შპს „დამოუკიდებელ საერო გიმნაზია შავნაბადას“ საქმიანობის ხელშესაწყობად რიგ ღონისძიებათა განხორციელების შესახებ

საქართველოს მთავრობის

განკარგულება №220 2

2015 წლის 13 ოქტომბერი

ქ. თბილისი

შპს „დამოუკიდებელ საერო გიმნაზია შავნაბადას“ საქმიანობის ხელშესაწყობად რიგ ღონისძიებათა განხორციელების შესახებ

1. „სახელმწიფოქონებისშესახებ“საქართველოსკანონის49¹მუხლის პირველი პუნქტისა და „სახელმწიფო ქონების შესახებ“ საქართველოს კანონში ცვლილების შეტანის თაობაზე“ 2013 წლის 6 სექტემბრის №1037-Iს საქართველოს კანონის მე-2 მუხლის პირველი პუნქტის შესაბამისად, გაუქმებულ იქნეს „პროფესიული განათლების ინფრასტრუქტურის განვითარების სახელმწიფო პროგრამის „პროფესიული განათლება დასაქმებისთვის“ ფარგლებში სახელმწიფო ქონების პირდაპირი მიყიდვის ფორმით პრივატიზების შესახებ“ საქართველოს პრეზიდენტის 2008 წლის 25 ივლისის №523 განკარგულების მე-2 პუნქტის „ე“ ქვეპუნქტით განსაზღვრული საპრივატიზებო პირობა.

2. „სახელმწიფოქონებისშესახებ“საქართველოსკანონის49¹მუხლის პირველი პუნქტის შესაბამისად, შპს „დამოუკიდებელი საერო გიმნაზია შავნაბადა“ (ს/კ 206051396) გათავისუფლდეს მასსა და საქართველოს ეკონომიკური განვითარების სამინისტროს (უფლებამონაცვლე – საქართველოს ეკონომიკისა და მდგრადი განვითარების სამინისტროს სისტემაში შემავალი სსიპ – სახელმწიფო ქონების ეროვნული სააგენტო) შორის გაფორმებული, 2008 წლის 15 აგვისტოს ნასყიდობის ხელშეკრულების საფუძველზე დაკისრებული/დასაკისრებელი პირგასამტეხლოსგან.

3. საქართველოს ეკონომიკისა და მდგრადი განვითარების სამინისტროს სისტემაში შემავალმა საჯარო სამართლის იურიდიულმა პირმა – სახელმწიფო ქონების ეროვნულმა სააგენტომ, ამ განკარგულების შესრულების მიზნით, განახორციელოს კანონმდებლობით გათვალისწინებული შესაბამისი ღონისძიებები.

პრემიერ-მინისტრი                                              ირაკლი ღარიბაშვილი