„ლანჩხუთის მუნიციპალიტეტის საკრებულოს აპარატის დებულების დამტკიცების შესახებ“ ლანჩხუთის მუნიციპალიტეტის საკრებულოს 2014 წლის 15 აგვისტოს №20 დადგენილებაში ცვლილების შეტანის თაობაზე

„კ) საკრებულოს, საკრებულოს კომისიების, ფრაქციების, შესამუშავებელ და განსახილველ სამართლებრივი აქტების პროექტების მომზადება და  სამართლებრივი გამართულობის უზრუნველყოფა; 

ლ) საკრებულოში ინიციირებული სამართლებრივი აქტების პროექტების სამართლებრივი ექსპერტიზა; 

მ) საკრებულოს წევრებისთვის და აპარატის თანამშრომლებისთვის კონსულტაციების მიცემა საქართველოს კანონმდებლობასთან მიმართებაში;

ნ) საკანონმდებლო სიახლეების საკრებულოს, საკრებულოს კომისიებისა და ფრაქციების თავმჯდომარეებისთვის გაცნობა; 

ო) საკრებულოს, საკრებულოს კომისიების, საკრებულოს თანამდებობის პირებისა და საკრებულოს წევრების ურთიერთობის ორგანიზების გაწევა ხელისუფლების ორგანოებთან, დაწესებულებებთან, საწარმოებთან, საზოგადოებრივ ორგანიზაციებთან და მოქალაქეებთან;

პ) თვითმმართველი ერთეულის ორგანოების და თანამდებობის პირების საქმიანობის შესახებ ოპერატიული ინფორმაციის მომზადება;

ჟ) საკრებულოს საქმიანობის ანგარიშების, პრესრელიზების მომზადება;

რ) მუნიციპალიტეტის საკრებულოს საზოგადოებრივ ურთიერთობათა, პიარის დაგეგმვა და განხორციელება;

ს) საკრებულოს წევრების საჯარო გამოსვლების საინფორმაციო უზრუნველყოფა;

ტ) მედიასაშუალებებთან და ჟურნალისტებთან ურთიერთობების წარმართვა;

უ) მოქალაქეთა საინფორმაციო მომსახურება;“.

 „მუხლი 7. სამდივნო

სამდივნო აერთიანებს ადგილობრივი თვითმმართველობის იმ მოსამსახურეებს, რომლებიც ორგანიზაციულ - ტექნიკურ მომსახურებას უწევენ საკრებულოს თანამდებობის პირებს, აგრეთვე იმ მოსამსახურეებს, მათ შორის ვადიანი შრომითი ხელშეკრულებით მოწვეულ ექსპერტებსა და სპეციალისტებს, რომლებიც ახორციელებენ საკრებულოს კომისიების მომსახურებას.

სამდივნო:

ა) ახორციელებს საკრებულოს ფრაქციებისა და კომისიების მომსახურებას;

ბ) ორგანიზაციულად უზრუნველყოფს კომისიებისა და ფრაქციების სხდომის ოქმების შედგენას, სხდომაზე გამოთქმულ წინადადებებისა და შენიშვნების აღრიცხვას, მიღებულ გადაწყვეტილებათა გაფორმებას, რედაქტირებას, რეგისტრაციას და გამოქვეყნებას;

გ) უზრუნველყოფს კომისიებისა და ფრაქციების სხდომებზე განსახილველი საკითხების გამრავლებას და დარიგებას;

დ) აწარმოებს საკრებულოს თანამდებობის პირებისა და აპარატის მოსამსახურეთა პირად საქმეებს;

ე) უზრუნველყოფს აპარატის მოსამსახურეთა შვებულებაში გასვლის გრაფიკის წარმოებას;

ვ) ორგანიზაციულ დახმარებას უწევს თანამდებობის პირებს  დეკლარაციების დროულად წარდგენაზე;

ზ) აპარატის დებულების შესაბამისად ასრულებს აპარატის უფროსის ცალკეულ დავალებებს;

თ) ორგანიზებას უწევს საკრებულოს წევრების მოსახლეობასთან შეხვედრებს, აღრიცხავს  წინადადებებსა და შენიშვნებს;

ი) აწარმოებს საერთო კრების სხდომის ოქმებს.“.

„1. აპარატის მუშაობას ხელმძღვანელობს, ორგანიზაციასა და კოორდინაციას უწევს აპარატის უფროსი, რომელსაც თანამდებობაზე ნიშნავს და თანამდებობიდან ათავისუფლებს საკრებულოს თავმჯდომარე „საჯარო სამსახურის შესახებ“ საქართველოს კანონით დადგენილი წესით.“;

ა) 1-ლი პუნქტი ჩამოყალიბდეს შემდეგი რედაქციით:

„1. აპარატის სტრუქტურულ ქვედანაყოფს ხელმძღვანელობს სტრუქტურული ქვედანაყოფის უფროსი, რომელსაც თანამდებობაზე ნიშნავს და თანამდებობიდან ათავისუფლებს საკრებულოს თავმჯდომარე „საჯარო სამსახურის შესახებ“ საქართველოს კანონით დადგენილი წესით.“.

ბ) მე-2 პუნქტის „ზ“ ქვეპუნქტი ჩამოყალიბდეს შემდეგი რედაქციით:

„ზ) ახორციელებს საქართველოს კანონმდებლობითა და ლანჩხუთის მუნიციპალიტეტის საკრებულოს აპარატის დებულებით განსაზღვრულ სხვა უფლებამოსილებებს.“;

გ) მე-3 პუნქტი ჩამოყალიბდეს შემდეგი რედაქციით:

„3. სტრუქტურული ერთეულის უფროსი ანგარიშვალდებულია საკრებულოს თავმჯდომარის და აპარატის უფროსის წინაშე.“.