ქ.თბილისში, საბურთალოს რაიონში, სოფ. დიღომში ჟოზეფ პიტონ დე ტურნეფორის ქუჩისთვის მწერალი, გენერალ-ლეიტენანტი დავით ბატონიშვილის სახელის მინიჭების შესახებ

ქალაქ თბილისის მუნიციპალიტეტის საკრებულოს

განკარგულება №404

2015 წლის 30 ოქტომბერი

ქ. თბილისი

ქ. თბილისში, საბურთალოს რაიონში, სოფ. დიღომში ჟოზეფ პიტონ დე ტურნეფორის ქუჩისთვის მწერალი, გენერალ-ლეიტენანტი დავით ბატონიშვილის სახელის მინიჭების შესახებ

1. საქართველოს ორგანული კანონის „ადგილობრივი თვითმმართველობის კოდექსი” 68-ე მუხლის პირველი პუნქტის „გ“ ქვეპუნქტის, „მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, საქართველოს მთავრობის 2015 წლის 1 ივნისის №239 დადგენილებისა და „ქ.თბილისის მუნიციპალიტეტის ადმინისტრაციულ საზღვრებში მდებარე გეოგრაფიული ობიექტების სახელდების წესის დამტკიცების შესახებ“, ქ.თბილისის მუნიციპალიტეტის საკრებულოს 2015 წლის 16 ივნისის №14-59 დადგენილების თანახმად, ქ.თბილისის მუნიციპალიტეტის საკრებულომ დაადგინა:

ა) საბურთალოს რაიონში, სოფ. დიღომში ჟოზეფ პიტონ დე ტურნეფორის ქუჩას მიენიჭოს მწერალი, მეცნიერი, გენერალ-ლეიტენანტი დავით ბატონიშვილის სახელი, თანდართული რუკის თანახმად;

ბ) ქ. თბილისის მუნიციპალიტეტის მერიამ ოთხი თვის ვადაში უზრუნველყოს ამ განკარგულების შესასრულებლად საჭირო ღონისძიებების გახორციელება.

2. განკარგულება შეიძლება გასაჩივრდეს ერთი თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე-12 კმ., №6).

საკრებულოს თავმჯდომარე    გ. ალიბეგაშვილი