საქართველოს კანონის „ნარჩენების მართვის კოდექსი“ მიზნებისთვის ქარელის მუნიციპალიტეტის ცალკეული ტერიტორიების განსაზღვრის შესახებ

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

საქართველოს კანონის „ნარჩენების მართვის კოდექსი“ მიზნებისთვის ქარელის მუნიციპალიტეტის ცალკეული ტერიტორიების განსაზღვრის შესახებ
დოკუმენტის ნომერი	42
დოკუმენტის მიმღები	ქარელის მუნიციპალიტეტი
მიღების თარიღი	23/10/2015
დოკუმენტის ტიპი	მუნიციპალიტეტის საკრებულოს დადგენილება
გამოქვეყნების წყარო, თარიღი	ვებგვერდი, 28/10/2015
სარეგისტრაციო კოდი	010250020.35.144.016234

PDF გადმოწერა

საქართველოს კანონის „ნარჩენების მართვის კოდექსი“ მიზნებისთვის ქარელის მუნიციპალიტეტის ცალკეული ტერიტორიების განსაზღვრის შესახებ

საქართველოს ორგანული კანონის „ადგილობრივი თვითმმართველობის კოდექსი“ 61-ე მუხლის მე-2 ნაწილისა და საქართველოს კანონის „ნარჩენების მართვის კოდექსი“ 48-ე მუხლის მე-5 ნაწილის შესაბამისად, ქარელის მუნიციპალიტეტის საკრებულო ა დ გ ე ნ ს:

მუხლი 1

ქარელის მუნიციპალიტეტის იმ დასახლებული პუნქტების ტერიტორიებზე, სადაც არ მოქმედებს ქარელის მუნიციპალიტეტის საკრებულოს 2014 წლის 07 ნოემბრის №114 განკარგულებით დამტკიცებული ,,ქარელის, აგარის, სოფლების: ქვენატკოცის, ბებნისის, ქვემო ხვედურეთის, ზემო ხვედურეთის, კეხიჯვრის, ქობესაანთ უბნის, თათანაანთ უბნის, სამწევრისის, რუისის, ურბნისის, ბრეთის, საღოლაშენის, არადეთის, წვერის, სასირეთის, ბრეთის მეურნეობის, ძლევიჯვრის, ყინწვისის, მოხისის, ახალსოფლის, დირბის მოსახლეობიდან, ორგანიზაცია-დაწესებულებებიდან, აგრეთვე სოფელ ახალსოფლის და სოფელ მოხისის დევნილთა ჩასახლებებიდან, ნარჩენების გატანის, ცენტრალური ქუჩების დაგვა-დასუფთავების, სანიაღვრეების გაწმენდის გატანის ღონისძიებათა პროგრამა“ „საქართველოს კანონის, ნარჩენების მართვის კოდექსის 31-ე მუხლის პირველი ნაწილით, მე-7 ნაწილით (გარდა იურიდიული პირისა), მე-9 ნაწილით (გარდა იურიდიული პირისა) და 35-ე მუხლის პირველი ნაწილით გათვალისწინებული პასუხისმგებლობა არ გავრცელდეს 2016 წლის 15 იანვრამდე.

მუხლი 2

დადგენილება ამოქმედდეს გამოქვეყნებისთანავე.

ქარელის მუნიციპალიტეტის საკრებულოს თავმჯდომარე ივანე არდემანაშვილი