დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
„სახელმწიფო ქონების საპრივატიზებო საფასურის, საწყისი საპრივატიზებო საფასურისა და სარგებლობაში გადაცემის საფასურის განსაზღვრის წესის დამტკიცების შესახებ“ საქართველოს მთავრობის 2013 წლის 10 დეკემბრის №328 დადგენილებაში ცვლილების შეტანის თაობაზე | |
---|---|
დოკუმენტის ნომერი | 556 |
დოკუმენტის მიმღები | საქართველოს მთავრობა |
მიღების თარიღი | 29/10/2015 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | ვებგვერდი, 30/10/2015 |
ძალის დაკარგვის თარიღი | 10/09/2020 |
სარეგისტრაციო კოდი | 040110030.10.003.018942 |
|
მუხლი 1 |
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „სახელმწიფო ქონების საპრივატიზებო საფასურის, საწყისი საპრივატიზებო საფასურისა და სარგებლობაში გადაცემის საფასურის განსაზღვრის წესის დამტკიცების შესახებ“ საქართველოს მთავრობის 2013 წლის 10 დეკემბრის №328 დადგენილებაში (www.matsne.gov.ge, 10/12/2013, 040110030.10.003.017495) შეტანილ იქნეს ცვლილება და დადგენილებით დამტკიცებულ წესს დაემატოს შემდეგი შინაარსის 61 მუხლი:
„მუხლი 61. მოთხოვნებისა და უფლებების (გარდა სახელმწიფო საკუთრებაში არსებული წილებისა და აქციებისა) საწყისი საპრივატიზებო საფასურისა და საპრივატიზებო საფასურის განსაზღვრის წესი 1. მოთხოვნებისა და უფლებების (გარდა სახელმწიფო საკუთრებაში არსებული წილებისა და აქციებისა) უპირობო აუქციონის ფორმით პრივატიზებისას, სახელმწიფო საკუთრებაში არსებული მოთხოვნებისა და უფლებების საწყისი საპრივატიზებო თანხა განისაზღვრება არანაკლებ დამოუკიდებელი აუდიტორის (ექსპერტი) დასკვნის საფუძველზე დადგენილი ფასის ოდენობით, ხოლო მოთხოვნებისა და უფლებების (გარდა სახელმწიფო საკუთრებაში არსებული წილებისა და აქციებისა) პირობებიანი აუქციონის ფორმით პრივატიზებისას, საწყისი საპრივატიზებო თანხა შესაძლოა განისაზღვროს დამოუკიდებელი აუდიტორის (ექსპერტი) დასკვნის საფუძველზე დადგენილ ფასზე ნაკლები ოდენობით. 2. ამ მუხლის პირველი პუნქტით გათვალისწინებული, პირობებიანი აუქციონის ფორმით სახელმწიფო საკუთრებაში არსებული მოთხოვნებისა და უფლებების (გარდა სახელმწიფო საკუთრებაში არსებული წილებისა და აქციებისა) პრივატიზებისას, საწყისი საპრივატიზებო თანხის დამოუკიდებელი აუდიტორის (ექსპერტი) დასკვნის საფუძველზე დადგენილ ფასზე ნაკლები ოდენობით განსაზღვრის შემთხვევაში, ინფორმაცია ყოველ კონკრეტულ შემთხვევაში წარედგინება საქართველოს მთავრობას მოწონებისათვის. 3. მოთხოვნებისა და უფლებების (გარდა სახელმწიფო საკუთრებაში არსებული წილებისა და აქციებისა) პირდაპირი მიყიდვის ფორმით და კონკურენტული შერჩევის საფუძველზე პირდაპირი მიყიდვის ფორმით პრივატიზებისას, სახელმწიფო საკუთრებაში არსებული მოთხოვნებისა და უფლებების საპრივატიზებო საფასური განისაზღვრება საქართველოს მთავრობის შესაბამისი გადაწყვეტილებით.“. |
მუხლი 2 |
დადგენილება ამოქმედდეს გამოქვეყნებისთანავე.
|
|
დოკუმენტის კომენტარები