,,საქართველოს ეკონომიკისა და მდგრადი განვითარების სამინისტროს სივრცითი დაგეგმარებისა და სამშენებლო პოლიტიკის დეპარტამენტის მოხელეთა დამატებითი საკვალიფიკაციო მოთხოვნების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2013 წლის 9 დეკემბრის № 1-1/360 ბრძანებაში ცვლილების შეტანის თაობაზე“

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად,   ვბრძანებ:

,,საქართველოს ეკონომიკისა და მდგრადი განვითარების სამინისტროს სივრცითი დაგეგმარებისა და სამშენებლო პოლიტიკის დეპარტამენტის მოხელეთა დამატებითი საკვალიფიკაციო მოთხოვნების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2013 წლის 9 დეკემბრის №1-1/360 ბრძანებით დამტკიცებულ დანართში შეტანილ იქნეს შემდეგი ცვლილებები:

1. დანართის მე-2 მუხლის პირველი პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) უმაღლესი განათლება არქიტექტურის, სივრცითი/ურბანული დაგეგმარების სფეროში და მუშაობის არანაკლებ 3-წლიანი გამოცდილება იმავე სფეროში;“.

2. მე-3 მუხლის პირველი პუნქტის ,,ა“ და ,,ბ“ ქვეპუნქტები ჩამოყალიბდეს შემდეგი რედაქციით:

,,ა) უმაღლესი განათლება არქიტექტურის, სივრცითი/ ურბანული დაგეგმარების სფეროში;

ბ) მუშაობის არანაკლებ 3-წლიანი გამოცდილება არქიტექტურის, სივრცითი/ ურბანული დაგეგმარების სფეროში, მათ შორის, სასურველია ხელმძღვანელ თანამდებობაზე მუშაობის ერთწლიანი გამოცდილება“.

3. მე-3 მუხლის მე-2 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) უმაღლესი განათლება არქიტექტურის, სივრცითი/ურბანული დაგეგმარების სფეროში და მუშაობის არანაკლებ 2-წლიანი გამოცდილება ან უმაღლესი განათლება და არქიტექტურის, სივრცითი/ურბანული დაგეგმარების სფეროში მუშაობის არანაკლებ 3-წლიანი გამოცდილება;“.

4. მე-3 მუხლის მე-3 პუნქტის ,,ა“ ქვეპუნქტი ჩამოყალიბდეს შემდეგი რედაქციით:

,,ა) უმაღლესი განათლება არქიტექტურის, სივრცითი/ ურბანული დაგეგმარების სფეროში ან უმაღლესი განათლება და არქიტექტურის, სივრცითი/ ურბანული დაგეგმარების სფეროში მუშაობის არანაკლებ 2-წლიანი გამოცდილება;“ .

ეს ბრძანება ამოქმედდეს გამოქვეყნებისთანავე.