებურად გააგრძელოს თავისი ტრადიციები. თეატრი ახორციელებს წლის განმავლობაში სხვადასხვა სახის სპექტაკლების წარმოდგენას, ასევე შენობაში ტარდება რაიონისათვის მნიშვნელოვანი ღონისძიებები, რაც ხელს უწყობს მუნიციპალიტეტის კულტურული ცხოვრების გაჯანსაღებას.

4.2.4  კულტურულ–საგანმანათლებლო ღონისძიებათა მხარდაჭერის პროგრამა (პროგრამული კოდი 05 02 04)

  ქვეპროგრამა ითვალისწინებს ღირშესანიშნავი დღეების აღნიშვნას, ნიჭიერი ახალგაზრდობის გამოვლენას, წარმატებული ახალგაზრების წახალისებას საჩუქრებით და საინტერესო პროექტების  ხელშეწყობას. მუნიციპალიტეტისათვის ტრადიციული ღონისძიებების მათ  შორის შუამთობის, ტბელობის, დიდაჭარობის ორგანიზება-ჩატარებას, რომლის დროსაც იმართება კონცერტები, სპორტული და სხვა შეჯიბრებები. ტარდება სტუდენტებთან და წარჩინებულ მოსწავლეებთან, დამსახურებულ პედაგოგებთან შეხვედრები. თვითშემოქმედი კოლექტივები და კულტურის ცენტრთან არსებული სხვადასხვა ანსამბლები მონაწილეობას ღებულობენ სხვადასხვა კონკურსებში და ფესტივალებში. დაგეგმილია სატელევიზიო პროექ „ეტალონი“-ში მუნიციპალიტეტის სკოლის ბავშვების მონაწილეობა. ტარდება თვითშემოქმედი კოლექტივების დათვალიერებები და გამორჩეული კოლექტივები მონაწილეობენ რესპუბლიკურ და საერთაშორისო კონკურსებში.

4.2.5 კულტურული ობიექტების მშენებლობა-რემონტი (პროგრამული კოდი 05 02 05)

  ქვეპროგრამა ითვალისწინებს რიყეთის თემში კლუბის მშენებლობას, რადგანაც თემს არ გააჩნია არცერთი სახის კულტურულ-შემოქმედებითი ღონისძიებების თუ სხვა სახის შეხვედრების ჩატარების ობიექტი. შედეგად რიყეთის თემის მოსახლეობას გაუჩნდება უსაფრთხო თავშეყრის ადგილი, ხელი შეეწყობა მოსახლეობის კულტურულ განვითარებას, მოქმედი კოლექტივების შრომის პირობების გაუმჯობესებას.

  – ასევე იგეგმება სხალთის მუზეუმის რემონტი, სადაც გათვალისწინებულია ერთი ოთახის რემონტი, სველი წერტილებისა და საყრდენი კედლის მოწყობა.

4.2.6 ახალგაზრდობის სამოქალაქო საქმიანობაში ჩართულობისა და ხელშეწყობის პროგრამა (პროგრამული კოდი 05 02 07)

  ქვეპროგრამა ითვალისწინებს მუნიციპალიტეტის ტერიტორიაზე მცხოვრებ მოზარდებთან მუშაობას, რომლის მიზანია ახალგაზრდებში შემეცნებითი და ინტელექტუალური დონის ამაღლება. აგრეთვე ახალგაზრდების საზოგადოებრივ საქმიანობაში ჩართვა და სხვადასხვა ღონისძიებების ორგანიზება.

4.2.7 ა(ა)იპ კურორტი ბეშუმი (პროგრამული კოდი 05 02 08)

  ქვეპროგრამა ითვალისწინებს კურორტ ბეშუმში არსებული ინფრასტრუქტურის მოვლა-შენახვას, კურორტის ტერიტორიის დასუფთავებას, წყლისა და კანალიზაციის სისტემების მომსახურებას, ზამთრის პერიოდში ინფრასტრუქტურის დაცვის და შენობა-ნაგებობების უსაფრთხოების უზრუნველყოფას.

5. ჯანმრთელობის დაცვა და სოციალური უზრუნველყოფა (პროგრამული კოდი 06 00)

  მოსახლეობის ჯანმრთელობის დაცვის ხელშეწყობა და მათი სოციალური დაცვა მუნიციპალიტეტის ერთ-ერთ მთავარ პრიორიტეტს წარმოადგენს.ერთიანი სახელმწიფო პოლიტიკის ფარგლებში გაგრძელდება საზოგადოებრივი ჯანმრთელობის დაცვის მიზნით ადგილობრივ დონეზე სხვადასხვა ღონისძიებების განხორციელება, რაც უზრუნველყოფს მოსახლეობის დაცვას სხვადასხვა დაავადებებისაგან. ასევე მუნიციპალიტეტი არსებული რესურსების ფარგლებში განაგრძობს სოციალურად დაუცველი მოსახლეობის სხვადასხვა დახმარებებით და შეღავათების უზრუნველყოფას.

5.1 საზოგადოებრივი  ჯანდაცვის  მომსახურება  (პროგრამული კოდი 06 01)

  ჯანმრთელობის დაცვის უპირველესი ამოცანაა ადამიანის ჯანმრთელობისა და ავადმყოფობის შესწავლა, მათი გამოვლენა, სწორი დიაგნოსტიკა და დროული მკურნალობა, ინდივიდუალური და კომპლექსური პროფილაქტიკური ღონისძიებების ჩატარება, მოსახლეობის ჯანმრთელობისა და შრომისუნარიანობის შენარჩუნება.

  ზემოაღნიშნულიდან გამომდინარე ჯანდაცვის ობიექტების მშენებლობა-რემონტი, მოსახლეობის ჯანმრთელობის დაცვა და სოციალური პროგრამები მოწოდებულია, რათა უზრუნველყოს მოსახლეობის კეთილდღეობა, სოციალურად დაუცველფენებზე, ქრონიკულად დაავადებულ პირებზე და ბავშვებზე ზრუნვა, ოპტიმალური სოციალურ-ეკონომიკური პირობების შექმნა მოსახლეობის ჯანმრთელობის გაუმჯობესებისა და განმტკიცებისათვის.

5.1.1  ა(ა)იპ ხულოს სოციალური სერვისების ცენტრი  (პროგრამული კოდი 06 01 01)

  ქვეპროგრამა ითვალისწინებს ხულოს მუნიციპალიტეტის ტერიტორიაზე არსებული ამბულატორიების მომსახურების გაუმჯობესებას (სულ 11 ამბულატორია), რისთვისაც ამბულატორია უზრუნველყობს ექიმებს მედიკამენტებით და სხვა  მიმდინარე ხარჯებით (მძღოლის ხელფასი, საწვავი, ავტომანქანის რემონტი, ავტომანქანის დაზღვევა, ოფისის ხარჯები და სხვა), რაც მოგვცემს ამბულატორიების გამართული და ეფექტური მუშაობის საშუალებას.

5.1.2 სასწრაფო დახმარების ღორჯომის ბრიგადის  მომსახურების პროგრამა (პროგრამული კოდი 06 01 02 01)

  ქვეპროგრამა ითვალისწინებს ღორჯომის სასწრაფო დახმარების ბრიგადის მომსახურეობის გაუმჯობესებას, რისი აუცილებლობაც გამოწვეულია იმით, რომ აღნიშნული ტერიტორია დიდი მანძილით არის დაშორებული მუნიციპალიტეტის ცენტრიდან და დროულად ვერ ხდება მოსახლეობაზე სამედიცინო მომსახურების გაწევა. ქვეპროგრამა ხელს შეუწყობს მოსახლეობისათვის დროულად და ოპერატიულად მომსახურეობას. 

5.1.3 ქრონიკულად პროგრესირებადი (ეპილეფსია) დაავადებების მედიკამენტოზური დახმარების პროგრამა (პროგრამული კოდი 06 01 03)

  ქვეპროგრამა ითვალისწინებს ქრონიკულად პროგრესირებადი დაავადებებით (ეპილეფსია) დაავადებულ ბავშვების თუ მოზარდების ყოველდღიურად მისაღები მედიკამენტებით უზრუნველყოფას. მომსახურება ხორციელდება 57 ბენეფიციარზე.

5.1.4 ჯანდაცვის ობიექტების მშენებლობა-რემონტი (პროგრამული კოდი 06 01 04)

  2014 წელს მიმდინარეობდა სოფელ მთისუბანში თემის სამედიცინო პუნქტის მშენებლობა რომლის სამშენებლო სამუშაოების დასრულება და ექსპერტიზის დასკნის წარმოდგენა წლის ბოლომდე ვერ მოხდა, შესაბამისად მიმდინარე წლის ბიუჯეტიდან უნდა განხორციელდე შესრულებული სამუშაოების ღირებულების ანაზღაურება.

5.2 მოსახლეობის სოციალური უზრუნველყოფა (პროგრამული კოდი 06 02)

  საზოგადოების ყველა წევრს, არ შეუძლია ამა თუ იმ მიზეზების გამო უზრუნველყოს მისი და მისი ოჯახის ცხოვრების ნორმალური დონე, ამიტომ აუცილებელია შრომისუუნარო მოსახლეობზე, სოციალურად დაუცველ ფენებზე დახმარება. განსაკუთრებით მზრუნველობის საგანს წარმოადგენენ ინვალიდები და ომის ვეტერნები, მრავალშვილიანი ოჯახები, დედ-მამით ობოლი ბავშვები და უკიდურესად გაჭირვებული ოჯახები.

5.2.1 სოციალურად დაუცველი ფენისათვის მუნიციპალური უფასო სასადილოს პროგრამა (პროგრამული კოდი 06 02 01)

  მოსახლეობის სოციალურად დაუცველი ფენისათვის დახმარება ქვეყნის ჯანდაცვისა და სოციალური პოლიტიკის მთავარი და ძირითადი პრიორიტეტია. ხულოს მუნიციპალიტეტში სოციალურად დაუცველთათვის განკუთვნილია ერთი სასადილო დაბა ხულოში, რომელიც ემსახურება 40 ბენეფიციარს ყოველდღე უფასო ერთჯერადი ცხელი საკვებით.

5.2.2  ომის მონაწილეებზე და დაღუპულთა ოჯახის წევრებზე სადღესასწაულო დღეების ორგანიზებისა და დახმარების  პროგრამა  (პროგრამული  კოდი 06 02 02)

  ქვეპროგრამა ითვალისწინებს სამშობლოს წინაშე ღვაწლმოსილი ადამიანების, კერძოდ მეორე მსოფლიო ომში დაღუპულთა, ომის მონაწილე ვეტერნების და მარჩენალ დაკარგულთა სარიტუალო მომსახურების, მათი საყოფაცხოვრებო პირობებისა და ეკონომიკური პირობების გაუმჯობესებას. სადღესასწაულო დღეების დროს გათვალისწინებულია  მეორე მსოფლიო ომის ვეტერანზე დახმარება 500 ლარის (სულ 1 ვეტერანი) და 2008 წლის აგვისტოს ომში დაღუპული მებრძოლების ოჯახებზე (სულ 2 ოჯახი) დახმარება 350 ლარის ოდენობით, ხოლო დაკრძალვაზე გათვალისწინებულია 250 ლარი.

5.2.3 უკიდურესად გაჭირვებულ ოჯახებში გარდაცვლილ პირთა დაკრძალვისათვის დასაცემი ერთჯერადი დახმარების პროგრამა (პროგრამული კოდი 06 02 03)

  ქვეპროგრამით ხორციელდება სიღარიბის ზღვარს ქვემოთ მყოფი (57000 ქულაზე ნაკლები) ოჯახების მატერიალური დახმარება, რომელიც ითვალისწინებს სოციალურად დაუცველი ოჯახის წევრის გარდაცვალების შემთხვევაში ერთჯერადი მატერიალური დახმარების  გაწევას, საშუალოდ 80 ოჯახზე 250 ლარის ოდენობით.

5.2.4 ყოველ მესამე და მომდევნო ახალშობილზე ერთჯერადი მატერიალური დახმარების პროგრამა (პროგრამული კოდი 06 02 04)

  მრავალშვილიანი ოჯახების მატერიალური სტიმულირების მიზნით მოქმედი პროგრამა ითვალისწინებს ყოველ მესამე და მომდევნო ახალშობილზე ფინანსურ დახმარებას, კერძოდ ყოველ მე-3 შვილზე 500 ლარი, მე-4 შვილზე 700 ლარი, მეხუთე და შემდგომზე 900 ლარი. პროგრამა გათვლილია  წლის განმავლობაში  საშუალოდ  86  ბენეფიცარზე.

5.2.5  5 და მეტ მცირეწლოვან ბავშვთა ოჯახებზე (18 წლამდე) ერთჯერადი   მატერიალური დახმარების პროგრამა (პროგრამული კოდი 06 02 05)

  ხულოს მუნიციპალიტეტი გამოირჩევა მრავალშვილიანი ოჯახების სიმრავლით, რომელთა დიდი ნაწილი სოციალურად დაუცველია და სიღარიბის ზღვარს ქვემოთ იმყოფება, აღნიშნულის გამო დღის წესრიგში დადგა მრავალშვილიანი (5 და მეტი შვილი) ოჯახების ერთჯერადი მატერიალური დახმარება ერთჯერადად 1000 ლარის ოდენობით, პროგრამა გათვლილია საშუალოდ 55 ოჯახზე.

5.2.6  18 წლამდე უდედმამო ბავშვებისათვის ყოველთვიური მატერიალური დახმარების პროგრამა (პროგრამული კოდი 06 02 07)

  ქვეპროგრამა ითვალისწინებს 18 წლამდე ასაკის დედ-მამით ობოლ ბავშვთა ყოველთვიურ მატერიალურ დახმარებას, მათთვის მატერიალური და მორალური მხარდაჭერისათვის,  ვინაიდან ხშირ შემთხვევაში აღნიშნული კატეგორიის ბავშვებს, არაქვს ელემენტარული სახსრები, რაც ესაჭიროება მათ განვითარებას და აღზრდას. პროგრამა გათვლილია 3 მოზარდზე. ბავშვები ცხოვრობენ ოჯახებში. დახმარების გაცემა წარმოებს  წლის განმავლობაში  1000 ლარის ოდენობით თითოეულ ბავშვზე.

5.2.7 ხულოს მუნიციპალიტეტში ავარიული სახლების მქონე, კრიზისულ მდგომარეობაში მყოფი უკიდურესად გაჭირვებული ოჯახებისათვის საცხოვრებელი სახლის მშენებლობის ხელშეწყობის პროგრამა (პროგრამული კოდი 06 02 08)

  ქვეპროგრამა ითვალისწინებს მუნიციპალიტეტში ავარიული სახლების მქონე, კრიზისულ მდგომარეობაში მყოფი უკიდურესად გაჭირვებული ოჯახებისათვის საცხოვრებელი სახლის მშენებლობისათვის ხელშეწყობას. დაგეგმილია მინიმუმ 5 ოჯახზე დახმარება.

5.2.8 დიალეზის პროგრამაში ჩართული ხულის მუნიციპალიტეტის მოსახლეობის ტრანსპორტირების  პროგრამა (პროგრამული კოდი 06 02 10)

  ქვეპროგრამა ითვალისწინებს სახელმწიფო პროგრამით მოსარგებლე ბენეფიციარების ქ.ბათუმის კლინიკებში დიალეზის სეანსების ჩასატარებლად ტრანსპორტირების ხარჯებს. პროგრამა გათვლილია 12 ბენეფიციარზე და 3 თანხლებ პირზე.

5.2.9 ონკოლოგიურ და ხანგრძლივ მკურნალობას დაქვემდებარებული დაავადებების და მძიმე ტრამვული დაზიანებების მქონე სოციალურად შეჭირვებულ პირთა ოჯახებზე ერთჯერადი მატერიალური დახმარების  პროგრამა (პროგრამული კოდი 06 02 11)

  ქვეპროგრამა ითვალისწინებს ონკოლოგიურ დაავადებულთა და მძიმე ტრავმული დაზიანებების მქონე სოციალურად შეჭირვებულ ოჯახებზე ერთჯერადი დახმარების გაწევას არაუმეტეს 200 ლარისა. ქვეპროგრამა გათვლილია 125 ოჯახზე.

5.2.10 ხულოს მუნიციპალიტეტში მცხოვრები მოსახლეობის (0-100000-მდე ქულა) საცხოვრებელი სახლების სახურავებისათვის თუნუქის ფურცლების შეძენის პროგრამა  (პროგრამული კოდი 06 02 12)

  ქვეპროგრამა ითვალისწინებს 0-დან 100000-მდე სარეიტინგო ქულის მქონე ოჯახებისათვის თუნუქის ფურცლით დახმარებას, რომელთა საცხოვრებელი სახლების სახურავი არის  ავარიულ მდგომარეობაში და საჭიროებს აუცილებელ გადახურვას.

მუნიციპალიტეტის ბიუჯეტის ასიგნებები

განისაზღვროს ხულოს მუნიციპალიტეტის 2015 წლის ბიუჯეტის ასიგნებები 11 434 351  ლარის ოდენობით