დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „დასაქმების ხელშეწყობის მომსახურებათა განვითარების პროგრამის დამტკიცების შესახებ“ საქართველოს მთავრობის 2015 წლის 2 ივნისის №245 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 573 |
| დოკუმენტის მიმღები | საქართველოს მთავრობა |
| მიღების თარიღი | 09/11/2015 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 11/11/2015 |
| ძალის დაკარგვის თარიღი | 08/11/2022 |
| სარეგისტრაციო კოდი | 010240010.10.003.018959 |
|
| მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „დასაქმების ხელშეწყობის მომსახურებათა განვითარების პროგრამის დამტკიცების შესახებ“ საქართველოს მთავრობის 2015 წლის 2 ივნისის №245 დადგენილებაში (www.matsne.gov.ge, 04/06/2015, 010240010.10.003.018630) შეტანილ იქნეს ცვლილება და დადგენილებით დამტკიცებული „დასაქმების ხელშეწყობის მომსახურებათა განვითარების პროგრამის“:
1. პირველი მუხლის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით: „დ) მოწყვლადი, დაბალკონკურენტუნარიანი ჯგუფების დასაქმების ხელშემწყობი მექანიზმების გამოვლენა და შესაბამისი წინადადებების მომზადება;“. 2. მე-3 მუხლის მე-5 პუნქტი ჩამოყალიბდეს შემდეგი რედაქციით: „5. დაინტერესებულ მხარეებთან თანამშრომლობის განვითარება მოწყვლადი, დაბალკონკურენტუნარიანი ჯგუფების დასაქმების ხელშეწყობის მოდელების გამოვლენისა და წინადადებების შემუშავების მიზნით.“. 3. მე-5 მუხლის „ე“ ქვეპუნქტი ჩამოყალიბდეს შემდეგი რედაქციით: „ე) მოწყვლად ჯგუფებს მიკუთვნებული სამუშაოს მაძიებლების ღია შრომის ბაზარზე ჩართვისათვის გამოვლენილია დასაქმების ხელშეწყობის მოდელები და მომზადებულია კონკრეტული წინადადებები;“. |
| მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები