სტიქიის შედეგების სალიკვიდაციო ღონისძიებების განხორციელების თაობაზე

საქართველოს მთავრობის

განკარგულება №2284

2015 წლის 23 ოქტომბერი

ქ. თბილისი

სტიქიის შედეგების სალიკვიდაციო ღონისძიებების  განხორციელების თაობაზე

1. მიმდინარე წელს მომხდარი სხვადასხვა სტიქიური მოვლენების შედეგების სალიკვიდაციო ღონისძიებების განხორციელების მიზნით, საქართველოს ფინანსთა სამინისტრომ, „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან, ადგილობრივ თვითმმართველ ერთეულებს გამოუყოს 2 225 421 (ორი მილიონ ორას ოცდახუთი ათას ოთხას ოცდაერთი) ლარი, მათ შორის:

ა) ლანჩხუთის მუნიციპალიტეტს 700 000 (შვიდასი ათასი) ლარი;

ბ) დუშეთის მუნიციპალიტეტს 690 000 (ექვსას ოთხმოცდაათი ათასი) ლარი;

გ) ჩოხატაურის მუნიციპალიტეტს 451 000 (ოთხას ორმოცდათერთმეტი ათასი) ლარი;

დ)თელავის მუნიციპალიტეტს 322 805 (სამას ოცდაორი ათას რვაას ხუთი) ლარი;

ე)მარტვილის მუნიციპალიტეტს 61 616 (სამოცდაერთი ათას ექვსას თექვსმეტი) ლარი.

2. „სახელმწიფო შესყიდვების შესახებ“ საქართველოს კანონის 10¹ მუხლის 3¹ პუნქტის შესაბამისად, თელავისა და მარტვილის მუნიციპალიტეტებმა სტიქიური მოვლენების შედეგების სალიკვიდაციო ღონისძიებებთან, ასევე აღნიშნული მიზნით, დუშეთის მუნიციპალიტეტმა პროექტებთან –  „ბაზალეთის ადმინისტრაციულ ერთეულში ხიდბოგირის მოწყობა გზისა და ხევის გადაკვეთაზე“ და „სოფელ საშაბუროში ხიდბოგირის მოწყობა გზისა და ხევის გადაკვეთაზე“ დაკავშირებული სახელმწიფო შესყიდვები განახორციელოს გამარტივებული ელექტრონული ტენდერის მეშვეობით.

3. „სახელმწიფო შესყიდვების შესახებ“ საქართველოს კანონის 10¹ მუხლის მე-3 პუნქტის „დ“ ქვეპუნქტის შესაბამისად, ჩოხატაურისა და ლანჩხუთის მუნიციპალიტეტებმა, ასევე დუშეთის მუნიციპალიტეტმა, გარდა ამ განკარგულების მე-2 პუნქტით გათვალისწინებული პროექტებისა, სტიქიური მოვლენების შედეგების სალიკვიდაციო ღონისძიებებთან დაკავშირებული სახელმწიფო შესყიდვები განახორციელონ გამარტივებული შესყიდვის საშუალებით.

პრემიერ-მინისტრი                                 ირაკლი ღარიბაშვილი