სს „საქართველოს ნავთობისა და გაზის კორპორაციის“ მიერ 2012 წელს ლონდონის საფონდო ბირჟაზე განთავსებული 250 000 000 აშშ დოლარის ღირებულების ობლიგაციების რეფინანსირებისა და ინვესტიციების მოზიდვის მიზნით გასატარებელი ღონისძიებების შესახებ

საქართველოს მთავრობის

განკარგულება №2322

2015 წლის 28 ოქტომბერი

ქ. თბილისი

სს „საქართველოს ნავთობისა და გაზის კორპორაციის“ მიერ 2012 წელს ლონდონის საფონდო ბირჟაზე განთავსებული 250 000 000 აშშ დოლარის ღირებულების ობლიგაციების რეფინანსირებისა და ინვესტიციების მოზიდვის მიზნით გასატარებელი ღონისძიებების შესახებ

1. სს „საქართველოს ნავთობისა და გაზის კორპორაციის“ მიერ 2012 წელს ლონდონის საფონდო ბირჟაზე განთავსებული 250 000 000 აშშ დოლარის ღირებულების ობლიგაციების რეფინანსირებისა და ინვესტიციების მოზიდვის მიზნით, სს „საქართველოს ნავთობისა და გაზის კორპორაციამ“ უზრუნველყოს საერთაშორისო საფონდო ბირჟებზე ობლიგაციების განსათავსებლად საჭირო ღონისძიებების განხორციელება.

2. ამ განკარგულების პირველი პუნქტით გათვალისწინებული ღონისძიებების შეზღუდულ ვადებში შეუფერხებლად განხორციელების უზრუნველსაყოფად, „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, სს „საქართველოს ნავთობისა და გაზის კორპორაციამ“ ყველა საჭირო მომსახურებისა (საბანკო, იურიდიული, საკონსულტაციო, აუდიტორული, სარეიტინგო, საბროკერო და ა. შ.) და საქონლის შესყიდვა განახორციელოს გამარტივებული შესყიდვის საშუალებით.

3. საერთაშორისო საფონდო ბირჟებზე ობლიგაციების განთავსებამდე, საქართველოს ენერგეტიკის სამინისტრომ, სს „საპარტნიორო ფონდმა“ და სს „საქართველოს ნავთობისა და გაზის კორპორაციამ“ განთავსებასთან დაკავშირებული ინფორმაცია და წინადადებები მათი განხილვისა და შესაბამისი გადაწყვეტილების მიღების მიზნით, წარმოადგინონ საქართველოს მთავრობის სხდომაზე.

პრემიერ-მინისტრი                                   ირაკლი ღარიბაშვილი